8000mAh बॅटरीसह 11 इंचाचा शानदार अँड्रॉइड टॅबलेट लाँच, किंमत आहे परवडणारी

Xiaomi स्मार्टर लिव्हिंग इव्हेंटमध्ये कंपनीनं Redmi Pad SE टॅबलेट भारतात लाँच केला आहे. या टॅबलेटमध्ये 11 इंचाचा डिस्प्ले, Snapdragon 680चिपसेट आणि 8000mAh ची बॅटरी देण्यात आली आहे. टॅबलेट फक्त वाय-फाय व्हेरिएंटमध्ये विकला जाईल. Redmi Pad SE टॅबलेट व्यतिरिक्त भारतात Redmi Buds 5A आणि इतर डिवाइस देखील सादर करण्यात आले आहेत. यातील Redmi Pad SE आणि Redmi Buds 5A ची माहिती घेऊया.

Redmi Pad SE आणि Redmi Buds 5Aची किंमत

Redmi Pad SE च्या 4GB रॅम व 128GB व्हेरिएंटची किंमत 12,999 रुपये, 6GB रॅम व 128GB व्हेरिएंटची किंमत 13,999 रुपये आणि 8GB रॅम व 128GB व्हेरिएंटची किंमत 14,999 रुपये आहे. टॅबलेट ग्रॅफाइट ग्रे आणि लव्हेंडर पर्पल रंगात येतो. कंपनी ICICI कार्डसह 1,000 रुपयांचा इंस्टंट बँक डिस्काउंट ऑफर करत आहे. यात एक Redmi Pad SE कव्हर देखील आहे ज्याची किंमत 1,299 रुपये आहे. Redmi Pad SE ची विक्री 24 एप्रिलपासून Amazon, Flipkart, Xiaomi वेबसाइट आणि Xiaomi रिटेल स्टोर्सवर सुरु होईल.
रेडमीनं गुपचूप लाँच केला नवीन फोन; 12GB RAM सह मिळतेय 5,030mAh Battery

Redmi Buds 5A ची स्पेशल लाँच प्राइस 1,499 रुपये आहे. इअरबड्सची विक्री 29 एप्रिलपासून Mi.com, Xiaomi आणि रिलायन्स स्टोर्सच्या माध्यमातून सुरु होईल. हे ब्लॅक आणि व्हाइट कलरमध्ये उपलब्ध होतील.

Redmi Pad SE चे फीचर्स आणि स्पेसिफिकेशन्स

Redmi Pad SE मध्ये 11 इंचाचा FHD+ डिस्प्ले देण्यात आला आहे, ज्याचे रेजोल्यूशन 1920×1200 पिक्सल, 400 निट्स ब्राइटनेस, 180Hz टच सॅम्पलिंग रेट, 84.4 टक्के स्क्रीन-टू-बॉडी रेशियो आणि 90Hz रिफ्रेश रेट आहे. टॅबलेट Qualcomm Snapdragon 680 मोबाइल प्लॅटफॉर्मसह ग्राफिक्ससाठी Adreno 610 GPU आहे. यात 4GB/6GB/8GB LPDDR4x RAM आणि 128GB eMMC 5.1 इंटरनल स्टोरेज देण्यात आली आहे, जी मायक्रोएसडी कार्डच्या माध्यमातून वाढवता येते. टॅबलेट अँड्रॉइड 13 आधारित MIUI 14 कस्टम स्किन आउट ऑफ बॉक्सवर चालतो.

कॅमेरा सेटअप पाहता या टॅबलेटच्या मागे 8 मेगापिक्सलचा प्रायमरी कॅमेरा आणि 5 मेगापिक्सलचा सेल्फी कॅमेरा आहे. कनेक्टिव्हिटीसाठी वाय-फाय 802.11 एसी, ब्लूटूथ 5.0 आणि एक यूएसबी टाइप-सी चा समावेश आहे. यात 10W चार्जिंग सपोर्टसह 8,000mAh ची बॅटरी देण्यात आली आहे. टॅबलेट डॉल्बी अ‍ॅटमॉस आणि स्टीरियो स्पिकरसह आला आहे.

Redmi Buds 5A चे स्पेसिफिकेशन्स

Redmi Buds 5A TWS इअरबड्समध्ये 12 मिमी ड्रायव्हर्स देण्यात आले आहेत. इअरबड्स 25db पर्यंत अ‍ॅक्टिव्ह नॉइज कॅन्सलेशन सपोर्ट आणि AI ENC सह येतात. यात एक ट्रान्स्परन्सी मोड देखील देण्यात आला आहे. इअरबड्स बद्दल दावा केला जात आहे की हा एक इमर्सिव्ह ऑडियो एक्सपीरियंस देण्यासाठी डायनॅमिक ऑडियो आणि डीप बेस देतात. यात Google फास्ट पेयर, IPX4 रेटिंग आणि ब्लूटूथ 5.4 कनेक्टिव्हिटी आहे.

Xiaomi चा दावा आहे की Redmi Buds 5A एकदा चार्ज केल्यावर केससह 30 तासांपर्यंत वापरता येतात. यात क्विक चार्ज सपोर्ट देखील आहे, ज्यामुळे 10 मिनिटांच्या फास्ट चार्जिंगमुळे 90 मिनिटांचा प्लेटाइम मिळतो. इअरबड्स मध्ये क्विक रिस्पॉन्ससाठी लो लेटेंसी आणि टच कंट्रोलसह म्यूजिक कंट्रोल करण्यासाठी टच कंट्रोलची सुविधा आहे.