धडामदीशी पडली वनप्लसला टक्कर देणाऱ्या Samsung फोनची किंमत; पुन्हा मिळणार २१ हजारांची सूट

Flipkart Big Saving Days सेल दरम्यान अनेक स्मार्टफोन्सवर जबरदस्त डील्स मिळत आहेत. यात सॅमसंगच्या फ्लॅगशिप फोन्सचा देखील समावेश आहे. २ मे ते ९ मे दरम्यान सुरु राहणाऱ्या या सेलमध्ये तुम्ही Samsung Galaxy S23 FE अत्यंत स्वस्तात खरेदी करू शकता. हा फोन फ्लॅगशिप लेव्हलचे फीचर्स कमी किंमतीत देण्यासाठी कंपनीनं ऑक्टोबर २०२३ मध्ये लाँच केला होता. यात Exynos प्रोसेसर आणि ४५००एमएएचची बॅटरी मिळते. यात ट्रिपल रियर कॅमेरा सेटअप देण्यात आला आहे. फोन अ‍ॅमोलेड डिस्प्ले, ८जीबी रॅम आणि १२८जीबी स्टोरेजसह येतो. चला जाणून घेऊया यावर मिळणाऱ्या ऑफर्सची माहिती.

Samsung Galaxy S23 FE ची किंमत

हा हँडसेट तुम्ही बंपर डिस्काउंटसह खरेदी करू शकाल. कंपनीनं हा फोन ५४,९९९ रुपयांमध्ये लाँच केला होता, जो आता ३३,९९९ रुपयांमध्ये मिळत आहे. ही किंमत फोनच्या ८जीबी रॅम + १२८जीबी स्टोरेज व्हेरिएंटची आहे. या हँडसेटची किंमत २१ हजार रुपयांनी कमी झाली आहे. Samsung Galaxy S23 FE तुम्ही मर्यादित कालावधीसाठी या किंमतीत Flipkart Sale मध्ये खरेदी करू शकता. हा फोन क्रीम, ग्रॅफाइट, मिंट,पर्पल आणि आणखी दोन कलरमध्ये येतो.

Samsung Galaxy S23 FE चे स्पेसिफिकेशन्स?

Samsung Galaxy S23 FE मध्ये ६.४ इंचाचा डायनॅमिक अ‍ॅमोलेड डिस्प्ले मिळतो, जो १२०हर्ट्झ रिफ्रेश रेट आणि गोरिल्ला ग्लास ५ प्रोटेक्शनसह येतो. सिक्योरिटीसाठी फोनमध्ये इन-डिस्प्ले फिंगरप्रिंट सेन्सर देखील देण्यात आला आहे. लेटेस्ट अपडेटमध्ये कंपनीनं या फोनमध्ये एआय फीचर्स देखील जोडले आहेत. स्मार्टफोनमध्ये एक्सिनॉस प्रोसेसर देण्यात आला आहे. फोन अँड्रॉइड १३ आधारित वनयुआय ६.१ सह लाँच झाला होता. आता यात लेटेस्ट अँड्रॉइड व्हर्जन मिळतो.

फोनमध्ये ट्रिपल रियर कॅमेरा सेटअप देण्यात आला आहे, ज्यात ५०एमपीचा मुख्य कॅमेरा आहे. तसेच ८एमपीची टेलीफोटो आणि १२एमपीची अल्ट्रा वाइड अँगल लेन्स मिळते. फ्रंटला कंपनीनं १०एमपीचा सेल्फी कॅमेरा दिला आहे. डिवाइसला पावर देण्यासाठी ४५००एमएएचची बॅटरी देण्यात आली आहे, जी २५वॉट वायर्ड चार्जिंग आणि १५वॉट वायरलेस चार्जिंगसह येते.