आता Windows डेस्कटॉपवरून तुमच्या फोनमध्ये फाइल्स ट्रान्सफर करणे होईल सोपे, या फिचरच्या मदतीने होईल तुमचे काम

जर तुम्ही लॅपटॉप किंवा डेस्कटॉपवरून फोनवर फाइल्स ट्रान्सफर करण्याचा सोपा मार्ग शोधत असाल तर ही बातमी तुमच्यासाठी आहे. सध्या, अनेक ऑप्शन्स आहेत ज्यांच्या मदतीने Android युजर्स त्यांच्या Windows PC सह फाइल्स शेअर करू शकतात. यामध्ये ब्लूटूथ कनेक्टिव्हिटी आणि गुगलच्या क्विक शेअर फीचरचा समावेश होतो. या फिचर्समुळे Windows PC आणि Android फोन दरम्यान फाइल्स शेअर करणे सोपे होत असले तरी यात काही सुधारणांची आवश्यकता आहे. म्हणूनच हे काम अधिक सोपे करण्यासाठी कंपनी ‘Windows Share’ नावाच्या नवीन फिचरवर काम करत आहे.

हे फिचर दोन ॲप्सच्या मदतीने काम करेल

मायक्रोसॉफ्टच्या विंडोज शेअर फिचरमुळे यूजर्सना प्रत्येक वेळी विंडोज पीसी आणि अँड्रॉइड फोन कनेक्ट करण्याची गरज नाही. त्याऐवजी, ते दोन ॲप्सच्या मदतीने हे काम करेल. आधी – अँड्रॉइड डिव्हाइसवर विंडोज ॲपशी लिंक करावे लागेल आणि नंतर – विंडोज पीसीवर फोन लिंक ॲप डाऊनलोड करावे लागेल, जेणेकरून दोन्ही डिवाइसेस कनेक्ट केले जाऊ शकतात.

मायक्रोसॉफ्टने एका ब्लॉग पोस्टमध्ये लिहिले आहे की, “विंडोज शेअरच्या मदतीने विंडोमधून Android डिव्हाइसवर कंटेंट सहजपणे शेअर करता येणार आहे. या फिचरचा वापर करण्यासाठी, तुम्हाला तुमचे Android डिव्हाइस Windows PC शी कनेक्ट करावे लागेल.

विंडोज शेअर फीचर अशा प्रकारे काम करेल

मायक्रोसॉफ्टचे नवीन विंडोज शेअर फीचर अगदी सहजतेने काम करते. सर्व प्रथम, युजर्सनी त्यांच्या Windows PC ला Android फोनवर Link to Windows app वापरून आणि Windows PC वर फोन लिंक वापरून त्यांच्या Windows PC ला कनेक्ट करणे आवश्यक आहे. हे केल्यानंतर, युजर्सना त्यांच्या PC वर शेअर विंडोजमध्ये एक नवीन ‘फोन’ म्हणून ऑप्शन दिसेल. पीसी वरून त्यांच्या फोनवर फाइल्स ट्रान्सफर करण्यासाठी, त्यांना फक्त या ऑप्शनवर टॅप करावे लागेल आणि त्यांच्या स्क्रीनवर दिलेल्या स्टेप्स फॉलो कराव्या लागतील.

सध्या फक्त लिमिटेड यूजर्ससाठी उपलब्ध आहे हे फीचर

सध्या, हे नवीन फिचर फक्त Windows Insider युजर्ससाठी उपलब्ध आहे. विंडोज पीसी यूजर जे इनसाइडर प्रोग्रामचा भाग आहेत ते विंडोज 11 इनसाइडर प्रिव्ह्यू बिल्ड 22635.3785 (KB5039319) सह नवीन विंडोज शेअर फिचरचा सहज ऍक्सेस मिळवू शकतात. तसेच, विंडोज शेअर फिचर सध्या फक्त बीटा युजर्ससाठी उपलब्ध आहे, परंतु ते या वर्षाच्या शेवटी स्टेबल अपडेटसह सर्व विंडोज 11 युजर्ससाठी उपलब्ध होईल असा अंदाज आहे.