Tej Police Times
तुम्ही जर Airtel यूजर असाल तर तुमच्यासाठी एक आनंदाची बातमी आहे. एअरटेलचा 395 रुपयांचा प्रीपेड प्लॅन आता आणखी फायदेशीर झाला आहे. कंपनीने नुकताच हा प्लान आपल्या प्रीपेड यूजर्ससाठी लॉन्च केला होता. या प्लॅनमध्ये यूजरला अनलिमिटेड कॉलिंग, डेटा आणि एसएमएसची सुविधा मिळते. आता कंपनीने या प्लॅनची व्हॅलिडिटी 70 दिवसांपर्यंत वाढवली आहे. आधी हा प्लॅन फक्त 56 दिवस चालायचा, पण आता तुम्हाला 14 दिवसांचा अतिरिक्त फायदा मिळेल. तसेच, या प्लॅनसह येणारे इतर सर्व फायदे जसे की अनलिमिटेड कॉलिंग, डेटा आणि SMS पूर्वीप्रमाणेच राहतील.
Airtel चा हा प्लॅन अशा लोकांसाठी चांगला आहे जे बहुतेक कॉलिंग आणि अगदी कमी SMS वापरतात. तसेच ज्यांना कमी डेटा आवश्यक आहे. Airtel चे बहुतेक प्लॅन डेटा बेनिफिट्ससह येतात आणि ते थोडे महागही असतात. यामुळे 395 रुपयांचा हा प्लॅन एक फायदेशीर ऑप्शन ठरणार आहे.
Airtel 395 रुपयांच्या प्रीपेड प्लॅनचे फायदे
फायद्यांबद्दल बोलायचे झाले तर, या प्लॅनमध्ये यूजर्सना अनलिमिटेड लोकल आणि एसटीडी कॉलिंगची सुविधा मिळते. याशिवाय, 6GB 4G डेटा देखील उपलब्ध आहे. याशिवाय 70 दिवसांसाठी 600 SMSची सुविधा देण्यात आली आहे. या प्रीपेडसह, एअरटेलने युजर्सना मोफत हॅलो ट्यून आणि अपोलो सर्कलसारख्या काही अतिरिक्त सुविधा देखील दिल्या आहेत. जर तुम्ही Airtel युजर असाल आणि हा प्लॅन रिचार्ज करू इच्छित असाल, तर तुम्ही एअरटेल वेबसाइट किंवा कोणत्याही ऑनलाइन रिचार्ज प्लॅटफॉर्मवर जाऊन हा 395 रुपयांचा प्रीपेड प्लॅन रिचार्ज करू शकता.
Jioचा 395 रुपयांचा प्लॅन
Reliance Jio सुद्धा 395 रुपयांचा असाच प्लॅन ऑफर करते, ज्यामध्ये युजर्सना जवळपास सारखेच फायदे मिळतात. जिओचा हा प्रीपेड प्लॅन Airtelच्या प्लॅनसारखाच आहे. Jioच्या प्लॅनमध्ये अनलिमिटेड कॉलिंग, 6GB डेटा, अनलिमिटेड 5G डेटा आणि 1000 SMS समाविष्ट आहेत. तसेच Jioच्या या प्लॅनची व्हॅलिडिटी 84 दिवसांसाठी आहे.