जुन्या टीव्हीला स्मार्ट बनवेल ‘हा’ छोटुसा डिवाइस; ४के मध्ये पाहता येतील चित्रपट, मालिका आणि युट्युबही

Amazon Fire TV Stick 4K भारतात लाँच करण्यात आली आहे. ही कंपनीची थर्ड जनरेशन फायर टीव्ही स्टिक आहे, जी तुमच्या जुन्य टीव्हीला स्मार्ट बनवेल. कंपनीनं आपली पहिली Fire TV Stick २०२२ मध्ये लाँच केली होती. तसेच, २०२३ मध्ये सेकंड जनरेशन स्टिक लाँच झाली होती. आता २०२४ मध्ये कंपनीनं थर्ड जनरेशन स्टिक लाँच केली आहे. विशेष म्हणजे ही टीव्ही स्टिक 4K व्हिडीओ क्वॉलिटीला सपोर्ट करते. तुम्ही या स्वस्त डिवाइसच्या माध्यमातून 4K व्हिडीओ स्ट्रीम करू शकता.

Amazon Fire TV Stick 4Kची किंमत

किंमत पाहता, Amazon Fire TV Stick 4K ५,९९९ रुपयांमध्ये लाँच करण्यात आली आहे. हा डिव्हाइस नेहमीप्रमाणे सिंगल मॅट ब्लॅक कलर ऑप्शनमध्ये येतो. याची प्री-बुकिंग Amazon वर सुरु झाली आहे. तसेच, याची विक्री १३ मेपासून सुरु होईल. ऑफलाइन हा डिवाइस Croma, Reliance Digital आणि Vijay Sales सेल्सवरून खरेदी करता येईल.

Amazon Fire TV Stick 4K चे फीचर्स

नावावरून समजलं असेल की Amazon Fire TV Stick 4K मध्ये 4K व्हिडीओ स्ट्रीमिंग क्वॉलिटी मिळेल. तसेच, हा डिव्हाइस १.७गिगाहर्टझ क्वॉड कोर प्रोसेसरवर चालतो. हा नवीन मॉडेल जुन्या मॉडेलच्या तुलनेत ३० टक्के जास्त पावरफुल आहे. त्याचबरोबर यात डॉल्बी व्हिजन व ऑडियोसाठी डॉल्बी ॲटमॉसचा सपोर्ट आहे.

याचं रिमोटमध्ये Amazon Prime Video, Netflix व Amazon Music साठी खास बटन देण्यात आले आहेत. हा डिव्हाइस Amazon Appstoreच्या माध्यमातून तुम्हाला १२,००० पेक्षा देखील जास्त अ‍ॅप्स अ‍ॅक्सेस करतो, ज्यात Disney+ Hotstar, Zee5 आणि Jio Cinema चा समावेश आहे. यात तुम्ही ॲड-फ्री Amazon MiniTV, YouTube आणि MX Player अ‍ॅप्स देखील अ‍ॅक्सेस करू शकता.

या रिमोटमध्ये Alexa Voice चा सपोर्ट देखील मिळतो, त्यामुळे आवाजाने टीव्ही कंट्रोल करता येतो. तुम्हाला टीव्हीवर जे पाहायचं असेल त्याची कमांड तुम्ही रिमोटवर बोलू शकता. त्यानंतर स्क्रीनवर तो कंटेंट प्ले होईल. Amazon Fire TV Stick 4K मध्ये Low Power मोड देण्यात आला आहे, ज्यामुळे डिवाइस इन-अ‍ॅक्टिव्ह झाल्यास sleep मोड सक्रिय होतो.