Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Samsung Galaxy F15 5G यंदा मार्चमध्ये भारतात लाँच करण्यात आला होता. आता दक्षिण कोरियन स्मार्टफोन ब्रँडनं Airtel सोबत भागेदारी करून Samsung Galaxy F15 5G Airtel Edition सादर करण्याची तयारी पूर्ण केली आहे. कंपनीच्या अधिकृत घोषणेपुर्वीच हँडसेट Flipkart वर लिस्ट करण्यात आला आहे. लिस्टिंगमुळे याची किंमत आणि स्पेसिफिकेशन्सची माहिती देखील मिळाली आहे. हा स्पेशल एडिशन स्मार्टफोन Airtel सिम कार्डसह जोडला जाईल आणि 50GB डेटा कुपनसह येईल, अशी चर्चा आहे.
Samsung Galaxy F15 5G Airtel Edition ची किंमत
Galaxy F15 5G Airtel Edition चे स्पेसिफिकेशन्स
Samsung Galaxy F15 5G Airtel Edition ची किंमत
मीडिया रिपोर्टनुसार, Samsung Galaxy F15 5G Airtel Edition फ्लिपकार्टवर 11,999 रुपयांमध्ये लिस्ट झाला आहे. एअरटेल ग्राहकांना नवीन फोनच्या खरेदीवर 7 टक्के एक्स्ट्रा डिस्काउंट मिळेल. तसेच कमीत कमी 199 रुपयांच्या रिचार्ज Airtel Thanks अ‍ॅपच्या माध्यमातून केल्यास एअरटेल कडून 50GB मोफत डेटा दिला जाईल.
स्टँडर्ड Galaxy F15 5G च्या 4GB रॅम व 128GB स्टोरेज व्हेरिएंटची किंमत 12,999 आहे. तसेच, 6GB रॅम व 128GB साठी 14,999 रुपये तर 8GB रॅम व 128GB व्हेरिएंट्ससाठी 15,999 रुपये मोजावे लागतात. हा हँडसेट अ‍ॅश ब्लॅक, गृव्ही व्हायोलेट आणि जॅजी ग्रीन कलर ऑप्शनमध्ये खरेदीसाठी उपलब्ध होईल.
Galaxy F15 5G Airtel Edition चे स्पेसिफिकेशन्स
सॅमसंग गॅलेक्सी एफ15 एअरटेल एडिशन एक लॉक फोन आहे आणि ग्राहक अ‍ॅक्टिव्हेशन तारखेपासून 18 महिन्यांपर्यंत यातील एअरटेल सिमचाच वापर करू शकतील. चांगल्या सिक्योरिटीसाठी यात Knox Guard चा समावेश करण्यात ला आहे. स्पेशल एडिशनचे इतर स्पेसिफिकेशन्स स्टँडर्ड मॉडेल सारखे आहेत.
हा Android 14 आधारित One UI 5.0 वर चालतो आणि यात 90Hz रिफ्रेश रेटसह 6.5 इंचाचा फुल-एचडी+ (1,080 x 2,340 पिक्सल) सुपर AMOLED डिस्प्ले मिळतो. हा ऑक्टा-कोर मीडियाटेक Dimensity 6100+ SoC वर चालतो, सोबत 8GB रॅम आणि 128GB ऑनबोर्ड स्टोरेज देण्यात आली आहे.
Galaxy F15 5G मध्ये ट्रिपल रियर कॅमेरा यूनिट आहे ज्यात 50-मेगापिक्सलचा प्रायमरी सेन्सर, 5-मेगापिक्सलचा सेकंडरी सेन्सर आणि 2-मेगापिक्सलचा थर्ड कॅमेरा देण्यात आला आहे. सेल्फी आणि व्हिडीओ कॉलिंगसाठी यात 13 मेगापिक्सलचा फ्रंट कॅमेरा आहे. यात 6,000mAh ची बॅटरी आहे जी 25W वायर्ड फास्ट चार्जिंगला सपोर्ट करते.