Tej Police Times
Samsung Galaxy Z Flip 6: दोन-दोन डिस्प्ले असलेला सॅमसंगचा शानदार फोन आला भारतात; असे आहेत फीचर्स
Samsung Galaxy Unpacked इव्हेंटच्या माध्यमातून Samsung Galaxy Z Flip 6 भारतीय बाजारात आला आहे. ज्यात 6.6 इंचाचा आणि 3.4 इंचाचा कव्हर डिस्प्ले देण्यात आला आहे. तसेच यात 10MP चा सेल्फी कॅमेरा आहे. हा Silver Shadow, Yellow, Blue, Mint कलरमध्ये खरेदी करता येईल.
स्पेसिफिकेशन्स आणि फीचर्स
सॅमसंग गॅलेक्सी झेड फ्लिप 6 मध्ये 6.7 इंचाचा FHD+ Dynamic AMOLED 2X डिस्प्ले देण्यात आला आहे. या डिस्प्लेचा रिफ्रेश रेट 120Hz का आहे. त्याचबरोबर फोनमध्ये 3.4 इंचाचा Super AMOLED कव्हर डिस्प्ले मिळतो. फोन Snapdragon 8 Gen 3 प्रोसेसरसह आला आहे. यात गॅलेक्सी एआय फीचर्स देण्यात आले आहेत.
Samsung Galaxy Z Fold 6: आयफोनला टक्कर देणाऱ्या सॅमसंगच्या नव्या फोल्डेबल फोनमध्ये आहे तरी काय? जाणून घ्या किंमत
फोटोग्राफीसाठी फोनमध्ये ड्युअल रियर कॅमेरा सेटअप देण्यात आला आहे. ज्यात 50MP चा प्रायमरी कॅमेरा 2X झूमसह येतो. तसेच, 12MP चा अल्ट्रा-वाइड कॅमेऱ्याचा समावेश करण्यात आला आहे. सेल्फी व व्हिडीओ कॉलिंगसाठी सॅमसंगच्या फ्लिप फोनमध्ये 10MP चा कॅमेरा देण्यात आला आहे.
या फोनची बॅटरी 4000mAh ची आहे. पाणी आणि धुळीपासून काही प्रमाणात संरक्षण करण्यासाठी यात IP48 रेटिंग देण्यात आली आहे. या फोनचे डायमेंशन फोल्ड झाल्यावर 85.1×71.9×14.9mm आणि अनफोल्ड झाल्यावर 165.1×71.9×6.9mm आहे. तसेच, याचे वजन 187 ग्राम आहे.
याफोनमध्ये काही मोठे हार्डवेअर अपग्रेड करण्यात आले आहेत. यात मिळणारी 4,000mAh बॅटरी जुन्या मॉडेलमध्ये असलेल्या 3,700mAh च्या बॅटरी पेक्षा थोडी मोठी आहे. तसेच कंपनीनं 12MP च्या मुख्य कॅमेऱ्याच्या ऐवजी 50MP चा सेन्सर दिला आहे.
किंमत
कंपनीनं Samsung Galaxy Z Flip 6 भारतात 1,09,999 रुपयांच्या बेस प्राइसमध्ये सादर केला आहे. हा फोन ब्लू, मिंट, सिल्व्हर शॅडो आणि येलो कलरमध्ये आला आहे. हा फोन आणखी व्हेरिएंटमध्ये येईल परंतु त्यांची किंमत अद्याप समोर आली नाही.
लेखकाबद्दलसिद्धेश जाधवसिद्धेश जाधव जवळपास 6 वर्ष डिजिटल मीडियामध्ये टेक्नोलॉजी विषयी लिहीत आहे. सुरुवातीपासूनच टेक विषयी माहिती वाचकांना समजेल अशा सोप्या शब्दात मांडण्याचा प्रयत्न त्याने केला आहे. कामाव्यतिरिक्त सिद्धेशला प्रवास करायाला आवडतं. नेहमीच तो वेगवेगळ्या गड किल्ल्यांवर आणि ऐतिहासिक ठिकाणी फिरत असतो. फावल्या वेळात त्याला चित्रपट बघायला आवडतात. कधीकधी तो आपल्या भावना आणि विचार चारोळ्यांच्या माध्यमातून व्यक्त करतो…. आणखी वाचा