Viral Video : बंद कोल्ड ड्रिंकच्या बाटलीत सापडला ‘कोळी कीटक’, व्हिडिओ झाला व्हायरल

बंगळुरू : गेल्या एका महिन्यात अशा काही घटना घडल्या आहेत की पॅकेजिंग फूड खाताना सुद्धा ग्राहकांना भीती वाटू लागली आहे, मालाडस्थित महिलेला आइस्क्रीमध्ये जिंवत माणसाचे बोट मिळाले तर दुसरीकडे दिल्लीत एका महिलेला आइस्क्रीममध्ये गोम आढळून आली. आता अशीच एक घटना देशात उघडकीस आली आहे, हा प्रकार आहे कर्नाटकच्या बंगळुरू मधला, तुमकुर परिसरात एका ग्राहकाने कोल्ड ड्रिंकची बॉटल खरेदी केली पण बॉटलमधले शीतपेय पिताना ग्राहकाला बंद बाटलीच्या आत एक कोळी कीटक आढळून आला. आधी त्याला वाटले की काही वेगळे असावे मग त्याने पुन्हा बाटली नीट तपासली तर त्याला बंद बाटलीत कोळी दिसला यानंतर ग्राहक आणि दुकानदाराला कोळी कीटक बंद बाटलीच्या आत कसा गेला असा प्रश्न सतावू लागला मग व्हिडिओ ग्राहकाने सोशल मीडियावर शेअर केला आणि ही बातमी वाऱ्यासारखी पसरली.

दारु विक्रेत्याचा विचित्र प्रताप, पोलीस सुद्धा चक्रावले; सोशल मीडियावर व्हिडिओ झाला व्हायरल

व्हिडिओ आता सोशल मीडियावर व्हायरल झाला आहे. व्हिडिओत दाखवल्याप्रमाणे हिरव्या रंगाच्या बॉटलमध्ये कोळी जिंवत आढळून आला आहे. हल्लीच कर्नाटकमधील पाणीपुरी मध्ये वापरल्या जाणाऱ्या चटपटीत हिरव्या पाण्यात केमिकल आढळून आले आहे. पाणीपुऱ्यांच्या २६० सॅम्पल गोळा करण्यात आले होते त्यापैकी ४१ पाणीपुरीच्या हिरव्या तिखट पाण्यात केमिकलयुक्त पदार्थ आणि कॅन्सरयुक्त पदार्थ आढळून आले आहेत. याआधीच कर्नाटक सरकारने कॉटन कॅडी आणि कोबी मॅच्यूरिनमध्ये रंग वापरण्यास राज्यात मनाई केली आहे .

आता पॅकेजिंग फूडमध्ये अशा प्रकारचे कीटक सापडणे ही काय पहिली वेळ म्हणता येणार नाही याआधी सुद्धा अशा अनेक घटना समोर आल्या आहेत. मुंबईतील आणखी एका ग्राहकाने ऑनलाइन फूड ऑर्डर केले होते ज्यामध्ये एक मेलेला उंदीर आढळून आला. गुजरातमधील जामनगर इथल्या ग्राहकाने चिप्सचे पाकीट खरेदी केले होते त्यामध्ये ग्राहकाला मेलेला बेडूक आढळला होता. अहमदाबादमध्ये एका हॉटेलात साभांरात एका व्यक्तीला मेलेला उंदीर सापडला होता. सांगलीतील पलूसमध्ये अंगणवाडीच्या वतीने देण्यात येणाऱ्या पोषण आहारात आढळला मृत साप घटना निदर्शनास आल्याने मोठी दुर्घटना टळली.