जबरदस्त! १० हजारांत 108MP कॅमेरा असलेला फोन; रेडमी-रियलमीला झेपलं नाही हे काम

itel S24 स्मार्टफोन भारतीय बाजारात लाँच झाला आहे. यात कमी किंमतीत दमदार फीचर्स देण्यात आले आहेत. फोन ९०हर्ट्झ रिफ्रेश रेट असलेल्या डिस्प्लेसह आला आहे. तसेच यात 108MP चा मुख्य कॅमेरा मिळत आहे. फोनचे दोन कलर ऑप्शन आले आहेत. तसेच यात अल्ट्रा फास्ट परफॉर्मन्ससाठी MediaTek प्रोसेसरचा वापर करण्यात आला आहे. त्याचबरोबर 16GB पर्यंत RAM देखील मिळत आहे. itel च्या या हँडसट मध्ये Atom स्टोरेज टेक्नॉलॉजी मिळते. चला जाणून घेऊया स्मार्टफोनची किंमत आणि सर्व स्पेसिफिकेशन.

itel S24ची किंमत

हा स्मार्टफोन भारतात दोन कलर ऑप्शन Indoor Light आणि Sunlight मध्ये आला आहे. फोनची विक्री ई-कॉमर्स प्लॅटफॉर्म Amazon इंडियाच्या माध्यमातून आज पासूनच केली जाईल. हा स्मार्टफोन १०,९९९ रुपयांमध्ये लाँच करण्यात आला आहे. लाँच ऑफर अंतगर्त हा ९,९९९ रुपयांमध्ये खरेदी करता येईल. कंपनीनं हा फोन फक्त एकच व्हेरिएंटमध्ये लाँच केला आहे.

itel S24 चे सर्व फीचर्स

फोन ६.६ इंचाच्या एचडी+ डिस्प्लेसह आला आहे. याचे पिक्सल रिजोल्यूशन १६१२ x ७२०, रिफ्रेश रेट ९०हर्ट्झ, टच सॅम्पलिंग रेट १२०हर्ट्झ आणि पीक ब्राइटनेस ४८० आहे. या फोनमध्ये Octa Core MediaTek Helio G91 प्रोसेसर देण्यात आला आहे. स्मार्टफोनमध्ये १२८जीबी स्टोरेज आणि ८जीबी रॅम देण्यात आली आहे. रॅम ८जीबीनं वाढवण्याचा पर्याय देखील देण्यात आला आहे. हँडसटमध्ये अल्ट्रा क्लियर साउंड क्वॉलिटी मिळते. फोनमध्ये ड्युअल DTS स्पिकर्स देण्यात आले आहेत.

itel S24 मध्ये १८वॉट फास्ट चार्जिंग असलेली ५०००एमएएचची बॅटरी देण्यात आली आहे. चार्जिंगसाठी यात यूएसबी टाइप-सी पोर्ट देण्यात आला आहे. फोन एआय स्मार्ट चार्जला सपोर्ट करतो. याची बॅटरी स्टँडबायवर ४९ दिवसांपर्यंत टिकू शकते.

108MP कॅमेरा

फोटोग्राफीसाठी फोनच्या मागे १०८मेगापिक्सलचा एआय ड्युअल कॅमेरा सेटअप देण्यात आला आहे. सेल्फी कॅमेऱ्यासाठी डिस्प्लेवर पंच होल कटआउट मिळतो. फोन ८ मेगापिक्सलच्या फ्रंट कॅमेऱ्यासह बाजारात आला आहे. फोन आणखी अनेक शानदार फीचर्ससह भारतीय बाजारात लाँच झाला आहे.