वाळवंटात सापडली काचेसारखी मोठी वस्तू, परिसरात एकच खळबळ, काय आहे याचे रहस्य?

वॉशिंग्टन डीसी : वाळवंटात आरशासारखा चमकणारा दगड अचानक दिसण्याच्या घटना काही नव्या नाहीत. मागील काही वर्षापासून अशा वस्तू दिसायच्या बंद झाल्या होत्या. मात्र, अलीकडेच ही वस्तू दिसल्याने परिसरात एकच खळबळ उडाली आहे. लास वेगास जवळील वाळवंटात हा विचित्र असा मोनोलिथ पोलिसांनी हटवला आहे. जो तेथील लोकांसाठी त्रासदायक ठरला असता. ही वस्तू रविवारी, २३ जूनला लास वेगासच्या उत्तरेतील वाळवंटात दिसली.

अखंड दगडी किंवा एखाद्या धातूच्या वस्तूस मोनोलिथ म्हणतात. आरशासारखा प्रकाश परावर्तित करणारी, ७७ इंच उंच आणि १३ इंच रुंद, त्रिकोणी आकाराची वस्तू अचानक रविवारी, २३ जून रोजी दिसल्याने पोलिसांची डोकेदुखी वाढली. नेवाडाच्या डेझर्ट नॅशनल रिफ्युजमध्ये ते स्थापित केल्यानंतर लोकांची चिंता वाढली, जे सिन सिटीच्या जवळपास एक तासाच्या अंतरावर असलेले हायकिंग स्पॉट आहे.
20 वर्षे नो काम, पण फूल पगार; महिलेने कंपनीला कोर्टात खेचलं, कारणही सांगितलं…

सोशल मीडियावर पोलिसांनी याचे छायाचित्र प्रसारित केले त्यात हा मोठा स्लॅब खडबडीत भागात असल्याचे दिसत आहे. लास वेगासच्या मेट्रोपॉलिटन पोलिस विभागाने सोशल मीडियावर फोटो पोस्ट करत लिहिले की, ‘ तुमच्यापैकी अनेकांनी आम्हाला लॉस वेगसच्या उत्तरेला नुकत्याच दिसलेल्या रहस्यमय मोनोलिथ बाबत विचारले. काल दुपारी आम्ही सार्वजनिक सुरक्षा आणि पर्यावरणाचा विचार करून ही वस्तू येथून काढली आहे. तसेच पोलिसांनी सांगितले की, ही वस्तू परावर्तित शीट धातुपासून तयार केली आहे. ज्याला त्रिकोणी आकार दिला आहे आणि रीबार आणि काँक्रीटने भक्कम केले आहे.
भारताला कोणत्याही परिस्थितीत हवाय अनमोल ‘खजिना’; खोल समुद्रात असलेल्या या पर्वतात असं आहे तरी काय?

पथकाने म्हटले की, ‘ बेकायदेशीरपणे ही वस्तू या भूमीवर ठेवण्यात आली आहे. ही भूमी बिगहॉर्न मेंढ्यांच्या रक्षणासाठी स्थापित केले गेली होती तसेच हे दुर्मिळ वनस्पती आणि वाळवंटातील कासवांचे घर आहे. आता जो पर्यंत अधिकार्‍यांना यांचे करायचे काय हे समजत नाही तो पर्यंत हे अज्ञात स्थळी ठेवण्यात येईल. ही वस्तू येथे कशी आली याचे गूढ अद्याप समजलेले नाही. याच्या साठी कोण जबाबदार आहे? हे ही समजू शकले नाही.’

अशी घटना चार वर्षानंतर घडली आहे. बेल्जियम, रोमानिया आणि आइल ऑफ वाइट या ठिकाणी अशाच प्रकारच्या वस्तू सापडल्या होत्या. नोव्हेंबर २०२० मध्ये, युटोच्या लाल डोंगरातील वाळवंटात मंगळ सारख्या लँडस्केपमध्ये एक समान धातुचा मोनोलिथ सापडला होता.