Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Sunita Williams Update: अंतराळातून अजूनही परतल्या नाहीत सुनीता विलियम्स; का होत आहे उशीर? जाणून घ्या
भारतीय वंशाच्या अंतराळवीर सुनीता विलियम्स आणि त्यांच्या सोबत अवकाशात गेलेले Butch Willmore अद्याप पृथ्वीवर येऊ शकले नाहीत. दोन्ही अंतराळवीर इंटरनॅशनल स्‍पेस स्‍टेशनवर डॉक झालेल्या Starliner spacecraft मध्ये अडकले आहेत.
स्‍टारलाइनरमध्ये सुरुवातीपासूनच गडबड
मिळत आहे तारीख पे तारीख
काही दिवसांपूर्वी त्यांची समस्या आणखी वाढली जेव्हा जुना सॅटेलाइट तुटल्यामुळे तयार झालेले अवशेष अंतराळात चारही बाजूंना पसरला आणि आयएसएस व स्‍टारलाइनरशी टक्कर होण्याची शक्यता वाढली. त्यानंतर सुनीता आणि त्यांच्या सहकाऱ्यांना स्‍टारलाइनरमध्ये आसरा घ्यावा लागला.
परंतु ते या धोक्यातून सुखरूप बचावले, परंतु स्‍टारलाइनर स्‍पेसक्राफ्टमध्ये आलेल्या बिघाडामुळे पृथीवर येऊ शकत नाहीत. दोन्ही अंतराळवीर 18 जूनला जमिनीवर येणार होते.
स्‍टारलाइनरमध्ये सुरुवातीपासूनच गडबड
स्‍टारलाइनर स्पेसक्राफ्ट तयार करणारी Boeing कंपनी गेले अनेक दिवस ह्यूमन स्‍पेसक्राफ्टवर काम करत होती. स्‍टारलाइनर मिशन अनेकवेळा रद्द करण्यात आला होता. अखेरीस जेव्हा लाँचिंग झालं तेव्हा स्‍पेस स्‍टेशनमध्ये पोहचल्यावर यातून हीलियम लीक झाल्यामुळे समस्या येऊ लागली. जे मिशन 8 दिवसांचं होतं ते अजूनही पूर्ण झालं नाही.
मिळत आहे तारीख पे तारीख
आधी वाटलं होतं की स्‍टारलाइनर स्पेसक्राफ्ट 18 जूनपर्यंत पृथ्वीवर परत येईल. ही तारखेला 26 जूनवर शिफ्ट करण्यात आली. आता नासानं म्हटलं आहे की स्‍टारलाइनर या महिन्यात जमिनीवर येईल. तसेच प्रोपल्‍शन सिस्‍टममध्ये आलेल्या बिघाडाची देखरेख केली जात आहे.
हीलियम कोणत्याही स्‍पेसक्राफ्टसाठी खूप महत्वाचं आहे. याचा वापर प्रोपलेंट्सला थ्रस्टर्स पर्यंत ढकलण्यासाठी केला जातो. गॅस लीक झाल्यास थ्रस्टर्स नीट काम करू शकत नाहीत. एक गोष्ट चांगली म्हणता येईल की स्पेसक्राफ्ट 45 दिवस अंतराळात राहू शकतो. त्यामुळे क्रू मेंबर्सना स्‍पेसक्राफ्टमध्ये आलेली समस्या दूर करण्यासाठी वेळ मिळतो.
स्पेसक्राफ्ट दुरुस्त न झाल्यास काय होणार
बोईंगचं स्टारलायनर अवकाश यान दुरुस्त न झाल्यास कंपनीची नाचक्की होऊ शकते. त्यात नासाने इलॉन मस्कच्या स्पेसएक्सची मदत घेऊन सुनीता विलियम्स आणि बूच विलमोर यांना पृथ्वीवर आणल्यास बोईंगच्या प्रतिष्ठेला धक्का बसू शकतो. रशिया देखील नासाची मदत करू शकते.