Tej Police Times
भारतीय टेलिकॉम मार्केटमध्ये सतत स्पर्धा बघायला मिळते आणि यामुळे कंपन्या एकामागून एक खास ऑफर आणत असतात. सध्या तीन मोठ्या कंपन्यांच्या यादीत रिलायन्स जिओ, भारती एअरटेल आणि व्होडाफोन आयडिया (Vi) यांचा समावेश आहे. भारतात जिओ आणि एअरटेल या कंपन्यांनी 5G नेटवर्क प्रोवाइड करण्यास सुरुवात केली आहे, त्यामुळे Viसमोर त्यांचा यूजरबेस राखण्याचे आव्हान निर्माण झाले आहे. यासाठी Viने आता खास ऑफर आणली आहे.
Viचे सब्सक्राइबर्स मोठ्या प्रमाणात कमी होत आहेत आणि त्यांच्या कस्टमर्सने 5Gचा सर्विस देणाऱ्या Jio किंवा Airtelची सर्विस घेणे सुरू केले आहे. मोबाईल नंबर पोर्टेबिलिटीमुळे टेलिकॉम सर्विस प्रोवाइडरने दिलेला फोन नंबर न बदलता बदलणे सोपे झाले आहे. जर तुम्ही अद्याप नंबर पोर्ट केला नसेल आणि Viची सर्विस घेत असाल, तर तुम्ही नवीन ऑफरचा लाभ घेऊन पैसे वाचवू शकता.
अशा प्रकारे तुम्ही तुमचे 50रुपये वाचवू शकता
Vodafone Idea (Vi) ग्राहकांना 1,449 रुपयांच्या प्लॅनसह नवीन ऑफरचा लाभ दिला जात आहे. जर ग्राहकांनी हा प्लॅन निवडला आणि Vi ॲपच्या मदतीने रिचार्ज केला तर त्यांना या प्लॅनसाठी फक्त 1,399 रुपये द्यावे लागतील. अशा प्रकारे थेट 50 रुपयांच्या बचतीचा ऑप्शन दिला जात आहे.
प्लॅनमधून रिचार्ज केल्यावर तुम्हाला हे फायदे मिळतात
युजर्सनी 1,449 रुपयांच्या प्लॅनसह रिचार्ज केल्यास त्यांना 180 दिवसांची व्हॅलिडिटी मिळते. या प्लॅनमध्ये दररोज 1.5GB डेटा मिळतो आणि रिचार्ज केल्यानंतर, व्हॅलिडिटी दरम्यान दररोज 100 एसएमएस पाठवले जाऊ शकतात. शिवाय या प्लॅनमध्ये अनलिमिटेड कॉलिंगचा ऑप्शन देखील मिळणार आहे. याव्यतिरिक्त, हा या प्लॅनमध्ये 30GB अतिरिक्त डेटा देखील मिळत आहे.
प्लॅनमध्ये उपलब्ध असलेल्या इतर बेनिफिट्सबद्दल बोलायचे झाले तर, Vi ॲपला भेट देऊन दर महिन्याला 2GB बॅकअप डेटा क्लेम केला जाऊ शकतो. हे वीकेंड डेटा रोलओव्हरची सुविधा देखील प्रदान करते आणि Binge ऑल नाईट सुविधेमुळे, मध्यरात्री 12 ते सकाळी 6 दरम्यान अनलिमिटेड डेटा देखील दिला जातो.