CocoaPods Data Leak: कोकोपॉड्समधील बगमुळे 30 लाख युजर्सचा डेटा लीक, सिक्युरिटी फर्मचा धक्कादायक रिपोर्ट

जर तुम्ही Apple च्या iPhone किंवा लॅपटॉपचा वापर करत असाल तर तुमच्यासाठी एक मोठी बातमी आहे. Apple च्या डिव्हाइसमध्ये एक बग आल्यामुळे सुमारे 30 लाख युजर्सची प्रायव्हसी धोक्यात आली आहे. हा डेटा लीक CocoaPods मधील बगमुळे झाला आहे. CocoaPods ने नुकताच एक बग फिक्स केला आहे ज्यामुळे या डेटा लीकची माहिती मिळाली आहे. CocoaPods हा एक मॅनेजर सर्व्हर आहे जिथे Apple ऍप्सच्या कोड लायब्ररी असतात.

2014 साली देण्यात आली होती बगबद्दलची माहिती

रिपोर्टमध्ये म्हटले आहे की सिक्योरिटी रिसर्चरने एक मोठे ब्रीच शोधले आहे ज्यामुळे 30 लाख युजर्सचा डेटा लीक झाला आहे. हा डेटा लीक एका बगचा फायदा घेऊन ऍपमध्ये मॅलवेअर कोड टाकून करण्यात आला आहे. साइबर सिक्योरिटी फर्म EVA इंफॉर्मेशन सिक्टोरिटीने आपल्या रिपोर्टमध्ये म्हटले आहे की CocoaPods मध्ये तीन असे बग आढळले आहेत ज्यांची ओळख आधी झाली होती. या बगच्या बद्दल पहिल्यांदा 2014 मध्ये माहिती दिली गेली होती. या बगचा फायदा घेण्यासाठी हॅकर्सनी API आणि ई-मेल आयडीचा वापर केला जो CocoaPods कडून मिळाला होता.

CocoaPods च्या या डेटा लीकमुळे लाखो iOS आणि macOS ऍप्सच्या युजर्सची माहिती हॅकर्सकडे पोहोचली आहे आणि त्या डेटाच्या आधारावर त्यांच्याबरोबर कधीही फसवणूक होऊ शकते.

काय आहे CocoaPods?

CocoaPods एक लोकप्रिय ओपन-सोर्स डिपेंडेंसी मॅनेजर आहे जो iOS आणि macOS ऍप्लिकेशन्ससाठी वापरला जातो. याच्या मदतीने डेव्हलपर्स थर्ड पार्टी लायब्ररी किंवा फ्रेमवर्क सहजपणे त्यांच्या प्रोजेक्ट्समध्ये समाविष्ट करू शकतात आणि त्यांचे अपडेट मॅनेज करू शकतात. CocoaPods प्रोजेक्ट्सच्या कार्यक्षमता आणि विकासाच्या गतीत सुधारणा करते. डेव्हलपर्सना त्यांच्या कोडमध्ये विविध उपयुक्त लायब्ररीज सहजपणे कनेक्ट करण्याची आणि त्यांचा वापर करण्याची सुविधा देते.