Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
गेल्यावर्षी नोव्हेंबरमध्ये आलेल्या ‘रेडमी नोट 13’ सीरिजला जबरदस्त प्रतिसाद मिळत आहे. म्हणून Xiaomi नं या सीरिजमध्ये आणखी एका हँडसेटचा समावेश केला आहे. कंपनीनं आज Redmi Note 13R सादर केला आहे. विशेष म्हणजे या स्मार्टफोनच्या लाँचसाठी कंपनीनं कोणताही इव्हेंट केला नाही. सध्या हा मॉडेल कंपनीच्या होम मार्केट चीनमध्ये सादर करण्यात आला आहे. लवकरच हा फोन जागतिक बाजारात देखील येऊ शकतो.
Redmi Note 13R चे स्पेसिफिकेशन्स
Redmi Note 13R चे स्पेसिफिकेशन्स
Redmi Note 13R मध्ये 6.79 इंचाचा फुलएचडी+ डिस्प्ले देण्यात आला आहे. ही एलसीडी पॅनलवर बनलेली स्क्रीन आहे जी 2460 x 1080 पिक्सल रेजोल्यूशन, 120Hz रिफ्रेश रेट आणि 550nits ब्राइटनेसला सपोर्ट करते. पावर बॅकअपसाठी Redmi Note 13R 5G फोन 5,030mAh Battery ला सपोर्ट करतो. तसेच हा मोठी बॅटरी वेगानं चार्ज करण्यासाठी फोनमध्ये 33W फास्ट चार्जिंग टेक्नॉलॉजी देण्यात आली आहे.
या नवीन रेडमी नोट फोनमध्ये HyperOS देण्यात आला आहे. डिवाइसमध्ये Snapdragon 4 Gen 2 चिपसेट आहे. हा 4नॅनोमीटर फॅब्रिकेशनवर बनलेला ऑक्टाकोर प्रोसेसर आहे. या प्रोसेसरचा स्पीड 2.3GHz आहे. नोट 13आर 6GB RAM, 8GB RAM आणि 12GB RAM वर लाँच झाला आहे. यात 128GB, 256GB तसेच 512GB स्टोरेज मिळते. हा मोबाइल LPDDR4X RAM आणि UFS 2.2 Storage टेक्नॉलॉजीवर चालतो.
फोटोग्राफीसाठी हा फोन ड्युअल रियर कॅमेऱ्याला सपोर्ट करतो. ह्याच्या बॅक पॅनलवर एफ/1.8 अपर्चर असलेला 50MP ultra-clear मेन लेन्स देण्यात आली आहे जी 2MP macro सेन्सर येते. तसेच Redmi Note 13R मध्ये 8MP Selfie कॅमेरा आहे. रेडमी नोट 13आर 3.5mm हेडफोन जॅकला सपोर्ट करतो. कंपनीनं यात IP53 रेटिंग देण्यात आली आहे. यात ब्लूटूथ, वायफाय सारखे बेसिक कनेक्टिव्हिटी फीचर्स देण्यात आले आहेत. या मोबाइलची थिकनेस 8.32mm आहे.
Redmi Note 13R ची किंमत
रेडमी नोट 13आर चीनमध्ये 5 व्हेरिएंट्समध्ये लाँच झाला आहे. याच्या बेस मॉडेलमध्ये 6GB RAM + 128GB Storage देण्यात आली आहे ज्याची किंमत 1399 युआन म्हणजे 16,399 रुपयांच्या आसपास आहे. तसेच मोबाइलचा मोठा 12GB RAM + 512GB Storage व्हेरिएंट 2199 युआन मध्ये लाँच झाला आहे जी किंमत भारतीय करंसीनुसार 25,799 रुपयांच्या आसपास आहे.