Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Moto G85 5G अखेरीस भारतीय बाजारात लाँच झाला आहे. याची किंमत 17,999 रुपयांपासून सुरु होते. यात 6.7 इंचाचा pOLED डिस्प्ले, 120Hz रिफ्रेश रेट, 5,000mAh ची बॅटरी, 33W फास्ट चार्जिंग आणि 50-एमपीचा OIS असलेला कॅमेरा मिळतो.
किंमत आणि उपलब्धता
मोटो जी85 5जी च्या बेस मॉडेलची किंमत 17,999 रुपये ठेवण्यात आली आहे, ज्यात 8GB रॅमसह 128GB स्टोरेज मिळते. तर 12GB रॅम व 256GB स्टोरेज मॉडेल 19,999 रुपयांमध्ये उपलब्ध झाला आहे. हा फोन कंपनीच्या वेबसाइटसह, फ्लिपकार्ट आणि रिटेल स्टोर्सवर 16 जुलैपासून उपलब्ध होईल.
CMF Phone 1: फोन एक रंग अनेक! कस्टमायजेबल डिजाइन आणि दणकट प्रोसेसरसह आला सीएमएफ फोन 1
कंपनीनं या फोनवर 1000 रुपयांचा इन्स्टंट बँक डिस्काउंट देत आहे. तसेच एक्सचेंज ऑफर अंतर्गत 1000 रुपयांची अतिरिक्त सूट मिळेल. त्याचबरोबर 9 महिन्यांपर्यंत नो कोस्ट ईएमआयचा पर्याय देखील मिळेल. हा फोन कोबाल्ट ब्लू, अर्बन ग्रे आणि ऑलिव्ह ग्रीन कलरमध्ये उपलब्ध होईल.
मोटोरोला जी85 चे फीचर्स आणि स्पेसिफिकेशन्स
फोनमध्ये 6.7 इंचाचा pOLED डिस्प्ले 120Hz रिफ्रेश रेटसह मिळतो. विशेष म्हणजे एज सीरिज प्रमाणे यात कर्व्ह डिस्प्ले देण्यात आला आहे. त्याचबरोबर 1600nits ची पीक ब्राइटनेस मिळते. स्क्रीनवर कॉर्निंग गोरिल्ला ग्लास 5 ची सुरक्षा मिळते. स्मार्टफोन व्हीगन लेदर बॅक पॅनलसह बाजारात आला आहे. याचे वजन 172 ग्राम आहे तर जाडी 7.59मिमी आहे.
प्रोसेसिंगसाठी स्नॅपड्रॅगन 6एस जेन 3 चिपसेट देण्यात आला आहे, त्याचबरोबर 12GB पर्यंत रॅम व 256GB पर्यंत स्टोरेज मिळते. पावर बॅकअपसाठी यात 5,000mAh ची बॅटरी देण्यात आली आहे, जी 33W फास्ट चार्जिंगला सपोर्ट करते. सोबत टाइप सी पोर्ट मिळतो.
डिवाइसमध्ये ड्युअल रियर कॅमेरा सेटअप मिळतो. ज्यात 50 मेगापिक्सलचा Sony LYT-600 सेन्सर आहे जो OIS ला सपोर्ट करतो. यामुळे अंधारात देखील क्लियर आणि स्टेबल फोटो येतात. त्याचबरोबर 8 मेगापिक्सलची अलर्ट वाइड लेन्स देण्यात आली आहे. सेल्फी आणि व्हिडीओ कॉलिंगसती कंपनीनं 32 मेगापिक्सलचा फ्रंट कॅमेरा दिला आहे, जो हाय क्वॉलिटी सेल्फ पोर्टेट कॅप्चर करण्यास मदत करतो.
मोटोरोलानं यात स्मार्ट कनेक्टचा देखील समावेश केला आहे, ज्याच्या मदतीनं हा डिवाइस लॅपटॉप किंवा डेस्कटॉपवरून कंट्रोल करता येईल.
लेखकाबद्दलसिद्धेश जाधवसिद्धेश जाधव जवळपास 6 वर्ष डिजिटल मीडियामध्ये टेक्नोलॉजी विषयी लिहीत आहे. सुरुवातीपासूनच टेक विषयी माहिती वाचकांना समजेल अशा सोप्या शब्दात मांडण्याचा प्रयत्न त्याने केला आहे. कामाव्यतिरिक्त सिद्धेशला प्रवास करायाला आवडतं. नेहमीच तो वेगवेगळ्या गड किल्ल्यांवर आणि ऐतिहासिक ठिकाणी फिरत असतो. फावल्या वेळात त्याला चित्रपट बघायला आवडतात. कधीकधी तो आपल्या भावना आणि विचार चारोळ्यांच्या माध्यमातून व्यक्त करतो…. आणखी वाचा