सुरु होत आहे AI-गर्लफ्रेंडचे युग; अब्जावधी डॉलर्सच्या या उद्योगाने Gen Z चे भविष्य येऊ शकते धोक्यात

आर्टिफिशियल इंटेलिजन्स (एआय) ने आता डेटिंगच्या जगातही प्रवेश केला आहे आणि कदाचित जनरेशन झेडला प्रेमाच्या खेळात या नवीन खेळाडूपासून सावध राहण्याची गरज आहे. ही माहिती एआय-गर्लफ्रेंड उद्योगाबद्दल आहे. हा उद्योग सध्या झपाट्याने वाढत आहे आणि तो दिवस दूर नाही जेव्हा हा उद्योग कदाचितअब्जावधी डॉलर्सपर्यंत पोहोचेल. टेक तज्ज्ञांचा असा विश्वास आहे की, हे डेटिंगचे भविष्य आहे, परंतु त्याच वेळी हे भविष्यात फिशिंग आणि हनी ट्रॅपिंगसाठी एक मोठा सापळा देखील बनू शकते. सध्या, मार्केटमध्ये असे अनेक प्लॅटफॉर्म उपलब्ध आहेत ज्यात AI जनरेटेड मुला-मुलींची डेटींगसाठी यादी केली जाते ज्यांच्याशी तुम्ही चॅट करू शकता. तथापि, त्यांच्या तुमच्याशी बोलण्याच्या सफाईदार पद्धतीमुळे ते प्रत्यक्षात मानव नसून फक्त एक संगणक अल्गोरिदम आहे हे तुम्ही क्वचितच ओळखू शकता.

एआय-गर्लफ्रेंडवर दरमहा 10 हजार डॉलर्स खर्च

लेट चेकआउट होल्डिंग कंपनीचे सीईओ ग्रेग आयझेनबर्गला मियामीमध्ये एक माणूस सापडला जो एआय-गर्लफ्रेंडवर दरमहा 10 हजार डॉलर्स खर्च करतो. ती व्यक्ती म्हणते, ‘काही लोक व्हिडिओ गेम खेळतात आणि मी AI गर्लफ्रेंडसोबत खेळतो.’ पुरुषाला एआय-डेटिंग आवडते कारण तो ‘त्याच्या एआय मैत्रिणीला कस्टमाईज करू शकतो आणि तिच्या आवडी, नापसंती इ. बदलू शकतो.’

AI जनरेटेड अनेक प्लॅटफॉर्म्स

सध्या रोमँटिक AI, Nomi.ai, Kupid.ai, Soulmate, इत्यादी सारखी अनेक प्लॅटफॉर्म्स आहेत ज्यात AI जनरेटेड मुले किंवा मुलींची यादी आहे ज्यांच्याशी लोक चॅट करू शकतात. या प्लॅटफॉर्मवर साइन अप करणे फ्री असले तरीही ते युजर्सना काही हजारो डॉलर्स चार्ज करतात.

AI गर्लफ्रेंड चे उदाहरण

AI गर्लफ्रेंड चे एक उदाहरण म्हणजे ‘कॅरिन’.कॅरिन हे प्रसिद्ध इन्फ्लुएन्सर स्टेफनी इक्पाचा AI क्लोन आहे. जो चाहत्यांना स्वतःच्या आभासी आवृत्तीशी प्रति मिनिट १ डॉलर चार्ज करून चॅट करण्याची संधी देते. दुसरे म्हणजे DreamGF, जे मंथली मेम्बरशीप फी घेऊन कस्टमाईज करता येण्याजोग्या व्यक्तिमत्त्वांसह AI गर्लफ्रेंड ऑफर करते.

एआय-गर्लफ्रेंड उद्योगावर टीका

तथापि, एआय-गर्लफ्रेंड उद्योगावर बरीच टीका होत आहे. काही लोकांचा असा विश्वास आहे की, या व्हर्चुअल (आभासी) रिलेशनमध्ये एखाद्या व्यक्तीच्या एकाकीपणाच्या भावनांचा फायदा घेण्याची आणि वास्तविक मानवी कनेक्शनची जागा घेण्याची क्षमता असते. इतकेच नाही तर, सीरियस इन्व्हॉलमेंट नंतर एखाद्या व्यक्तीच्या वाढलेल्या अपेक्षा आणि भावना या ठिकाणी चिंतेचा विषय बनतो कारण या सर्व भावना AI पार्टनरला समजणे आणि हाताळता येणे कठीण आहे.

फिशिंग किंवा हनी ट्रॅपिंगसारख्या घटनांची शक्यता

नक्कीच, यामुळे फिशिंग किंवा हनी ट्रॅपिंगसारख्या घटना देखील घडू शकतात. फिशिंग घोटाळे AI वेबसाइट किंवा ॲप्सचे अनुकरण करून लॉगिन क्रेडेंशियल किंवा फायनान्शिअल डीटेल्स चोरण्याचा प्रयत्न करू शकतात. त्याच वेळी, हनी ट्रॅपिंगमध्ये, युजर्सना वैयक्तिक माहिती देऊन किंवा पैसे पाठवून घोटाळेबाजांकडून दिशाभूल केली जाऊ शकते.

एकटेपणाचे वाढते प्रमाण

गेल्या काही वर्षांमध्ये एकटेपणाचे प्रमाण वाढल्याने तरुण आणि प्रौढांमध्ये एआय-डेटींगकडे कल वाढला आहे. 2023 च्या गॅलप सर्वेक्षणात असे दिसून आले आहे की, जगभरातील 4 पैकी 1 प्रौढ व्यक्तीने त्यांना एकटेपणा वाटत असल्याचे सांगितले आहे. हे सर्वेक्षण 142 देशांमध्ये करण्यात आले. त्याच वेळी, द गार्डियनच्या अहवालानुसार, सध्या सुमारे 200 दशलक्ष डॉलर्स (सुमारे 1672.71 कोटी रुपये) असलेल्या सेक्स रोबोट उद्योगाच्या वाढत्या व्यवसायासाठी एकाकीपणा हे एक प्रमुख कारण असू शकते.