वहीप्रमाणे फोल्ड होणारा विवोचा नवा फोन येतोय भारतात; लाँचपूर्वीच Flipkart वर झाला लिस्ट

Vivo X Fold 3 Pro ची मायक्रोसाइट ऑनलाइन शॉपिंग वेबसाइट Flipkart वर लाइव्ह झाली आहे. यावरून स्पष्ट झालं आहे की हा फोल्डेबल स्मार्टफोन भारतात लाँच होणार आहे आणि याची विक्री याच ई-कॉमर्स प्लॅटफॉर्मवरून केली जाईल. विशेष म्हणजे हा कंपनीचा फोल्डेबल फोन गेल्यावर्षी मार्चमध्ये जागतिक बाजारात सादर करण्यात आला होता.

लवकरच येईल बाजारात

फ्लिपकार्टवरील मायक्रो साइटनुसार, Vivo X Fold 3 Pro ZEISS कॅमेरा सेटअपसह येईल, त्यामुळे युजर्स शानदार फोटोज क्लिक करू शकतील. याव्यतिरिक्त फोन संबंधित इतर कोणतीही माहिती मिळाली नाही. तसेच कंपनीनं लाँच डेटचा देखील खुलासा केलेला नाही.
शाओमीला टक्कर देईल का Vivo Y200 Pro 5G? लवकरच येतोय भारतात

फोनमध्ये मिळणारे स्पेसिफिकेशन

विवो एक्स फोल्ड 3 प्रोच्या मुख्य डिस्प्लेचा आकार 8.03 इंच आहे, जो फोल्ड झाल्यावर 6.53 इंच होतो. याचा रिफ्रेश रेट 120Hz आणि पीक ब्राइटनेस 4500 निट्स आहे. यात स्मूद फंक्शनिंगसाठी Snapdragon 8 Gen 3 प्रोसेसर देण्यात आला आहे. त्याचबरोबर हँडसेटमध्ये 50MP चा ऑप्टिकल इमेज सेन्सर, 50MP चा अल्ट्रा वाइड लेन्स आणि 64MP चा टेलीफोटो सेन्सर देण्यात आला आहे. यात व्ही3 इमेजिंग चिप देखील आहे.

संभाव्य किंमत

स्मार्टफोन ब्रँड विवोनं अद्याप विवो एक्स फोल्ड 3 प्रोच्या किंमतीची कोणतीही माहिती दिली नाही, परंतु आतापर्यंत समोर आलेल्या लीक्स व रिपोर्ट्स मध्ये दावा केला जात आहे की या अपकमिंग हँडसेटची किंमत 1,10,000 से 1,15,000 रुपयांच्या आत ठेवली जाऊ शकते.

Vivo Y200 Pro 5G देखील होऊ शकतो लाँच

विवो एक्स फोल्ड 3 प्रो लाँच होईलच, त्याचबरोबर Y-सीरीजमध्ये देखील नवीन फोन सादर केला जाऊ शकतो. ज्याचे नाव Vivo Y200 Pro 5G आहे. याचा टीजर जारी झाला आहे. यात बोलले जात आहे की फोन 3डी कर्व्ड स्क्रीन असलेला सर्वात पातळ डिवाइस असेल. यात एलईडी लाइटसह ड्युअल रियर कॅमेरा सेटअप मिळेल. तसेच आगामी हँडसेटमध्ये अ‍ॅमोलेड डिस्प्ले मिळण्याची शक्यता आहे.

अलीकडेच आलेल्या रिपोर्ट्सनुसार, स्मार्टफोनमध्ये क्वॉलकॉमच्या Snapdragon 695 चिपसह Adreno 619 GPU दिला जाईल. फोनमध्ये दमदार बॅटरी मिळेल. तसेच, हा डिव्हाइस Android 14 आधारित ऑपरेटिंग सिस्टमवर चालेल.