4 स्टार विरुध्द 5 स्टार; कोणता एसी तुमच्यासाठी योग्य? जाणून घ्या सविस्तर

वाढत्या तापमानामुळे उष्णतेने नागरिकांचे हाल झाले आहेत. कडक उन्हापासून वाचण्यासाठी कोणी कुलर तर कोणी एसी खरेदी करत आहेत. एसी खरेदी करताना लोकांच्या मनात अनेक प्रश्न निर्माण होतात जसे की 4 स्टार आणि 5 स्टार रेटिंगमध्ये काय फरक आहे? रेटिंगचा अर्थ काय आहे आणि 4 स्टार किंवा 5 स्टार रेटेड एसी खरेदी करणे चांगले आहे का?या सर्व प्रश्नांबाबत तुमच्याही मनात संभ्रम असेल तर याबाबत सविस्तर माहिती देत आहोत. फक्त AC नाही तर कोणत्याही घरगुती उपकरणामध्ये रेटिंगचा एकच अर्थ आहे, हे उत्पादन किती ऊर्जा कार्यक्षम आहे याची माहिती देते, म्हणजेच ते किती वीज वाचवते हे यातून समजते.

वीज बचत

4 स्टार रेटिंग असलेल्या एसीच्या तुलनेत, 5 स्टार रेटिंग असलेले एसी 10 ते 15 टक्के जास्त वीज वाचवते. यामुळेच जर एसी दररोज बराच वेळ चालत असेल तर 5 स्टार रेटिंग असलेला एसी खरेदी करण्याचा सल्ला दिला जातो.

किंमत

किंमतीबद्दल बोलायचे झाल्यास, तुम्हाला 4 स्टार रेटेड एसीच्या तुलनेत 5 स्टार रेटेड एसी खरेदी करण्यासाठी अधिक पैसे खर्च करावे लागतील. अर्थात, सुरुवातीला जास्त पैसे खर्च करणे कठीण वाटू शकते, परंतु 5 स्टार रेटेड एसी तुम्हाला दरमहा अधिक वीज वाचवण्यास मदत करेल. अधिक विजेची बचत म्हणजे थेट पैशांची बचत.

वीज वापर

वीज वापराबद्दल बोलायचे झाल्यास, 4 स्टार आणि 5 स्टार रेटिंग देण्यापूर्वी एसीची चाचणी केली जाते. कोणत्याही AC मॉडेलला 1 वर्षातील 1600 तास चालण्यानुसार रेट केले जाते. जर तुम्हाला सोप्या भाषेत समजून घ्यायचे असेल तर, एखाद्या व्यक्तीने वर्षभरात 1600 तास एसी चालवला तर किती वीज वापरली जाईल, ही माहिती तुम्हाला रेटिंग स्टिकरवर इलेक्ट्रिसिटी कंझम्पशनवर लिहिलेली मिळेल. 4 स्टार आणि 5 स्टार रेटिंग असलेल्या वेगवेगळ्या मॉडेल्सचा वीज वापर वेगळा असू शकतो याशिवाय, AC रेटिंग चार्टमध्ये ISSER देखील लिहिलेला आहे ज्याचा अर्थ Indian Seasonal Energy Efficiency Ratio आहे.

5 स्टार की 4 स्टार एसी, कोणता निवडायचा?

जर तुमच्या घरात 10 ते 12 तास नॉन-स्टॉप एसी चालू असेल तर तुम्ही 4 स्टार ऐवजी 5 स्टार एसी घ्या. ज्या लोकांच्या घरात फक्त 5 ते 6 तास एसी चालतो ते 4 स्टार रेटिंग असलेला एसी देखील खरेदी करू शकतात.