ChatGPT-4o: आता ChatGPTला माणसाच्या भावना देखील कळतील, कंपनीचे डबल स्पीड व्हर्जन लाँच, जाणून घ्या काय आहे खास

ChatGPT-4o OpenAI: अलीकडेच OpenAI ने ‘स्प्रिंग अपडेट्स’ या कार्यक्रमाचे आयोजन केले होते. यामध्ये कंपनीच्या मुख्य तांत्रिक अधिकारी (CTO) मीरा मुराती यांनी नवीन आणि शक्तिशाली AI मॉडेल GPT-4o ची घोषणा केली. ChatGPT बनवणाऱ्या कंपनीचे हे सर्वात अपडेटेड AI मॉडेल आहे. नवीन मॉडेल व्हॉइस, कंटेंट आणि इमेजेस चांगल्या प्रकारे समजू शकते. याशिवाय, कंपनीने यात मानवी भावनांना समजून घेणारे फीचर लाँच केले आहे, ज्यामुळे ती माणसांप्रमाणेच भावनांना समजू शकते आणि प्रतिसाद देऊ शकते.

ChatGPT हे जगातील सर्वात लोकप्रिय आर्टिफिशियाल इंटेलिजन्स टूल्सपैकी (AI) एक मानले जाते. आतापर्यंत कंपनी जीपीटी-4 व्हर्जनवर काम करत आहे. पण आता याचे सर्वात पॉवरफुल व्हर्जन GPT-4o लाँच करण्यात आले आहे. यामुळे, ChatGPT अधिक पॉवरफुल झाले आहे. आता ते लोकांच्या प्रश्नांना जलद आणि चांगल्या प्रकारे उत्तरे देऊ शकणार आहे.

GPT-4o मध्ये नवीन काय आहे?

मीरा मुराती यांनी ChatGPT च्या नवीन डेस्कटॉप ॲपबद्दल अनेक घोषणा केली आहे. यादरम्यान, त्यांनी अनेक धक्कादायक फिचर्सचे लाँचिंग केले. Openआई ने GPT-4o च्या नावात O का जोडले याचा तुम्हाला प्रश्न पडत असेल, तर त्याचा अर्थ ओम्नी मॉडेल आहे. त्याची बुद्धिमत्ता GPT-4 इतकी आहे, परंतु ती GPT-4 पेक्षा वेगवान आहे. यात कंटेंट, इमेजेस आणि व्हॉइस ओळखण्याची क्षमता देखील आहे.

मराती यांच्या मते, GPT-4o दुप्पट वेगाने काम करते. हे GPT-4 पेक्षा 50 टक्के स्वस्त असणार आहे

GPT-4o तुमच्या भावना समजून घेईल

ChatGPT ची नवीन आवृत्ती व्हॉइस मोडमध्ये पूर्वीपेक्षा अधिक अचूक आणि आणि चांगली देऊ शकते. ChatGPT बोलत असताना तुम्हाला काही विचारायचे असल्यास, तुम्ही ते करू शकता. हे करण्यासाठी तुम्हाला ChatGPT शांत होण्याची प्रतीक्षा करण्याची आवश्यकता नाही. तुम्ही त्यात व्यत्यय आणू शकता.

याशिवाय नवीन व्हर्जनमध्ये इमोशन सपोर्ट देण्यात आला आहे. इमोटिव्ह व्हॉइस मॉड्युलेशनसह, हे मॉडेल माणसांसारखे बोलू शकते. यात अनेक प्रकारच्या भावना ओळखून बोलण्याची क्षमता आहे. या नवीन व्हर्जनशी जणू तुम्ही एखाद्या माणसाशी बोलत आहात असे तुम्हाला वाटेल.

ChatGPT-4o कसे वापरावे

GPT-4o लवकरच ChatGPT Plus आणि Teams युजर्ससाठी रिलीझ केले जाईल. OpenAI म्हणते की ते लवकरच हे मॉडेल एंटरप्राइझ युजर्ससाठी रिलीज करेल. चॅटजीपीटी मोफत चालवणारे सर्व यूजर्स त्याचा पूर्णपणे वापर करू शकणार नाहीत. GPT-4o जगभरातील 50 भाषांमध्ये काम करेल.