50MP सेल्फी कॅमेरा असलेला Samsung चा नवीन फोन, बघा बसतोय का तुमच्या बजेटमध्ये

Samsung 27 मेला भारतात आपला नवीन स्मार्टफोन लाँच करणार आहे. कंपनीच्या या आगामी इस अपकमिंग फोनचे नाव Samsung Galaxy F55 5G आहे. लाँचपूर्वीच या फोनच्या किंमतीचा खुलासा झाला आहे. टिपस्टर अभिषेक यादवनुसार कंपनी 8GB/128GB, 8GB/256GB आणि 12GB/256GB स्टोरेज व्हेरिएंटमध्ये लाँच केला जाईल. टिपस्टरनं आपल्या X पोस्टमध्ये सांगितलं आहे की फोनचा बेस वरिएंट 26,999 रुपयांमध्ये सादर होईल.

तसेच, याच्या 8जीबी रॅम व 128जीबी स्टोरेज व्हेरिएंटची किंमत 29,999 रुपये आणि 12जीबी रॅम व 256जीबी स्टोरेज व्हेरिएंटची किंमत 32,999 रुपये असेल. याआधी आलेल्या लीक रिपोर्ट्स नुसार कंपनी या फोनच्या सर्व व्हेरिएंट्सवर 2 हजार रुपयांचा बँक डिस्काउंट ऑफर करेल. हा फोन 50 मेगापिक्सलच्या फ्रंट कॅमेरा आणि 45 वॉट फास्ट चार्जिंग सारख्या अनेक दमदार फीचर्ससह येईल. चला जाणून घेऊया माहिती.
भर उन्हाळ्यात डिस्काउंटचा पाऊस! OnePlus 12 आणि 12R सह iPhone 15 देखील झाला स्वस्त

या फीचर्ससह येऊ शकतो फोन

कंपनी या फोनमध्ये 6.7 इंचाचा डिस्प्ले ऑफर करू शकते. हा सुपर अ‍ॅमोलोड प्लस डिस्प्ले 120Hz रिफ्रेश रेट आणि फुल एचडी+ रिजोल्यूशनसह येईल. फोनमध्ये ऑफर करण्यात येणाऱ्या या डिस्प्लेची पीक ब्राइटनेस लेव्हल 1000 निट्स असू शकते. कंपनीनं कन्फर्म केलं आहे की फोन 12जीबी पर्यंतच्या रॅमसह येईल. प्रोसेसर म्हणून या फोनमध्ये तुम्हाला स्नॅपड्रॅगन 7 जेन 1 चिपसेट मिळेल. फोटोग्राफीसाठी कंपनी या फोनमध्ये एलईडी फ्लॅशसह तीन कॅमेरा देण्यात येईल.

यात 50 मेगापिक्सलच्या मेन लेन्ससह एक 8 मेगापिक्सलचा अल्ट्रा-वाइड अँगल आणि एक 2 मेगापिक्सलचा मॅक्रो कॅमेरा असेल. रिपोर्ट्स नुसार फोनचा मेन कॅमेरा OIS म्हणजे ऑप्टिकल इमेज स्टेबिलाइजेशन फीचरसह येईल. सेल्फीसाठी तुम्हाला या फोनमध्ये 50 मेगापिक्सलचा फ्रंट कॅमेरा मिळेल. कंपनी या फोनमध्ये 5000mAh ची बॅटरी देणार आहे. ही बॅटरी 45 वॉट फास्ट चार्जिंगला सपोर्ट करेल.

हा फोन अँड्रॉइड 14 वर चालेल आणि कंपनी यावर चार मोठे ओएस अपडेट देणार आहे. तसेच कंपनी या फोनसाठी 5 वर्ष सिक्योरिटी पॅच देखील रोलआउट करेल. बायोमेट्रिक सिक्योरिटीसाठी या फोनमध्ये इन-डिस्प्ले फिंगरप्रिंट सेन्सर मिळेल. तर धूळ आणि पाण्यापासून बचाव कारण्यासठी IP67 रेटिंग दिली जाईल. या फोनमध्ये तुम्हाला Knox सिक्योरिटी देखील मिळेल. कनेक्टिव्हिटीसाठी फोनमध्ये ब्लूटूथ व्हर्जन 5.2, एनएफसी, वाय-फाय 6 आणि यूएसबी 2.0 पोर्ट सारखे ऑप्शन मिळतील.