Tej Police Times
टेलिकॉम मार्केटमध्ये एअरटेल, जिओ, व्होडाफोन-आयडियाची एकतर्फी मक्तेदारी आहे. पण परिस्थितीही वेळोवेळी बदलते. आता सरकारी कंपनी बीएसएनएलच्या काही नवीन ऑफर्सबद्दल सांगणार आहोत.वास्तविक या ऑफर ब्रॉडबँडबाबत दिल्या जात आहेत. कारण आता तुम्हाला मोफत वायफाय कनेक्शन मिळू शकते.
वायफाय कनेक्शन इन्स्टॉलेशन मोफत
BSNL कडून नवीन युजर्सना एक नवीन ऑफर दिली जात आहे. आता नवीन युजर्सना वायफाय कनेक्शन घेण्यासाठी कोणतेही इन्स्टॉलेशन चार्जेस द्यावे लागणार नाही. म्हणजेच इन्स्टॉलेशन पूर्णपणे मोफत दिले जात आहे. ही ऑफर कंपनीने गेल्या वर्षीच दिली होती, पण ती ३१ मार्चपर्यंत संपणार होती. अशा परिस्थितीत बीएसएनएलने एक मोठा निर्णय घेतला असून ही ऑफर आता वर्षभरासाठी वाढवण्यात आली आहे.
कनेक्शनसाठी करा ऑनलाइन अर्ज
जर तुम्ही नवीन सेटअप इन्स्टॉल करण्याचा विचार करत असाल, तर तुम्हाला फक्त प्लॅनसाठी पैसे द्यावे लागतील. म्हणजेच कोणतेही अतिरिक्त शुल्क भरण्याची गरज नाही. म्हणजेच तुम्हाला केबल्स आणि डिव्हाईससाठी कोणतेही चार्जेस द्यावे लागणार नाही. हे कंपनीद्वारे प्रोव्हाईड केले जात आहे आणि ते देखील पूर्णपणे विनामूल्य.भारतफायबर आणि एअरफायबर सेवा BSNL द्वारे ऑफर केल्या जात आहेत. विशेष म्हणजे कंपनीकडून दोन्ही पूर्णपणे मोफत दिले जात आहेत. तुम्हालाही नवीन कनेक्शन घ्यायचे असेल तर तुम्ही ऑनलाइन अर्ज करू शकता. यासाठी तुम्हाला कंपनीच्या अधिकृत साइटवर जावे लागेल. येथे तुम्हाला नवीन कनेक्शन ऑफर केले जाईल. यासाठी लॉगिन करणे आवश्यक आहे. येथे तुम्हाला घराची संपूर्ण माहिती भरल्यानंतर अर्ज सबमिट करावा लागेल. हा तुमच्यासाठी एक चांगला पर्याय असल्याचे सिद्ध होत आहे.
सरकारने ‘या’ Wi-F राउटरच्या विक्रीवर घातली आहे बंदी
जर घरात इंटरनेट वापरण्यासाठी तुम्ही वाय-फाय राउटर बसवत असाल तर कदाचित तुमची अडचण वाढू शकते. सरकारने काही Wi-F राउटरच्या विक्रीवर बंदी घातली आहे. सध्या, केवळ 2.4 GHz आणि 5 GHz बँड असलेल्या Wi-Fi राउटरना भारतात विक्रीसाठी परवानगी मिळाली आहे.वाय-फाय 6E राउटर परवानगीशिवाय विकले जात आहेत,Wi-Fi 6E राउटर 6 GHz स्पेक्ट्रम बँडला सपोर्ट करतात.अशात, सेल्युलर ऑपरेटर्स असोसिएशन ऑफ इंडिया (COAI) ने या प्रकरणी दूरसंचार विभागाला (DoT) पत्र लिहिले आहे. IANS च्या अहवालानुसार,सरकारने अद्याप विक्रीला परवानगी दिलेली नसतांना वाय-फाय 6E तंत्रज्ञान असलेले राउटर भारतात ऑनलाइन आणि ऑफलाइन चॅनेलद्वारे विकले जात आहेत. अमेझॉन, फ्लिपकार्ट इत्यादी ई-कॉमर्स प्लॅटफॉर्मवर हे राउटर सहज उपलब्ध आहेत. सीओएआयने परवानगीशिवाय या नवीन तंत्रज्ञानासह राउटरच्या विक्रीवर दूरसंचार विभागाला पत्र लिहिले आहे.अशा अनधिकृत उपकरणांची विक्री करणाऱ्या ई-कॉमर्स प्लॅटफॉर्मवर तसेच खरेदी करणाऱ्या ग्राहकांवर कायदेशीर कारवाई केली जाऊ शकते. भारतीय दूरसंचार कायदा 2023 नुसार कोणताही स्पेक्ट्रम वापरण्यासाठी त्याच्या मालकाला केंद्र सरकारची परवानगी घ्यावी लागेल.
ॲमेझॉनवर राउटरची बिनदिक्कतपणे केली जात आहे विक्री
ई-कॉमर्स वेबसाइट Amazon वर अनेक ब्रँडचे Wi-Fi 6E राउटर प्लॅटफॉर्मवर विक्रीसाठी सहज उपलब्ध आहेत. 6 GHz स्पेक्ट्रम बँड असलेले हे राउटर युजर्सना हाय स्पीड इंटरनेटचा देतात. सरकारची मान्यता नसतानाही, हे ई-कॉमर्स वेबसाइट्स आणि ऑफलाइन किरकोळ विक्रेत्यांकडून सहजपणे खरेदी केले जाऊ शकतात.