Kulgam Encounter: कुलगाममधील चकमकीत ६ दहशतवाद्यांना कंठस्नान, २ जवानांनी दिली प्राणाची आहुती

जम्मू-काश्मीर : कुलगाममध्ये शनिवारी झालेल्या चकमकीत मृत्यूमुखी पडलेल्या जवान आणि दहशतवाद्यांची संख्या ८ वर पोहोचली आहे. सुरक्षा रक्षकांनी आणखी दोन दहशतवाद्यांच्या मृतदेहांना शोधून काढल्याची माहिती येथील अधिकाऱ्यांनी दिली आहे.

शनिवारी सकाळी मोदरगाम आणि चिन्नीगाम या ग्रामीण भागात सुरक्षा दल आणि दहशतवाद्यांमध्ये चकमक सुरू होती. या भागात शोध मोहिमेदरम्यान दहशतवाद्यांनी गोळीबार सुरू केला. ज्यामध्ये एक जवान शहीद झाला होता. तर दुसरीकडे सुरक्षा दलाने या चकमकीत कुलगाम जिल्ह्यात चार दहशतवाद्यांचा खात्मा केला आहे.
Kulgam Encounter: सुरक्षा दल आणि दहशतवाद्यांमध्ये चकमक, ४ दहशतवादी ठार, तर १ लष्करी जवान शहीद

दोन जवान शहीद

अधिकाऱ्यांनी दिलेल्या माहितीनुसार, मोदरगम येथे दोन दहशतवाद्यांचे मृतदेह मिळाले आहेत. तर चिन्नीगम येथून चार दहशतवाद्यांचे मृतदेह शोधण्यात सुरक्षा दलाला यश मिळाले आहे. मोदरगाम आणि चिन्नीगाम या परिसरात लष्कराचे दहशतवादी लपल्याची माहिती सुरक्षा दलांना मिळाली होती. त्यामुळे येथे सुरक्षा दलांनी शोधमोहिम सुरु केली. पण झालेल्या चकमकीत दोन जवानांना प्राणांची आहुती द्यावी लागली आहे. ज्यामध्ये एक पॅरा कमांडोचा देखीलकुलगाम एनकाउंटर, दहशतवादी हल्ला, दहशतवादी आणि भारतीय जवानांत चकमक, जम्मू काश्मीरमध्ये दहशत, भारतीय जवान शहीद kulgam encounter, death in terror attack, terror attack in jammu kashmir, Indian Army,

समावेश आहे.
Kulgam Encounter: कुलगाममधील चकमकीत अकोल्यातील २४ वर्षीय जवान शहीद, कुटुंबावर शोककळा

जम्मू काश्मीरमध्ये दहशतवादी कारवायांत वाढ

गेल्या काही महिन्यांपासून या भागात दहशतवादी कारवाया वाढल्या आहेत. गेल्या महिन्यातच सुरक्षा दलांनी डोडा जिल्ह्यातील गंडोह भागात दहशतवाद्यांना ठार केले होते. याप्रमाणेच पुलवामा येथे सुरक्षा दलांनी दोन दहशतवाद्यांना ठार केले. हे दोन दहशतवादी लश्कर-ए-तोयबाच्या एका शाखेतील रेझिस्टन्स फ्रंटचे दोन टॉप कमांडर होते. जे पुलवामा जिल्ह्यात सुरक्षा दलांशी झालेल्या चकमकीत लपण्यासाठी वापरत असलेल्या घरात अडकले होते आणि शिव खोरी गुंफेपासून कटरा येथे जाणाऱ्या बसवर पोनी भागातील तेर्याथ गावात दहशतवादी हल्ला झाल्याने दहा यात्रेकरूंचा मृत्यू झाला होता.

हल्ल्यात अकोल्यातील जवान शहीद

हल्ल्यात अकोल्यातील एक जवान शहीद झाला आहे. अकोल्याच्या मोरगाव भाकरे गावातील २४ वर्षीय प्रवीण जंजाळ याला प्राणाची आहुती द्यावी लागली. जंजाळ शहीद झाल्याचे माहिती गावकऱ्यांना समजताच गावात शोककुल वातावरण पसरले आहे. २०१९ मध्ये प्रवीण जंजाळ हे भारतीय सैन्य दलात दाखल झाले. त्यांच्या लग्नाला नुकतंच एक वर्ष झालं होतं. त्यांच्या पश्चात पत्नी, आई-वडील, मोठा भाऊ असा परिवार आहे.