भारतीय बाजारपेठेकडे Appleचे लागले लक्ष, दिल्ली, मुंबईनंतर या 3 शहरांमध्ये उघडणार नवीन स्टोअर

कंपनीने आपले व्यवसायातील लक्ष भारताकडे वळवले आहे. या अनुषंघाने कंपनीने मुंबईत आपले भारतातील पहिले ऑनलाईन स्टोअर सुरू केले. तेव्हापासूनच ॲपल आगामी काळात भारतीय बाजारपेठेबद्दल काही महत्त्वाचे निर्णय घेईल असे सांगण्यात येत आहे. याबद्दल आता मोठी माहिती समोर आली आहे.

Apple लवकरच भारतात 3 नवीन स्टोअर उघडू शकते. म्हणजेच कंपनी भारतातील व्यवसायाकडे अधिक लक्ष देत आहे. या 3 शहरांमध्ये कंपनीने स्टोअर उघडल्यामुळे तेथील लोक आता अधिकृत दुकानात जावून डिव्हाइसेस खरेदी करू शकता. तसेच, एका रिपोर्टमध्ये असा दावा करण्यात आला आहे की ॲपल दीर्घकाळापासून भारतात आपला व्यवसाय वाढवण्याचा विचार करत आहे. आता कंपनी नवीन स्टोअर्स उघडणार हे स्पष्ट झाले आहे. यामध्ये पुणे, बंगळुरू आणि नोएडाच्या नावांचा समावेश आहे.

मुंबई व दिल्लीतून चांगला प्रतिसाद

Appleने गेल्या वर्षी भारतात 2 स्टोअर उघडले होते. या स्टोअर्सच्या उद्घाटनाची भारतात मोठी चर्चा रंगली होती. त्याचे यश पाहून ॲपलने आपल्या व्यवसायाला नवी दिशा देण्याचे ठरवले आहे. रिपोर्ट्सनुसार ॲपलच्या दोन्ही दुकानांमधील मासिक विक्री 16-17 कोटी रुपये इतकी आहे. या दुकानांचे उद्घाटन झाल्यापासून विक्रीत सातत्याने वाढ होत आहे. मुंबईच्या दुकानाचा विक्री दिल्लीच्या दुकानापेक्षा जास्त आहे. तर कंपनीला दिल्लीतील स्टोअरमधूनही देखील चांगला प्रतिसाद मिळत आहे.

iPhone 16मध्ये Apple हे बदल करण्याची शक्यता

Apple कंपनी आपला नवीन iPhone 16 यावर्षी लॉन्च करेल. या स्मार्टफोनच्या ॲक्शन बटणांमध्ये बरेच बदल पाहिले जाऊ शकतात. लाँचिंगपूर्वी लीक झालेल्या माहितीनुसार, झूम, फोकस आणि रेकॉर्डिंगचे नवीन ऑप्शन्स यामध्ये दिले जाऊ शकतात. यामध्ये तुम्हाला 48MP अल्ट्रा वाइड कॅमेरा देखील दिला जाऊ शकतो. तर Pro Max मध्ये Tetra Prism कॅमेरा आणि 5X ते 25X पर्यंत डिजिटल झूम मिळू शकते. आगामी फोनच्या डिझाइनमध्ये देखील बदल होण्याची दाट शक्यता आहे.