Realme 12 सीरिजमध्ये स्वस्त मॉडेलचा समावेश; खिशाला परवडणाऱ्या बजेटमध्ये ८जीबी रॅमसह १०८एमपीचा कॅमेरा

रियलमीनं आपल्या नंबर सीरीज १२ मध्ये एक नवीन स्मार्टफोन जोडला आहे. जो Realme 12 Lite 4G नावाने तुर्कीमध्ये लाँच करण्यात आला आहे. डिव्हाइसमध्ये युजर्सना ६.७२ इंचाचा मोठा डिस्प्ले, स्नॅपड्रॅगन ६८५ प्रोसेसर, १०८ मेगापिक्सल कॅमेरा, ५०००एमएएचची बॅटरी असे अनेक फीचर्स मिळतील. चला जाणून घेऊया या मोबाइलचे फुल स्पेसिफिकेशन आणि किंमत.

Realme 12 Lite 4G ची किंमत

फोन तुर्कीमध्ये दोन स्टोरेज ऑप्शनमध्ये आला आहे. ज्यात ६जीबी रॅम व १२८GB स्टोरेज आणि ८ जीबी रॅम व २५६जीबी स्टोरेजचा समावेश आहे. डिवाइसच्या ६जीबी रॅम व १२८जीबी व्हेरिएंटची किंमत १०,९९९ तुर्किश लिरा म्हणजे जवळपास २८,००० रुपये आहे. तर मोबाइलचा ८जीबी रॅम व २५६ जीबी स्टोरेज मॉडेल १४,९९९ तुर्किश लिरा म्हणजे भारतीय करन्सीनुसार सुमारे ३८,००० रुपयांचा आहे. Realme 12 Lite 4G स्मार्टफोन Oasis Sun आणि Black सारखे दोन कलरमध्ये सादर झाला आहे.

Realme 12 Lite 4G चे स्पेसिफिकेशन्स

Realme 12 Lite 4G फोनमध्ये कंपनीनं ६.७२ इंचाचा मोठा डिस्प्ले देण्यात आला आहे. जो १०८० x २४०० पिक्सल रिजॉल्यूशन आणि ९०हर्ट्झ रिफ्रेश रेटला सपोर्ट करतो. चांगल्या प्रोसेसिंगसाठी ब्रँडनं यात स्नॅपड्रॅगन ६८५ प्रोसेसरचा वापर केला आहे. जो गेमिंगसह इतर ऑपरेशनमध्ये चांगला अनुभव देईल. डिव्हाइसमध्ये युजर्सना ८जीबी पर्यंत रॅम आणि २५६ जीबी पर्यंत इंटरनल स्टोरेज देण्यात आली आहे.

फोटोग्राफीसाठी Realme 12 Lite स्मार्टफोन ड्युअल रियर कॅमेरा सेटअप आणि एलईडी फ्लॅशसह आला आहे. ज्यात १०८ मेगापिक्सलचा प्रायमरी कॅमेरा आणि आणखी एक लेन्स आहे. तसेच, सेल्फी आणि व्हिडीओ कॉलिंगसाठी ८ मेगापिक्सलचा फ्रंट कॅमेरा मिळतो. फोनमध्ये पावर बॅकअपसाठी ५०००एमएएचची मोठी बॅटरी मिळते जी चटकन चार्ज करण्यासाठी ३३वॉट फास्ट चार्जिंगचा सपोर्ट आहे. अन्य फीचर्स पाहता Realme 12 Lite 4G मध्ये ड्युअल सिम ४जी, वाय-फाय, ब्लूटूथ सारखे बेसिक ऑप्शन मिळत आहेत.