इलेक्ट्रॉनिक मार्केटमध्ये Acer आजमावणार आपले नशीब, कंपनीने लाँच केला Acerpure ब्रँड

Acerने भारतीय बाजारपेठेत Acerpure हा नवीन इलेक्ट्रॉनिक्स ब्रँड लॉन्च केला आहे. कंपनीने या ब्रँड अंतर्गत नवीन प्रोडक्ट्स बाजारात आणले आहेत. यामध्ये टीव्ही, वॉटर प्युरिफायर, व्हॅक्यूम क्लिनर, पर्सनल केअर इतर अनेक प्रोडक्ट्सचा समावेश करण्यात आला आहे. कंपनीचे म्हणणे आहे की नवीन ब्रँड घरगुती डीवाइसेस आणि दैनंदिन जीवनात ग्राहकांना उपयोगी इलेक्ट्रॉनिक्सवर आपले लक्ष केंद्रित करणार आहे.

या ब्रँड अंतर्गत कंपनी भारतीय ग्राहकांना लक्षात घेऊन प्रोडक्ट्स लॉन्च केले आहेत. Acerने नुकत्याच या लाँच केलेल्या प्रोडक्ट्सबद्दल जाणून घेऊया

किंमत किती आहे व कधीपासून विक्री सुरु होईल

ब्रँडने अजूनपर्यंत सर्व प्रोडक्ट्सच्या किमती जाहीर केल्या नाहीत. मात्र, ब्रँडने काही प्रोडक्ट्सच्या किमतींची माहिती दिली आहे. कंपनीने Acerpure Air Purifiers 9,990 रुपयांच्या सुरुवातीच्या किमतीत लॉन्च केले आहे. तर Acerpure Cozy Air Circulator Fan ची किंमत 7,490 रुपयांपासून सुरू होते. येत्या काही महिन्यात हे प्रोडक्ट्स भारतीय ग्राहकांसाठी उपलब्ध होतील.

फिचर्स काय आहेत?

कंपनीने Acerpure TV चार वेगवेगळ्या स्क्रीन आकारात लॉन्च केला आहे. यामध्ये 32-इंच, 43-इंच, 55-इंच आणि 65-इंच स्क्रीन आकाराचा पर्याय देण्यात येणार आहे. ब्रँडवर विश्वास ठेवायचा झाल्यास, तो एन्हांस्ड कॉन्ट्रास्ट, गडद ब्लॅक आणि व्यूइंग एक्सपीरियंस देईल. हा टीव्ही थिन बेझल, डॉल्बी ॲटमॉस सपोर्ट आणि शक्तिशाली प्रोसेसरसह येतो.

दुसरीकडे, कंपनीने एसरप्युअर वॉटर प्युरिफायरमध्ये झटपट गरम आणि थंड पाण्याची सुविधा दिली आहे. यात फोर-स्टेप फिल्टरेशन सिस्टिमचा वापर करण्यात आला आहे. मात्र ब्रँडने याबाबत अद्याप फारशी माहिती दिलेली नाही.

या व्यतिरिक्त, कंपनीने अनेक ग्राहक इलेक्ट्रॉनिक्स प्रोडक्ट्स लाँच केले आहेत, ज्यात हेअर ड्रायर, हेअर स्टाइलर, रोबोट व्हॅक्यूम क्लिनर, एअर सर्कुलर फॅन आणि इतर प्रोडक्ट्सचा समावेश करण्यात आला आहे. Acerpure ने सांगितले की कंपनी आगामी काळात रेफ्रिजरेटर्स, वॉशिंग मशिन, एअर कंडिशनर आणि इतर उत्पादने देखील लॉन्च करणार आहे.