Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
राशीभविष्य जुलै 2024: मेषसह ३ राशींना पैशांची चणचण भासणार! स्मार्ट वर्क करा, यश मिळणार ! कसा असेल जुलै महिना, वाचा राशिभविष्य
July 2024 Monthly Rashifal : जुलै महिन्यात मेष,वृषभसह या राशीच्या लोकांनी खर्चावर नियंत्रण ठेवायला हवे. कुठे ही गुंतवणूक करायची असेल तर कागदपत्रांची तपासणी पुन्हा एकदा करा. या राशींचे जातक धार्मिक कार्यात सहभाग घेणार आहेत. तुम्ही कामाबद्दल रणनीती आखत असाल तर ती कोणाबरोबर शेअर करू नका, खास करून तुळ राशीच्या लोकांनी हे लक्षात ठेवा. या राशीच्या लोकांनी लव लाईफमध्ये थोडी काळजी घ्या. तुमची राशी काय सांगते? कसा असेल जुलै महिना? चला जाणून घेवूया.
मेष – पैसे खर्च करताना विचार करा
या महिन्याचा पूर्वार्ध मेष राशीच्या लोकांना संघर्षाचा राहील. होत असलेल्या कामात अडथळे येतील, त्यामुळे सावध राहून कामे करावीत. भागीदारीत काम करत असलेल्यांना पैशाशी संबंधित व्यवहार नीट हाताळावे लागतील. या काळात गुप्तशत्रूंवर विशेष लक्ष ठेवावे लागेल. पैसे खर्च करताना ते विचारपूर्वक करा, अन्यथा आर्थिक त्रासाला तोंड द्यावे लागेल. महिन्याच्या दुसऱ्या भागात परिस्थिती हळूहळू अनुकूल होत जाईल, त्यामुळे आत्मविश्वास वाढेल. या काळात आर्थिक अडथळ्यांवर येत असलेल्या अडचणींवर नियंत्रण ठेवा अन्यथा तुमच्या समस्या वाढतील. एखाद्या वरिष्ठाच्या मदतीने पैशाशी संबंधित वाद सोडवण्यात यश येईल. वैवाहिक जीवनाचा विचार करात पूर्वार्धात काही अडचणी येऊ शकतात. या काळात वादापेक्षा संवादातून परिस्थितीवर नियंत्रण मिळण्यावर भर द्या. महिन्याच्या मध्यापर्यंत परिस्थितीत सुधारेल आणि पतीपत्नीत सहकार्य राहील. या काळात प्रेमसंबंध मजबूत होतील, तसेच कुटुंबासोबत वेळ घालवण्याची संधी मिळेल. या काळात पोटाची विशेष काळजी घ्या, अन्यथा पचनाशी संबंधित समस्यांचा सामना करावा लागेल. वडिलांच्या प्रकृतीमुळे मन चिंतेत राहील.
वृषभ – संततीच्या बाबतीत चिंता राहील
वृषभ राशीच्या लोकांना हा महिना संमिश्र राहील. महिन्याच्या सुरुवातीला तुम्हाला करिअरमध्ये प्रगती दिसेल आणि बहुप्रतीक्षित पदोन्नती मिळेल. तर दुसरीकडे या महिन्याच्या मध्यावर काम जास्त राहिल्याने शारीरिक आणि मानसिक असा दोन्ही प्रकारचा थकवा जाणवेल. या काळात महत्त्वाची कामे संपवताना तुम्हाला धाडस आणि संयम दोन्हींची गरज भासेल. तुम्हाला फूस लावण्याचा प्रयत्न होईल, त्यात गुंतून कोणताही मोठा निर्णय घेऊ नका. महिन्याच्या दुसऱ्या आठवड्यात सामाजिक क्षेत्रातील ओळखी वाढतील. महिन्याच्या दुसऱ्या भागात कार्यक्षेत्रात काही समस्यांचा सामना करावा लागेल. व्यापाऱ्यांना त्यांच्या व्यवहारात सकारात्मक बदल करण्याची गरज आहे. जवळचा फायदा पाहाण्यापूर्वी दीर्घकालीन तोट्यांचा विचार करा. कोणत्याही कागदावर अत्यंत विचारपूर्वक सही करा. महिन्याची सुरुवात प्रेमसंबंधासाठी शुभ सिद्धी होईल. वैवाहिक जीवनात आनंद राहील आणि नात्यात दृढता येईल. महिन्याच्या सुरुवातीला तुम्ही तुमच्या जोडीदारासोबत किंवा लव्ह पार्टनरसोबत फिरायला जाल. महिन्याच्या दुसऱ्या भागात संततीच्या बाबतीत चिंता सतावेल. या काळात विद्यार्थ्यांचे मन अभ्यासात लागणार नाही.
