Julian Assange : ऑस्ट्रेलियन पत्रकार ज्युलियन असांजची तुरुंगातून सुटका, अमेरिकेसोबत केला ‘हा’ करार

वॉशिंग्टन : विकिलिक्स वेबसाइटचे संस्थापक पत्रकार ज्युलियन असांज यांची अखेर ब्रिटिश तुरुंगातून सुटका करण्यात आली आहे. ज्युलियन असांज यांनी अमेरिकेसोबत करार केला असून त्यांच्यावरील सर्व गुन्हे मागे घेण्यात आले आहेत. त्यामुळे ज्युलियन असांज यांची सुटका झाली असून ते आपल्या मायदेशी ऑस्ट्रेलियाला जाऊ शकणार आहेत.

नेमकं काय आहे प्रकरण ?

ज्युलियन असांज यांच्यावर लष्करातील छुपी माहिती पुरवल्याचा आणि हेरगिरी केल्याचा आरोप होता. याच आरोपखाली त्यांना अटक करण्यात आली होती. परंतु ज्युलियन असांज यांनी अमेरिकेच्या न्याय विभागाशी करार केला असून त्यांची सुटका करण्यात आली आहे. असांज यांनी आपल्या गुन्ह्याची कबुली दिल्यानंतर सुटका करण्यात यावी अशी अमेरिकेच्या न्याय विभागाकडे मागणी केली होती. या मागणीला अमेरिकेच्या न्याय विभागाने मान्यता दिली असून असांज यांनी आपल्या गुन्ह्याची कबुली दिली आहे. त्यानुसार त्यांची तुरुंगातून सुटका करण्यात आली आहे.

ज्युलियन असांजवर काय आरोप होते

ज्युलियन असांज यांच्यावर हेरगिरीचे १७ आरोपांसह सुमारे १५ वर्षांपूर्वी अमेरिकेची गुप्त माहिती संगणकाद्वारे प्रकाशित केल्याचा आरोप होता. असांजने पाच वर्षे ब्रिटिश तुरुंगात घालवली आहेत.
Ancient Secret: विमानतळाचं काम सुरु असताना ४००० वर्षांपूर्वीचं रहस्य सापडलं, शास्त्रज्ञ हैराण, गूढ सुटेना

14 वर्षांचे कायदेशीर नाटक आले संपुष्टात

इराक आणि अफगाणिस्तानमधील युद्धांबद्दल अमेरिकेने आखलेली लष्करी योजना उघड केल्यामुळे अमेरिकन अधिकाऱ्यांना असांजवर खटला चालवायचा होता. परंतु आता नवीन करारामुळे असांजच्या विरोधात चाललेले जवळपास 14 वर्षांचे कायदेशीर नाटक संपुष्टात येणार आहे. असांजला 2019 मध्ये यूएस फेडरल ग्रँड ज्युरीने विकिलिक्सद्वारे राष्ट्रीय सुरक्षा संबंधित माहिती उघड केल्यामुळे दोषी ठरवले होते. तेव्हापासून असांजला लंडनच्या उच्च सुरक्षा असलेल्या बेलमार्श तुरुंगात ठेवण्यात आले होते. अखेर असांज यांची अमेरिकेच्या न्यायालयाने सुटका केली आहे.