Tej Police Times
Android Ban: Microsoftची चीनमध्ये अँड्रॉईड स्मार्टफोन्सवर बंदी! iPhone वापरण्याचे कर्मचाऱ्यांना आदेश, कंपनीने का उचलले हे पाऊल जाणून घ्या
Android Ban: टेक क्षेत्रातील दिग्गज कंपनी Microsoftने चीनमध्ये आपल्या कर्मचाऱ्यांना अँड्रॉइड न वापरण्याचे आदेश दिले आहेत. कंपनीचा हा निर्णय आश्चर्यचकित करणारा आहे. पण आपल्या कर्मचाऱ्यांना येणाऱ्या टेक्निकल प्रॉब्लेममुळे त्यांनी हा निर्णय घेतल्याचे सांगितले आहे. यामागचे नेमके कारण काय आहे याकडे एक नजर टाकूया..
Google Play Store च्या बंदीमुळे घेतलेला निर्णय
Microsoft ने Android स्मार्टफोनवर बंदी घालण्याचे मुख्य कारण म्हणजे चीनमध्ये Google Play Store वर बंदी आहे. Google Play Store च्या उपलब्ध नसल्यामुळे, चीनमधील Android युजर्सना ॲप्स डाउनलोड करण्यासाठी Huawei आणि Xiaomi सारख्या स्थानिक अॅप स्टोअर्सवर अवलंबून राहावे लागते. या अॅप स्टोअर्समधून ॲप्स डाउनलोड करताना अनेकदा सुरक्षेचे प्रश्न निर्माण होतात. त्यामुळे, Microsoft ने आपल्या कर्मचाऱ्यांना सुरक्षित आणि विश्वासार्ह पर्याय देण्यासाठी iPhone वापरण्याचा निर्णय घेतला आहे.
कर्मचाऱ्यांना iPhone 15 मिळणार
रिपोर्टनुसार, जे कर्मचारी Huawei किंवा Xiaomi सारख्या चीनी ब्रँडच्या Android स्मार्टफोनचा वापर करीत आहेत, त्यांना कंपनीने iPhone 15 देण्याचे ठरवले आहे. कंपनीने चीनमध्ये एक केंद्र स्थापन करण्याचेही नियोजन केले आहे, जिथून कर्मचारी iPhone घेऊ शकतील. या निर्णयामुळे कर्मचाऱ्यांना एकसारखे डिव्हाइस वापरण्याची संधी मिळेल आणि त्यांना सुरक्षेच्या दृष्टीने अधिक फायदे मिळतील.
नवीन लॉगिन सिस्टिम
Microsoft लवकरच एक नवीन लॉगिन सिस्टिम लॉन्च करणार आहे, ज्यामुळे कोणता कर्मचारी iPhone वापरत आहे आणि कोणता Android वापरत आहे हे ओळखता येईल. या नवीन लॉगिन सिस्टिममुळे कंपनीला आपल्या कर्मचाऱ्यांच्या डिव्हाइसवर अधिक कंट्रोल मिळेल आणि त्यांची कार्यक्षमता सुधारेल. तसेच, सुरक्षेच्या दृष्टिकोनातून, कंपनीला आपल्या नेटवर्कवर कोणत्या प्रकारच्या डिव्हाइसचा वापर होतो आहे हे समजणे सोपे जाईल.
कर्मचारी आणि कंपनीचे फायदे
Microsoft च्या या निर्णयामुळे कर्मचाऱ्यांना एकसारखे डिव्हाइस वापरण्याची संधी मिळेल, ज्यामुळे त्यांना काम करण्यास सुलभता मिळेल. तसेच, iPhone सारख्या सुरक्षित डिव्हाइसचा वापर केल्यामुळे त्यांची माहिती सुरक्षित राहील. कंपनीच्या दृष्टीने, सर्व कर्मचारी एकसारखे डिव्हाइस वापरल्यामुळे IT व्यवस्थापन सोपे होईल आणि सुरक्षिततेच्या धोरणांची अंमलबजावणी अधिक प्रभावीपणे केली जाऊ शकेल.
लेखकाबद्दलगौरव कुलकर्णीगौरव कुलकर्णी महाराष्ट्र टाईम्स येथे कन्सल्टंट डिजिटल कंटेंट प्रोड्युसर म्हणून कार्यरत आहे. २ वर्षांपासून डिजिटल मीडियाच्या माध्यमातून अनेक क्षेत्रांविषयी लिहित आहे. त्याने यापूर्वी लाइफस्टाइल व अर्थ विषयात लिखाण केले आहे. Times internet संचलित MENSXP आणि Mahamoney.Com येथे त्याने काम केले आहे. यासोबतच त्याला विज्ञान व टेक्नोलॉजी या विषयात विशेष रस आहे. याव्यरिक्त तो लेखक, कवी आणि दिग्दर्शक देखील आहे…. आणखी वाचा