मिथुन – कष्ट आणि स्मार्ट वर्कने यश
मिथुन राशीच्या लोकांना या महिन्याच्या सुरुवातीला विविध मार्गाने उत्पन्नांचे लाभ होतील. करिअर आणि व्यवसायातील अडथळे दूर होतील. थोड्या प्रयत्नांतून आधीपासून रखडलेल्या कामांना गती येईल. महिन्याच्या मध्यावर घाईगडबड टाळा. या काळात तुमचे विरोधक तुमची अप्रतिष्ठा करण्याचा प्रयत्न करतील, पण त्यांना यश येणार नाही. नोकरदार लोकांना कार्यशैलीत काही सुधारणा करण्याचे प्रयत्न करावे लागतील. या काळात कामात यश मिळवण्यासाठी तुम्हाला कष्ट आणि जोडीने स्मार्ट वर्क करावे लागेल. जमीन, घर यांच्या खरेदीविक्रीचे निर्णय अत्यंत विचारपूर्वक घ्या. या महिन्याच्या सुरुवातीला प्रेमसंबंधात सकारात्मक बदल पाहायला मिळतील. एखाद्या मैत्रिणीच्या माध्यमातून गैरसमज दूर होतील आणि लव्ह पार्टनरसोबत नाते मजबूत होईल. वैवाहिक जीवनात वृद्धी होईल. कोणाच्या खासगी जीवनात हस्तक्षेप करू नका. दैनंदिन जीवन नीट ठेवा आणि मनात देवाची प्रार्थन करा.
कर्क – लव्ह पार्टनरसोबत चांगला ताळमेळ
कर्क राशीच्या लोकांना या महिन्याची सुरुवात अतिशय शुभ सिद्ध होईल. महिन्याच्या सुरुवातीला नोकरदारांना आवडीच्या जागे पदोन्नती किंवा बढती याची शक्यता आहे. ज्या व्यापाऱ्यांचे बाजारात पैसे अडकले असतील त्यांना हे पैसे अप्रत्यक्षरीत्या परत मिळतील. उत्पन्नाचे नवे मार्ग सापडतील. एखादे थांबलेले काम जवळच्या मित्रामुळे मार्गी लागेल. तुम्हाला तुमचा वैयक्तिक मानसन्मान, प्रतिष्ठा याबाबत नेहमची सजग असले पाहिजे. महिन्याच्या मध्याला तुम्हाला दूरच्या प्रवासाला जावे लागू शकते. हा प्रवास सुखद आणि लाभदायक सिद्ध होईल. या काळात तुम्ही तुमच्या बोलण्यावर पूर्ण नियंत्रण ठेवा अन्याथा होत आलेली कामेही बिघडतील. या महिन्यात तुम्हाला तुमच्या आईच्या तब्येतीची काळजी घ्यावी लागेल. सांधेदुखीचा त्रास होऊ शकतो. महिन्याच्या उत्तरार्धात प्रॉपर्टी खरेदीविक्रीचे नियोजन कराल. कोणताही मोठा निर्णय घेण्यापूर्वी वरिष्ठांचा सल्ला घ्या. प्रेमसंबंधात दृढत येईल आणि लव्हपार्टनरसोबत ताळमेळ चांगला राहील. स्वकियांसोबत सकारात्मक व्यवहार वाढेल.
