Tej Police Times
७५ हजार वर्षांपूर्वी मानव कसा दिसला असेल याची आपण कल्पनाही नाही करू शकत शास्त्रज्ञांनी मात्र हे साध्य केले आहे. या महिलेचा चेहरा कवटी वापरून तयार करण्यात आला आहे. ही कवटी 2018 मध्ये सापडली होती पण ती खराब अवस्थेत होती.
सांगाड्याची स्थिती नाजूक
एएफपीच्या वृत्तानुसार, या महिलेचे नाव शनिदर झेड आहे. कारण तिची कवटी इराकमधील कुर्दिस्तानमधील एका गुहेत सापडली होती. या शोधातून 40 हून अधिक निएंडरथल स्त्रियांबद्दल देखील माहिती झाली आहे.या महिला एका मोठ्या दगडाच्या चिन्हाखाली झोपलेल्या स्थितीत आढळल्या. बीबीसीच्या म्हणण्यानुसार, हा चेहरा उरलेल्या सांगाड्याचा वापर करून तयार करण्यात आला आहे. या सांगाड्याची हाडे ओल्या बिस्किटासारखी नाजूक झाल्याचेही अहवालात म्हटले आहे.
बनविले चेहऱ्याचे थ्रीडी मॉडेल
सांगाड्याच्या नाजूक परिस्थितीमुळे हा चेहरा तयार करणे हे तज्ज्ञांसाठी मोठे आव्हान होते. त्यासाठी त्याने आधी त्याच्या तुकड्यांना थोडी ताकद दिली. त्यानंतर त्यांचा वापर करून थ्रीडी मॉडेल तयार करण्यात आले. शेवटचे निएंडरथल्स 40 हजार वर्षांपूर्वी गूढपणे मरण पावले असे म्हणतात. काही हजार वर्षांनंतरच मनुष्य पृथ्वीवर आला.
शतकातील निएंडरथलचा सर्वोत्तम नमुना
शनिदर झेडची कवटी दोन सेंटीमीटर किंवा ०.७ इंच सपाट असल्याची म्हणजे दडपली गेल्याचीआढळून आली. त्यावर काही दगड पडल्याने हा प्रकार घडल्याचे मानले जात आहे. आणि हे त्या महिलेच्या मृत्यूनंतर लगेचच घडले असावे. पण तरीही तो या शतकात सापडलेला निएंडरथलचा सर्वोत्तम नमुना मानला जातो. शनिदर झेडच्या सांगाड्याचा खालचा भाग 1960 मध्ये बाहेर काढण्यात आल्याचे मानले जाते. हा शोध अमेरिकन पुरातत्वशास्त्रज्ञ राल्फ सोलेकी यांनी लावला आहे.