मोबाइलचे बिल आले 1 कोटींहून अधिक, सावध व्हा जर तुम्हीही करत असाल ‘ही’ चूक

एका जोडप्याला मोबाईलचे बिल चक्क एक कोटी रुपये एवढे आले. त्यांनी कंपनीच्या कस्टमर केअर रिप्रेझेंटेटिव्हशी बोलून आपली समस्या सांगितली. यानंतर कस्टमर केअर रिप्रेझेंटेटिव्हने सांगितले की, बिल पूर्णपणे बरोबर आहे. काय आहे हे संपूर्ण प्रकरण जाणून घेऊया.
71 वर्षांचे रेन रेमंड आपल्या 65 वर्षांच्या पत्नी लिंडासोबत फ्लोरिडा, अमेरिकेत राहतात. एके दिवशी त्यांच्या मोबाईलच्या बिलाने त्यांना आश्चर्याचा धक्का बसला. ‘ABC Action News’ च्या मते, या जोडप्याला स्वित्झर्लंडमधून प्रवास केल्यानंतर 143,442.74 अमेरिकन डॉलरचे बिल मिळाले. जर आपण त्याचे भारतीय चलनात रूपांतर केले तर ते अंदाजे 1.14 कोटी रुपये आहे.

परदेश दौऱ्यादरम्यान वापरला खूप डेटा

मीडिया रिपोर्ट्सनुसार, या जोडप्याने त्यांच्या परदेश दौऱ्यादरम्यान खूप इंटरनेट डेटा वापरला, त्यानंतर मोबाइल कंपनीने त्यांना 1 कोटी रुपयांपेक्षा जास्त मोबाइल बिल पाठवले. रिमांड हा T-Mobile चा 30 वर्ष जुना ग्राहक आहे. त्यांनी सांगितले की परदेशात जाण्यापूर्वी त्यांनी कंपनीच्या स्टोअरला भेट देऊन प्रवासाच्या योजनेबद्दल चर्चा केली होती. त्यात डेटा प्लॅनचा समावेश असल्याचे त्यांनी सांगितले होते.

इतका GB इंटरनेट डेटा वापरला

प्रवासावरून ते घरी परतले असता मोबाईलचे बिल पाहून त्यांचे डोळे उघडले. त्यांनी 9.5 गीगाबाइट (GB) डेटा वापरला होता. हा प्रवास सुमारे तीन आठवड्यांचा होता. त्यांनी दररोज सरासरी 6,000 डॉलर किमतीचा डेटा वापरला, जो खूप जास्त आहे.

पैसे परत करणार असल्याचे आश्वासन

बिल मिळाल्यानंतर रेमंडने तात्काळ टी-मोबाइल्सशी संपर्क साधला. यानंतर त्यांनी कंपनीच्या प्रतिनिधींशी चर्चा केली. यानंतर कस्टमर केअर प्रतिनिधीने हे बिल बरोबर असून यात कोणतीही अडचण नसल्याचे सांगितले. मीडियामध्ये हे प्रकरण समोर आल्यानंतर मात्र ग्राहकांना त्यांचे सर्व पैसे परत करणार असल्याचे कंपनीने सांगितले.

बिल जास्त का आले?

खरं तर, जेव्हा हे जोडपे परदेशात होते तेव्हा त्यांनी भरपूर डेटा वापरला हा डेटा त्यांच्या प्लॅनमध्ये समाविष्ट असल्याचे त्यांना वाटले. असे त्यांना वाटत असले तरी तसे नव्हते आणि त्यामुळे त्यांच्याकडून 1 कोटी रुपयांपेक्षा जास्त इंटरनेट डेटा वापरला गेला.