सिंह – जोडीदाराला वेळ द्या
सिंह राशीच्या लोकांसाठी हा महिना सौभाग्याचे दरवाजे उघडत आहे. जे लोक परदेशात कार्यरत आहेत, त्यांना एखाद्या मोठ्या योजनेत काम करण्याची संधी मिळेल किंवा उत्पन्नाचे नावे मार्ग मिळतील. या काळात नातेवाईकांसोबत ताळमेळ आणि सहकार्य वाढेल. सुखसुविधांवर पैसे खर्च होतील. वाहनसुख मिळेल. महिन्याच्या मध्यावर कुटुंबीयांसोबत एखाद्या धार्मिक कार्यक्रमाचे आयोजन होईल. जर तुम्ही जमीन किंवा घराची खरेदीविक्री करणार असाल तर या महिन्याचा उत्तरार्ध चांगला आहे. या काळात जवळच्या सहकाऱ्यांसोबत ताळमेळ ठेवा. व्यापारातील लोकांना सामान्य लाभ होईल. प्रकृतीशी संबंधित समस्या गांभीर्याने घ्या आणि लवकरात लवकर त्यावर उपाययोजना करा. प्रेमसंबंधात एकमेकांच्या भावनांचा सन्मान करत पुढे जा, अन्यथा प्रेमाच्या मार्गात अडथळे येतील. कौटुंबिक जीवनातील समस्या एकएक करत सोडवत पुढे जा आणि जोडीदाराला वेळ द्या.
कन्या – धार्मिक कार्यातून मानसिक शांती
कन्या राशीच्या लोकांना हा महिना चढउतारांचा राहील. महिन्याच्या सुरुवातीला कार्यक्षेत्रात तुम्हाला सहकाऱ्यांच्या विरोधाला तोंड द्यावे लागू शकते. या काळात तुम्हाला मुत्सद्दीपणे वागून तुमचे काम सिद्ध करावे लागेल. एकूण तुमच्या कार्यशैलीत बदल करण्याचे प्रयत्न करावेत. भूलथापांना बळी पडून मोठा निर्णय घेऊ नका आणि स्वतःवर पूर्ण विश्वास ठेवा. कलेशी संबंधित लोकांना आळस सोडून संधीचा पुरेपूर फायदा घ्यावा, कारण नंतर हात चोळत बसण्याशिवाय पर्याय राहात नाही. या महिन्यात वैवाहिक जीवनात येत असलेल्या समस्यांवर शांतचित्ताने उपाय योजावेत. महिन्याच्या मध्याला तुम्हाला गोष्टी सुस्पष्ट ठेवत भ्रमापासून दूर राहिले पाहिजे. महिन्याच्या दुसऱ्या भागात परिस्थिती अनुकूल होत जाईल आणि पतीपत्नीत ताळमेळ वाढेल. प्रेमसंबंधात आधीपासून सुरू असलेला संभ्रम दूर होईल. एकमेकांवरील विश्वास वाढेल. प्रकृतीच्या तक्रारीकडे दुलर्क्ष करू नका. नशा करून नका. दररोज व्यायाम आणि ध्यानधारणा करावी. धार्मिक कार्यात भाग घेतल्याने मानसिक शांती मिळेल.
तुळ – रणनीती गुप्त ठेवा
तूळ राशीच्या लोकांना महिन्याच्या पूर्वार्धात अधिक सतर्क आणि सकारात्मक राहावे लागण्याची गरज आहे. महिन्याच्या सुरुवातीला तुमचे गुप्तशत्रू तुमच्या योजना अपयशी ठरवण्यासाठी कार्यरत राहतील. कोणत्याही कठीण संकटातून बाहेर पडण्यासाठी तुम्हाला तुमची बुद्धिमत्ता आणि रणनीती यावर विश्वास ठेवाला पाहिजे. तसेच तुम्हाला तुमची रणनीती गुप्त ठेवावी लागेल. या महिन्यात तुम्हाला कठोर मेहनतीने यश मिळेल. या काळात तुमच्या आत्मविश्वास कमी राहील आणि कोणाताही मोठा निर्णय घेताना अडथळे येतील. एखादा मोठा निर्णय घेताना शुभचिंतकाचा सल्ला घ्या किंवा काही काळापर्यंत हा निर्णय ठाळा. मोठ्या रकमेची गुंतवणूक करू नका. या महिन्यात तुमचे प्रेमसंबंध इतरांच्या दृष्टीस येतील. जे अविवाहित आहेत, त्यांना प्रेम मिळवण्यात फार प्रयत्न करावे लागतील. जे लोक आधीपासून प्रेमात आहेत, त्यांचे लव्ह पार्टनरसोबत काही गैरसमज होऊ शकतात. अर्थात तिसऱ्या आठवड्यात मतभेद कमी होतील आणि तुमचा लव्ह पार्टनर पुन्हा तुमच्याकडे आकर्षित होईल.
