१० हजारांच्या बजेटमध्ये ५जी फोनची एंट्री; जाणून घ्या Realme C65 5G चे शानदार फीचर्स

Realme C65 5G स्मार्टफोन भारतीय बाजारात लाँच करण्यात आला आहे. स्मार्टफोन दोन कलर ऑप्शनमध्ये येतो. हा हँडसेट MediaTek D6300 चिपसेटसह येणारा जगातील पहिला स्मार्टफोन आहे. फोनमध्ये १२०हर्ट्झ रिफ्रेश रेट असलेला डिस्प्ले देण्यात आला आहे. तसेच यात 6GB RAM डायनॅमिक रॅमचा देखील ऑप्शन मिळतो. फोन अनेक कलर ऑप्शनमध्ये लाँच करण्यात आला आहे. तसेच, रियलमीच्या या फोनमध्ये AI बूस्ट इंजिन देण्यात आलं आहे. स्मार्टफोनची किंमत आणि सर्व स्पेसिफिकेशन पुढे वाचता येतील.

Realme C65 5Gची किंमत

Realme C65 स्मार्टफोनच्या बेस व्हेरिएंटमध्ये 4GB RAM सह 64GB स्टोरेज देण्यात आली आहे. हा १०,४९९ रुपयांमध्ये लाँच करण्यात आला आहे. तर याचा दुसरा व्हेरिएंट ११,४९९ रुपयांमध्ये आला आहे. तर 6GB RAM आणि 128GB स्टोरेज व्हेरिएंटची किंमत १२,४९९ रुपये आहे. फोन Feather Green आणि Glowing Black या दोन कलर ऑप्शन मध्ये आला आहे.

याची विक्री आज म्हणजे २६ एप्रिल, २०२४ ला संध्याकाळी ४:३० वाजल्यापासून Flipkart वर सुरु होईल. पहिल्या सेलमध्ये १००० रुपयांचा डिस्काउंट मिळेल. ही ऑफर SBI, HDFC आणि ICICI बँकेच्या कार्डनं पेमेंट केल्यावर मिळेल.

Realme C65 5Gचे फीचर्स

स्मार्टफोनचे फीचर्स पाहता या स्मार्टफोनमध्ये ७२० X १६०४ पिक्सल रिजोल्यूशन असलेला ६.६७ इंचाचा डिस्प्ले देण्यात आला आहे. याचा रिफ्रेश रेट १२०हर्ट्झ आणि टच सॅम्पलिंग रेट २४०हर्ट्झ आहे. डिस्प्लेची पीक ब्राइटनेस ५०० नीट्स आहे.

हँडसेट डायमेन्सिटी ६३०० ५जी प्रोसेसरसह आला आहे. स्मार्टफोनमध्ये ६जीबी पर्यंत रॅम आणि १२८जीबी पर्यंत स्टोरेज देण्यात आली आहे. फोन अँड्रॉइड १४ आधारित रियलमी युआय ५.० वर चालतो. फोनमध्ये ब्लूटूथ आणि वाय-फाय सारखे कनेक्टिव्हिटी फीचर मिळतात.

फोटोग्राफीसाठी फोनच्या मागे ५०एमपीचा मुख्य कॅमेरा देण्यात आला आहे. फोनच्या फ्रंटला सेल्फी आणि व्हिडीओ कॉलिंगसाठी हा हँडसेट ८एमपीचा कॅमेरा मिळतो. Realme C65 स्मार्टफोनमध्ये ५०००एमएएचची बॅटरी देण्यात आली आहे. फोन १५वॉट फास्ट चार्जिंगला सपोर्ट करतो.