Kalki 2898 AD: नाग अश्विनच्या’कल्की’चा जगभरात धुमाकूळ, चार दिवसांत सिनेमाची तब्बल इतक्या कोटींची कमाई

मुंबई: नाग अश्विन यानं दिग्दर्शित केलेल्या ‘कल्की २८९८ एडी’ सिनेमानं बॉक्स ऑफिसवरचा दुष्काळ संपवला आहे. हा सिनेमा भारतातच नव्हे तर परदेशातही जबरदस्त कमाई करताना दिसतोय.सिनेमानं वर्ल्डवाइड महाबंपर ओपनिंग नंतर पहिल्या विकेंडलाही रेकॉर्ड तोड कमाई केली आहे.

‘कल्की २८९८ एडी’ नं चौथ्या दिवशी किती केली कमाई?

‘कल्की २८९८ एडी’ हा चित्रपट धमाकेदार अॅक्शन आणि वीएफएक्स तसंच तगडी स्टारकास्ट यामुळं चर्चेचा विषय ठरतोय. या सगळ्यामुळंही प्रेक्षकही सिनेमा पाहायला गर्दी करताना दिसत आहेत. त्यामुळं बॉक्स ऑफिसवर नवीन रेकॉर्ड नोंदवले जात आहेत. सिनेमा प्रदर्शित होऊ चार दिवसच झाले असले तरी, सिनेमाचे आकडे मोठे आहेत. प्रत्येक दिवशी सिनेमाच्या कमाईत वाढ होताना दिसतेय. काही रिपोर्ट्सनुसार चौथ्या दिवशी म्हणजे रविवारी सिनेमाच्या कमाईत शनिवारच्या तुलनेत २० टक्क्यांनी वाढ झाल्याचं दिसून आलं. रविवारी या सिनेमानं तब्बल १२० कोटींचा गल्ला जमवला. तर शनिवारी सिनेमानं १०० कोटींची कमाई केली होती.

चार दिवसांची एकूण कमाई किती?

पहिला दिवस: १९१ कोटी
दुसरा दिवस: ९६ कोटी
तिसरा दिवस: १०० कोटी
चौथा दिवस: १२० कोटी

सिनेमाच्या वर्ल्डवाइड कलेक्शननं ५०० कोटींचा टप्पा पार केला आहे. बॉक्स ऑफिसवर कमी दिवसांत ५०० कोटींचा आकडा पार करणारा ‘कल्की २८९८ एडी’ हा सहावा भारतीय सिनेमा ठरला आहे. आरआरआर सिनेमानं तीन दिवसांत ५७० कोटींचा गल्ला जमवला होता. तर केजीएफ: चॅप्टर २ सिनेमानं चार दिवसांत ५४६ कोटींची कमाई केली होती. तर शाहरुखच्या पठाण सिनेमानं पाच दिवसांत ५४२ कोटींची कमाई केली होती. तर जवान सिनेमानं चार दिवसांत ५२१ कोटींचा गल्ला जमवला होता. तर बाहुबली २ चित्रपटाची तीन दिवसात ५१० कोटींची कमाई होती.

Virat Kohli : टी-20 वर्ल्ड कप जिंकल्यावर विराट कोहलीची अनुष्कासाठी खास पोस्ट, विजयाचे श्रेय लाडक्या बायकोला
सिनेमाबद्दल बोलायचं झालं तर, ‘कल्की २८९८ एडी’ हा मल्टीस्टारर सिनेमा आहे. साऊथचा स्टार प्रभास भैरवच्या भूमिकेत आहे. तर दीपिका पादुकोण सुमतीची भूमिका साकारतेय. तर अमिताभ बच्चन हेच खरे सिनेमाचे हिरो असून ते अश्वत्थामाच्या भूमिकेत आहे. तर कमल हासन यांना यास्किन ही खलनायकाची भूमका साकरली आहे. तर दिशा पाटनी रॉक्सीची भूमिका साकारतेय.