Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
OnePlus Nord CE 4 Lite लवकरच लाँच होऊ शकतो. कंपनीनं आतापर्यंत याची अधिकृत घोषणा केली नाही परंतु स्मार्टफोनची माहिती लीक्सच्या माध्यमातून समोर आली आहेत. OnePlus चा एक स्मार्टफोन भारतीय सर्टिफिकेशन BIS वर अलीकडेच दिसला आहे. त्यामुळे हा आगामी फोन OnePlus Nord CE 4 Lite असू शकतो. अशी चर्चा सुरु झाली आहे. तसे इतर सर्टिफिकेशन साइटच्या लिस्टिंगमधून फोनचं नाव को कंफर्म झालं आहे. हा फोन कंपनीच्या स्वस्त आणि मस्त OnePlus Nord CE 3 Lite चा अपग्रेड व्हर्जन असेल जो गेल्यावर्षी एप्रिलमध्ये लाँच केला होता.
OnePlus Nord CE 4 Lite 5G पुन्हा एकदा सर्टिफिकेशन प्लॅटफॉर्मवर दिसला आहे. मीडिया रिपोर्टनुसार सिंगापूरच्या रेग्युलेटर वेबसाइट IMDA वर वनप्लसचा एक फोन मॉडेल नंबर CPH2621 सह दिसला आहे.. जो OnePlus Nord CE 4 Lite 5G असल्याचं सांगण्यात आलं आहे. परंतु इथे फोन बाबत इतर कोणतीही माहिती मिळाली नाही. गीकबेंचवर देखील याच मॉडेल नंबरसह वनप्लसचा एक फोन दिसला आहे.
Geekbench च्या लिस्टिंगमधून फोनची बरीचशी माहिती मिळाली आहे. फोन Snapdragon 7+ Gen 3 चिपसेटसह येऊ शकतो. यात १२ जीबी रॅम दिला जाऊ शकतो. परंतु या बातमीवर विश्वास ठेवणं कठीण आहे कारण अलीकडेच आलेला OnePlus Nord CE 4 बाजारात Snapdragon 7 Gen 3 चिपसेटसह आला आहे, त्यामुळे लाइट व्हर्जनमध्ये प्लस प्रोसेसर कसा मिळू शकतो.
OnePlus Nord CE 4 Lite ची किंमत देखील काही रिपोर्टमधून समोर आली आहे. अलीकडेच एका टिपस्टरनं सांगितलं होतं की फोन २० हजार रुपयांपेक्षा कमी किंमतीत भारतात लाँच होऊ शकतो. हा Oppo A3 चा रिब्रँडेड व्हर्जन असल्याचं देखील सांगण्यात आलं होतं. टिपस्टरनुसार, फोन Snapdragon 6 Gen 1 चिपसेटसह अँड्रॉइड १४ वर चालेल. यात ६.६७ इंचाचा डिस्प्ले असेल. हा १२०हर्ट्झ रिफ्रेश रेट असलेला फुलएचडी+ आमोलेड पॅनल देण्यात आला आलं आहे. फोनमध्ये ५० मेगापिक्सल मेन कॅमेऱ्यासह ड्युअल कॅमेरा असेल. सेल्फीसाठी फोनमध्ये १६ मेगापिक्सलचा कॅमेरा असेल. आता पाहावं लागले की कंपनी या फोनची अधिकृत घोषणा कधी करते.