या इअरबड्सनी चार्ज करता येईल फोन, पावरबँकचं काम होईल स्वस्तात

हल्ली 5G नेटवर्कमुळे फोनची बॅटरी पटकन उतरते अश्यावेळी पावरबँक उपयोगी पडते. परंतु प्रत्येकजण पावरबँक सोबत बाळगत नाही. पण हल्ली इअरबड्स सोबत असतात, त्यांचा वापर पावरबँक म्हणून करता आला तर? कदाचित हाच विचार लोकप्रिय अ‍ॅक्सेसरीज बँड pTron च्या टीमनं केला असावा. कंपनीनं लाँच केलेलं Zenbuds Evo X1 Max इअरबड्स पावरबँक देखील वापरता येतात. इमरजेंसीमध्ये या इअरबड्सच्या मदतीनं तुम्ही फोन किंवा इतर डिवाइस चार्ज करू शकता.

नवीन Zenbuds Evo X1 Max चा सर्वात खास फीचर म्हणजे रिवर्स चार्जिंग. याच्या केस मध्ये 1000mAh ची दमदार बॅटरी देण्यात आली आहे. त्यामुळे युजर्सना फुल चार्ज झाल्यावर केस सह 200 तासांपर्यंतचा नॉन-स्टॉप म्यूजिक प्लेबॅक टाइम मिळतो, तसेच गरज पडल्यास ही पावर इतर डिवाइस सोबत शेअर करता येते आणि ही केस पावरबँक प्रमाणे वापरता येते.
8000mAh बॅटरीसह 11 इंचाचा शानदार अँड्रॉइड टॅबलेट लाँच, किंमत आहे परवडणारी

Zenbuds Evo X1 Max वरील ऑफर

Zenbuds Evo X1 Max ची विक्री 24 मे पासून ऑनलाइन शॉपिंग प्लॅटफॉर्म Amazon वर सुरु झाली आहे आणि हे खास डिस्काउंटेड लाँच प्राइसमध्ये विकत घेता येतील. या इअरबड्सची किंमत 1,299 रुपये ठेवण्यात आली आहे आणि अनेक कलर ऑप्शन्स उपलब्ध आहेत.

Zenbuds Evo X1 Max चे फीचर्स

नवीन इअरबड्समध्ये 13mm डायनॅमिक ड्रायव्हर्स इमर्सिव्ह साउंड आणि डीप बेससह देण्यात आले आहेत. यात क्वॉड माइक आणि TruTalk ENC टेक्नॉलॉजीसह चांगला कॉलिंग एक्सपीरियंस मिळतो आणि तीन पट स्पष्ट ऑडियो कॉलिंग दरम्यान ऐकता येतो. 1000mAh क्षमता असलेल्या चार्जिंग केससह 200 तास म्यूजिक प्लेबॅक टाइम आणि USB टाइप-C पोर्ट द्वारे रिवर्स चार्जिंग हे फिचर यात मिळतात.

इअरबड्समध्ये Bluetooth v5.3 सह 1-स्टेप क्विक पेयरिंगचा ऑप्शन मिळतो आणि 10 मीटरची वायरलेस रेंज देण्यात आली आहे. यात ऑटो-रीकनेक्ट फीचर व्यतिरिक्त टच कंट्रोल्स आणि व्हॉइस असिस्टंट अ‍ॅक्सेस देण्यात आला आहे. गेमिंग दरम्यान अडचण येऊ नये म्हणून Zenbuds Evo X1 Max मध्ये 40ms लो-लेटेंसी मोड मिळतो. सोबत कंपनी 1 वर्षाची वॉरंटी देखील देत आहे.