Viral Video Of Food : चटणीत आढळला तरंगणारा उंदीर, हॉस्टेलचा व्हिडिओ व्हायरल

मुंबई : बाहेरील खाणे अनेकांच्या आवडीचे असते पण आता याच बाहेरील खाण्यावरील बातम्यांमुळे खवय्येगिराची चांगली पंचायत झाली आहे. आता दर दोन दिवसाने कधी स्पाराइटच्या बाटलीमध्ये कोळी आढळतो तर कधी अंगणावाडीच्या पोषण आहारात मृत साप आढळून येतो. काही दिवसांपूर्वी गुजरातच्या हॉटेलमध्ये मेलेला उंदीर सापडला होता. आता अशीच काहीशी घटना हैदराबादमध्ये घडली आहे. जवाहरलाल नेहरू टेक्निकल यूनिवर्सिटीमधल्या हॉस्टेलमध्ये जिवंत उंदीर चटनीत तरगंताना दिसला, मंगळवारी सोशल मिडियावर व्हायरल झालेल्या व्हिडिओवर लोकांनी संतप्त प्रतिक्रिया दिल्या आहेत. सततच्या बाहेरील खाण्यातील दोषांमुळे लोकांना आता बाहेरचे खाताना शंभरवेळा विचार करावा लागत आहे.

Viral Video : बंद कोल्ड ड्रिंकच्या बाटलीत सापडला ‘कोळी कीटक’, व्हिडिओ झाला व्हायरल

सोशल मिडियावर हॉस्टेलच्या फूड गुणवत्तेवर लोकांनी प्रश्नचिन्ह उपस्थित केला आहे. नेटीझन्सने सुद्धा कॉलेजच्या खराब व्यवस्थापना विरोधात तक्रारीचा सूर काढला आहे. व्हिडिओमध्ये सरळ सरळ दिसत आहे की एका भांड्यात पिवळ्या रंगांच्या फोडणीची चटणी दिसते, ज्यामध्ये एक उंदीर तरंगतोय काही मुले याचा व्हिडिओ काढताना दिसतात, आता हॉस्टेलच्या खाण्यात उंदीर कसा आला यावर अद्याप कॉलेजकडून कोणतेही स्पष्टीकरण आलेले नाही. एका सोशल मिडिया युजरने लिहले आहे की उंदीर स्विमींग पुलमध्ये पोहत असल्याचा आनंद घेतोय, मस्करीचा भाग वेगळा पण हॉस्टेल निरीक्षकांवर कारवाई झाली पाहिजे अशी प्रतिक्रिया दिली आहे तर दुसऱ्या युजरने लिहले हैदराबादमध्ये ८० टक्के हॉटेलात असेच जेवण शिजते.

तर तिसऱ्या युजरने लिहले चटनीत उंदीर असणे पूर्णपणे अमान्य आहे आरोग्यासाठी खूप मोठा धोका आहे. आरोग्यासाठी अशा गोष्टी दुर्लक्ष नाही केल्या पाहिजेत, एका युजरने लिहले की जर हॉस्टेलविरोधात तक्रार केली तर हॉस्टेल सोडताना आगाउ म्हणजे एडवांस भरलेली रक्कम दिली जात नाही. तर चौथ्या युजरने लिहले असे जेवण कोण खाईल आणि कोणाला आवडणार सुद्धा नाही, जर हॉस्टेलमध्ये असे खाणे मिळत असेल तर मुल काय करतील, त्यापेक्षा घरचे खाणे बरे असे युजरने लिहले आहे.