Suspicious Death: छतावरुन पडली, ३६ पेक्षा अधिक जखमा, बरगड्या तुटून फुफ्फुसात; डॉक्टर दीक्षाचा मृत्यू घातपात?

कानपूर : उत्तरप्रदेशच्या कानपूरमध्ये ८ जूनला एका महिला डॉक्टरचा छतावरुन खाली पडून मृत्यू झाला होता. डॉक्टर दीक्षा हिचा मृत्यू संशयास्पद स्थितीत झाला असून तिच्या कुटुंबीयांनी सुद्धा ही हत्या असल्याचा संशय व्यक्त केला. पण आता दीक्षाच्या पोस्टमॉर्टम रिपोर्टमधून देखील अनेक खुलासे समोर आले आहेत.

पोस्टमॉर्टम रिपोर्टनुसार, दीक्षाच्या शरीरावर ३६ हून अधिक जखमा झाल्या होत्या, डोक्याचे हाडही तुटले, बरगड्या देखील तुटल्या तर फुफ्फुस देखील फुटले होते. परिणामी तिला जास्त रक्तस्त्राव झाला. जे दीक्षाच्या मृत्यूचे मूळ कारण ठरल्याचे नमूद करण्यात आले आहे. यासोबतच तिच्या सहकारी डॉक्टरांवर देखील सध्या संशय कायम आहे.
Mumbai Crime: सतत मोबाईलवर असल्याने भावाला राग, जबर मारहाण करत बहिणीचे केस कापले; मुंबईत संतापजनक घटना
या संशयास्पद मृत्यूबाबत पोलिसांनी सा्ंगितले की, महिला डॉक्टरचा खाली पडून मृत्यू झाल्याची शक्यता अधिक आहे. कॅम्पसमध्ये बसवलेले सीसीटीव्हीही तपासले आहेत, ज्यामध्ये महिला डॉक्टर आणि इतर दोन मित्र इमारतीच्या छतावर फिरत असल्याचे दिसत होते. तेथून बाहेर पडताना कोणत्याही प्रकारचा दबाव त्यात दिसला नाही. यासोबतच फॉरेन्सिक टीमने सांगितले की, स्लॅब कमकुवत होता त्यामुळे तो तुटला आणि दीक्षा खाली पडली.

पोलिसांनी यात संशयित दोन्ही सहकारी डॉक्टरांची देखील दिवसभर चौकशी केली. तर सद्यस्थितीत मिळालेली माहिती आणि पुराव्यांच्या आधारे ही घटना अपघात असल्याचे मानले आहे.
Nagpur Murder: नागपुरात सासऱ्याची सुपारी देत हत्या, प्रकरणात काँग्रेसच्या बड्या नेत्याचं नाव, गूढ वाढलं
बरेली येथील दीक्षा तिवारी या विद्यार्थिनीने कानपूर मेडिकल कॉलेजमधून एमबीबीएसचे शिक्षण पूर्ण केले होते आणि तिला मेरठमध्ये पोस्टिंग मिळाले होते. हा आनंदाचा क्षण साजरा करण्यासाठी ती आणि तिचे दोन मित्र हिमांशू आणि मयंक रात्री रेस्टॉरंटमध्ये पार्टी करायला गेले होते. तेथून परतल्यावर तिघंही मेडिकल कॉलेजच्या ऑडिटोरियम इमारतीच्या छतावर गेले. बोलता बोलता दीक्षा छतावर बनवलेल्या एका डक्टवर (व्हेंटिलेटरसाठी बनवलेली जागा) बसली. दीक्षा बसून बोलत असलेल्या छताचा भाग अचानक तुटला आणि दीक्षा सहाव्या मजल्यावरुन खाली पडली ज्यामुळे तिचा जागीच मृत्यू झाला.