वृश्चिक – राजकारणात मोठी जबाबदारी मिळेल
या महिन्याच्या सुरुवातीला वृश्चिक राशीच्या लोकांना आळस सोडून सर्वं कामे पूर्ण करण्यासाठी प्रयत्न केले पाहिजेत, तरच मनासारखे यश मिळण्याचे योग आहेत, अन्याथ होत आलेली कामेही रखडू शकतात. बाजारात अडकलेले पैसे वसूल करण्यात व्यापाऱ्यांना काही अडचणींना तोंड द्यावे लागू शकते. काही मोठे विषय कोर्टाबाहेर सोडवणे फायद्याचे राहील. महिन्याच्या दुसऱ्या आठवड्यात भाऊबहीण, मित्र यांच्याशी काही गैरसमज होऊ शकतात. या काळात जुन्या मित्रांकडे दुलर्क्ष करू नाक. महिन्याच्या मध्याला वेळेची कुस बदलेले आणि कार्यक्षेत्रात वरिष्ठ आणि कनिष्ठ दोघांचे सहकार्य तुम्हाला मिळेल. एखाद्या मित्राच्या मदतीने उत्पन्नाचे नवे मार्ग बनतील. राजकारणाशी संबंधित लोकांना एखादी मोठी जबाबदारी मिळेल. या काळात दूरचा प्रवास टाळा. फारच आवश्यक असेल तर प्रवास काळात तुमचे सामान आणि प्रकृती याकडे विशेष लक्ष द्या, कारण या काळात तुम्हाला काही हंगामी आजार होऊ शकतात. खाण्यापिण्याकडे विशेष लक्ष द्या. या महिन्यात विरुद्ध लिंगी व्यक्तींबद्दलचे आकर्षण वाढेल. मनासारखा जोडीदार मिळण्याचे स्वप्न पूर्ण होऊ शकते. नातेवाईक प्रेमसंबंधावर लग्नाचा ठसा उमटवतील. वैवाहिक जीवनात मधुरता राहील, तसेच जोडीदारासोबत आनंदाचे क्षण व्यतित करण्याची संधी मिळेल.
धनू – शिक्षणात अडथळे येतील
धनू राशीसाठी हा महिना फार व्यस्ततेचा जाईल. या महिन्यात तुम्हाला काही जबाबदाऱ्या पार पाडण्यासाठी पुढे यावे लागेल. महिन्याची सुरुवात तुमच्यासाठी संघर्षाची राहील. या काळात नातेवाईंकासोबत वाद निर्माण झाल्याने समस्या वाढू शकतात. तुमची सामाजिक प्रतिष्ठा आणि मानसन्मान याबद्दल सजग राहा. जवळच्या लाभासाठी दीर्घकालीन तोटा करून घेऊ नका. जमीन आणि घराशी संबंधित विषय वरिष्ठांचे सहकार्याने सोडवण्याचे प्रयत्न करा, असे केल्याने तुम्हाला यश मिळेल. या महिन्याच्या मध्याला युवकांचा अधिकाधिक वेळ मौजमस्तीत जाईल. उच्चशिक्षणाची तयारी करत असलेल्या विद्यार्थ्यांना ही वेळ शुभ नाही. तुमच्या शिक्षणात काही अडथळे येऊ शकतात. प्रकृतीच्या कारणामुळे अभ्यासाच्या कामात अडथळे येतील. कार्यक्षेत्रात मन लावून आणि प्रमाणिकपणे काम करा. व्यापाराशी संबंधित लोकांना रणनीती ठरवून निर्णय घेणे लाभाचे ठरेल. प्रकृतीच्या दृष्टिकोनातून या महिना धनू राशीच्या लोकांना शारीरिक कमजोरी, अनिद्रा सारख्या समस्यांचा सामना करावा लागू शकतो. प्रेमसंबंधात सावधरीत्या पावले उचला, अन्यथा मानहानीला तोंड द्यावे लागेल. इतरांच्या फूस लावण्याला बळी पडू नका. जीवनातील कठीण प्रसंगात जोडीदार तुमची साथ देईल. नवराबायकोत सुख आणि सौहार्द राहील.
