फोनवर बोलणे आता होईल अधिक मजेदार; गुगल आणते आहे ऑडिओ इमोजी जाणून घ्या सविस्तर माहिती

गुगल आपल्या फोन ॲपमध्ये “ऑडिओ इमोजी” नावाचे एक नवीन फीचर सादर करत आहे. अँड्रॉईड युजर्स आपल्या फोन कॉल दरम्यान सहा प्रकारचे आवाज प्ले करू शकतील. हे आवाज उदास भाव, टाळ्या वाजवणे, सेलिब्रेशन करणे, हसण्याचा आवाज, ढोलकीची थाप आणि पुपसारखे असतील.

संभाषण होईल अधिक मजेदार

तुमचे फोन संभाषण अधिक मजेदार बनवण्यासाठी, Google त्यांच्या फोन ॲपमध्ये “ऑडिओ इमोजी” नावाचे एक नवीन फीचर सादर करत आहे. 9to5Google ने अहवाल दिल्याप्रमाणे, Android युजर्स फोन कॉल दरम्यान सहा प्रकारचे आवाज प्ले करू शकतील.”ऑडिओ इमोजी” फीचर गेल्या वर्षी सप्टेंबरमध्ये पहिल्यांदा दिसले होते, तेव्हा त्याला ‘साउंड रिऍक्शन’ असे म्हणत.

नवीन फीचर Google Phone ॲपच्या टेस्ट व्हर्जनमध्ये

हे नवीन फीचर Google Phone ॲपच्या टेस्ट व्हर्जनमध्ये (आवृत्ती 128) चालू आहे आणि काही आठवड्यांत प्रत्येकासाठी उपलब्ध होण्याची अपेक्षा आहे. या फीचरमध्ये तुम्ही कोणताही व्हॉइस इमोजी प्ले करता तेव्हा स्क्रीनवर एक लहान ॲनिमेशन दिसेल. फोन करणारा आणि ऐकणारा दोघांनाही हे ॲनिमेशन दिसेल की नाही हे अद्याप कळू शकलेलं नाही, पण दोन्ही बाजूंनी आवाज ऐकू येईल.

Android मध्ये ऑडिओ इमोजी कसे वापरावे

हे फीचर सध्या केवळ टेस्ट युजर्ससाठी उपलब्ध आहे. ते वापरण्यासाठी खालील स्टेप्स फॉलो करा

• तुमच्या फोनची सेटिंग्ज उघडा.
• खाली स्क्रोल करा आणि जनरल सेक्शनमध्ये जा.
• “ऑडिओ इमोजी” वर टॅप करा.
• ते चालू करण्यासाठी स्विच दाबा.
• एकदा तुम्ही फीचर चालू केल्यानंतर, तुम्ही कॉल करत असताना स्क्रीनवर एक फ्लोटिंग बटण दिसेल जे तुम्हाला व्हॉइस इमोजी पाठवू देते.
• ‘Try audio emoji’ वर टॅप करा आणि दिसणारे कोणतेही इमोजी निवडा. फक्त एक गोष्ट लक्षात ठेवा, हे फीचर फक्त स्पीकर मोडमध्ये काम करते. तसेच, वारंवार वापरले जाऊ नये म्हणून दोन साउंड इमोजी पाठवण्यामध्ये थोडी गॅप असते.

गुगल प्ले स्टोअरवर एक नवीन फीचर

गुगल प्ले स्टोअरवर एक नवीन फीचर आले आहे. आता तुम्ही एकाच वेळी अनेक ॲप्स डाउनलोड आणि इन्स्टॉल करू शकता. हे फीचर सध्या फक्त नवीन ॲप्स डाउनलोड करण्यासाठी काम करते, ॲप्स अपडेट करण्यासाठी नाही.