Tej Police Times
OnePlus Pad 2: दमदार स्पेसिफिकेशनसह भारतीय बाजारात वनप्लसचा हा टॅबलेट लवकरच होणार लॉन्च, लिकमधून ही माहिती आली समोर
OnePlus Pad 2 लवकरच बाजारात लाँच होणार आहे. 16 जुलै रोजी इटलीच्या मिलान येथे होणाऱ्या OnePlus समर लॉन्च इव्हेंटमध्ये हा टॅबलेट लॉन्च केला जाईल. 12.1-इंचाच्या IPS LCD डिस्प्ले, स्नॅपड्रॅगन 8 जनरेशन 3 प्रोसेसर, आणि 9500mAh बॅटरीसह हे डिव्हाइस दमदार फिचर्ससह येणार आहे. यात आणखी खास काय असेल जाणून घेऊया
OnePlus Pad 2 चे खास स्पेसिफिकेशन
टिप्स्टर इशान अग्रवाल (@ishanagarwal24) च्या एक्स पोस्टनुसार, OnePlus Pad 2 मध्ये 3000×2120 पिक्सेल रिझोल्यूशन, 144 हर्ट्झ रिफ्रेश रेट आणि 900 निट्स पीक ब्राइटनेस लेवल असलेले 12.1-इंचाचे IPS LCD डिस्प्ले मिळण्याची शक्यता आहे. याशिवाय, हे डॉल्बी व्हिजनलाही सपोर्ट करेल.
टिप्स्टरने दावा केला आहे की OnePlus Pad 2 मध्ये क्वालकॉमचा स्नॅपड्रॅगन 8 जनरेशन 3 प्रोसेसर असेल. टॅबलेट दोन रॅम आणि स्टोरेज कॉन्फिगरेशनमध्ये उपलब्ध होऊ शकतो – 8GB+128GB आणि 12GB+256GB. दमदार साऊंडसाठी यात सहा स्पीकर्स असतील असेही सांगितले जात आहे.
OnePlus Pad 2 मध्ये 9500mAh क्षमतेची बॅटरी असण्याची अपेक्षा आहे, जी 67W वायर्ड सुपरवूक फास्ट चार्जिंगला सपोर्ट करेल. फोटोग्राफीसाठी, टॅबमध्ये 13-मेगापिक्सेलचा रियर कॅमेरा असेल. सेल्फी आणि व्हिडिओ कॉलिंगसाठी यात 8-मेगापिक्सेलचा फ्रंट कॅमेरा असण्याची शक्यता आहे.
भारतात देखील होणार लॉन्च
कम्युनिटी पोस्टनुसार, OnePlus Pad 2 16 जुलै रोजी इटलीच्या मिलान येथे होणाऱ्या OnePlus समर लॉन्च इव्हेंटमध्ये OnePlus Nord 4, Watch 2R आणि Nord Buds 3 Pro सह लॉन्च केला जाईल. टिप्स्टरने असेही सांगितले आहे की OnePlus Pad 2 भारतात देखील लॉन्च होईल. त्यांनी सांगितले की कंपनी त्याचबरोबर OnePlus Stylo 2 (स्टायलस), एक स्मार्ट कीबोर्ड आणि एक फोलिओ केस देखील सादर करेल. इव्हेंट भारतीय वेळेनुसार संध्याकाळी 6.30 वाजता सुरू होईल.
लेखकाबद्दलगौरव कुलकर्णीगौरव कुलकर्णी महाराष्ट्र टाईम्स येथे कन्सल्टंट डिजिटल कंटेंट प्रोड्युसर म्हणून कार्यरत आहे. २ वर्षांपासून डिजिटल मीडियाच्या माध्यमातून अनेक क्षेत्रांविषयी लिहित आहे. त्याने यापूर्वी लाइफस्टाइल व अर्थ विषयात लिखाण केले आहे. Times internet संचलित MENSXP आणि Mahamoney.Com येथे त्याने काम केले आहे. यासोबतच त्याला विज्ञान व टेक्नोलॉजी या विषयात विशेष रस आहे. याव्यरिक्त तो लेखक, कवी आणि दिग्दर्शक देखील आहे…. आणखी वाचा