मकर – अहंकारापासून दूर राहा
मकर राशीच्या लोकांना या महिन्याची सुरुवात अधिक संघर्षाची राहील. या काळात तुमची बरीच कामे अडकून पडू शकतात. प्रिय मित्रांसोबत ताळमेळ राहणार नाही, त्यामुळे मन खिन्न राहील. कार्यालयात कोणाशीही फ्लर्ट करू नका, अन्यथा कोणी तरी पराचा कावळा करू शकते. जे विद्यार्थी परीक्षा आणि स्पर्धांची तयारी करत आहेत, त्यांनी एकाग्रतने तयारी केी पाहिजे. पूर्वार्धाच्या तुलनेत उत्तरार्धात राहत मिळेल. या काळात आर्थिक व्यवहारात अतिशय सांभाळून राहा. कार्यक्षेत्रात कोणत्याही कागदावर सही करण्यापूर्वी नीट वाचून पाहा. प्रेमसंबंध असो की वैवाहिक जीवन अहंकारापासून दूर राहा. एक पाऊल मागे येत दोन पावले पुढे जाण्याची संधी असेल तर आवश्य तसा विचार करा. जोडीदाराच्या भावनांकडे दुलर्क्ष करू नका. वडिलांची प्रकृती चिंतेचे कारण राहील. महिन्याच्या अखेरीस करिअरमध्ये किंवा व्यवसायात प्रगती दिसेल. या काळात सत्तापक्षाकडून काही लाभाचे योग आहेत.
कुंभ – अहंकार आणि रागापासून दूर राहा
या महिन्याच्या पूर्वार्धात कुंभ राशीच्या लोकांना परिस्थिती अनुकूल होताना दिसते. जुनी रखडलेली कामे पूर्ण होतील. पण नंतरच्या काळात मात्र स्वतःचे ध्येय गाठण्यात तुमचा संघर्ष वाढू शकतो. महिन्याच्या दुसऱ्या आठवड्यात समाजिक क्षेत्रात नव्या ओळखी होतील. करिअर आणि व्यवसायात अपेक्षित प्रगती होईल. सरकारी नोकरांची अडकलेली पदोन्नती होईल. या काळात सुखसुविधांच्या वस्तूंवर खिशातून अधिकचे पैसे खर्च होतील. महिन्याच्या मध्यावर तुम्हाला व्यवहार आणि वाणी दोन्हींवर नियंत्रण ठेवावे लागेल. तसेच या काळात अहंकार आणि राग दोन्हीपासून दूर राहा अन्यथा तुम्हाला मोठे नुकसान सोसावे लागू शकते. प्रेमसंबंधाच्या बाबतीत पूर्वार्धापेक्षा उत्तरार्ध अधिक आव्हानात्मक राहील. या काळात तिऱ्हाईत व्यक्ती तुमच्यात आणि तुमच्या लव्ह पार्टनरमध्ये मतभेद निर्माण करण्याचा प्रयत्न करेल. विवाहितांसाठी ही वेळ फार शुभ म्हणता येणार नाही. या काळात जोडीदारासोबत काही मतभेद होऊ शकतात. तुम्हाला या काळात जोडीदाराच्या प्रकृतीची विशेष काळजी घ्यावी लागेल, अन्यथा हॉस्पिटलला जावे लागेल.
मीन – प्रेमसंबंधात सतर्क राहा
मीन राशीच्या लोकांना कार्यक्षेत्रात वरिष्ठांचे सहकार्य मिळेल आणि तुमचे उद्दिष्ट वेळेत पूर्ण करू शकाल. या काळात प्रकृती चांगली राहील. कार्यात यश आल्याने मनोबल वाढेल. धार्मिक कार्यात अधिक रुची घ्याल त्यामुळे मानसिक शांतीचा अनुभव येईल. महिन्याच्या उत्तरार्धात कुटुंबीयांसोबत तीर्थयात्रेला जाल. महिन्याच्या मध्यावर कोणावर डोळे झाकून विश्वास ठेऊ नका आणि मोठा निर्णय अतिशय विचारपूर्वक घ्यावा. महिन्याच्या उत्तरार्धात जीवनशैली नीट ठेवावी लागेल, अन्यथा तुमची प्रकृती बिघडू शकते. हंगामी आजारांपासून सावध राहा. काही जुने आजार डोके वर काढू शकतात. प्रेमसंबंधात या महिन्यात फार सतर्क राहावे लागणार आहे. एखाद्या लहान गोष्टीमुळे नात्यांत अंतर पडू शकते. या महिन्यात भावनेच्या भरात कोणताही मोठा निर्णय गेऊ नका, अन्यथा नंतर अडचणीत याल. पतीपत्नीत आपापसांतील प्रेम आणि सौहार्द वाढेल.