स्लो Wifi स्पीडमुळे त्रस्त आहात, या 4 मार्गांनी सुसाट धावेल इंटरनेट; जाणून घ्या

Wifi Tips: आजच्या डिजिटल युगात वाय-फाय हा आपल्या घराचा किंवा ऑफिसचा महत्त्वाचा भाग बनला आहे. चांगल्या वाय-फाय कनेक्शनसह, तुम्ही घरबसल्या इंटरनेट ब्राउझिंग, एचडी व्हिडिओ स्ट्रीमिंग आणि गेमिंगचा आनंद घेऊ शकता. मात्र, काही वेळा वाय-फायचा वेग कमी झाल्यास, त्यामुळे अनेक कामे ठप्प होतात. अशा परिस्थितीत काही गोष्टी लक्षात ठेवून तुम्ही तुमच्या वाय-फायचा वेग वाढवू शकता. या मार्गांनी देखील तुमची समस्या सुटत नसेल तर तुम्ही नेटवर्क प्रोव्हायडर कंपनीकडे तक्रार करु शकता

वायफाय राउटरसाठी योग्य जागेची करा निवड

वाय-फाय द्वारे हाय-स्पीड इंटरनेट ॲक्सेस मिळवण्यासाठी, सर्वप्रथम तुम्हाला वाय-फाय राउटर चांगल्या ठिकाणी ठेवावे लागेल. वाय-फाय राउटर नेहमी अशा ठिकाणी ठेवावे की जिथे संपूर्ण घरात सहजपणे वाय-फाय कनेक्शन मिळू शकेल. तज्ज्ञांच्या मते, वाय-फाय राउटर नेहमी उंच ठिकाणी ठेवावे.

इलेक्ट्रॉनिक डिवाइसेसपासून ठेवा दूर

वाय-फाय राउटर नेहमी इलेक्ट्रॉनिक डिवाइसेसपासून दूर ठेवा. अनेकवेळा आपण नकळत वाय-फाय राउटरला रेफ्रिजरेटर, टीव्ही, कॉम्प्युटर या इलेक्ट्रॉनिक डिवाइसेसपासून जवळ ठेवतो. याचा परिणाम वाय-फाय कनेक्शनवर होतो.

वायफाय राउटरचा अँटेना नीट कसा करावा

कधीकधी वाय-फाय कनेक्शनला इंटरनेट स्पीड न मिळण्याचे कारण वाय-फाय राउटरचा अँटेना देखील असू शकतो. तुमचे इंटरनेट कनेक्शन डाउन होताच, तुम्ही सर्वप्रथम वाय-फाय राउटरच्या अँटेनाकडे पहावे. राउटर अँटेना खाली असल्यास, तो नीट करावा कारण याचा वाय-फायच्या स्पीडवर याचा थेट परिणाम होतो.

कनेक्शनच्या संख्येकडे लक्ष द्या

बऱ्याच वेळा तुमच्याकडे एका वाय-फाय कनेक्शनशी अनेक डीवाईसेस जोडलेली असतात. यामुळे वाय-फायचा स्पीड कमी होतो. वर दिलेल्या सर्व गोष्टी नीट करूनही तुमचा वाय-फाय स्लो होत असेल, तर तुम्ही वाय-फायशी कनेक्ट केलेल्या उपकरणांची संख्या पहा. वाय-फाय शी अनेक डिव्हाइस कनेक्ट असल्यास, तुम्ही काही डिव्हाइसेस डिस्कनेक्ट करून तुमच्या वाय-फायचा स्पीड सुधारू शकता.