Redmi K70 Ultra: सहज फुल होणार नाही या फोनची मेमरी; 1000GB स्टोरेजसह येतोय रेडमीचा फोन

By tejpolicetimes On Jul 12, 2024

Redmi K70 Ultra लवकरच चीनमध्ये सादर केला जाईल. या फोनमध्ये 24GB रॅम आणि 1TB ची जबरदस्त स्टोरेज मिळेल. तसेच Ice Glass कलर व्हेरिएंटमध्ये येणारा फोन 50 मेगापिक्सलच्या कॅमेऱ्यासह लाँच होऊ शकतो. भारतीय बाजारात हा हँडसेट रीब्रँड होऊन येण्याची शक्यता आहे.

Xiaomi चा आगामी फोन Redmi K70 Ultra सध्या चर्चेचा विषय ठरला आहे. रेडमी के70 अल्ट्रा मध्ये दमदार स्पेसिफिकेशन्स मिळू शकतात, यातील काही फीचर्सचा खुलासा लीक्सच्या माध्यमातून झाला आहे. आता अधिकृतपणे कंपनीनं आणखी एक खास अपडेट या फोन बाबत दिला आहे. फोनचा 24GB रॅम व्हेरिएंट देखील कंपनी लाँच करेल, ज्याची माहिती खुद्द शाओमीनं दिली आहे. चला जाणून घेऊया संपूर्ण माहिती.

रेडमी के70 अल्ट्राच्या लाँचसाठी खूप कमी दिवस शिल्लक राहिले आहेत. फोनच्या लाँच पूर्वीच शाओमीनं एक घोषणा केली आहे, त्यानुसार रेडमी के70 अल्ट्राचा 24GB रॅम व्हेरिएंट देखील बाजारात येईल. मीडिया रिपोर्टनुसार, या फोनमध्ये 1TB स्टोरेज स्पेस कंपनी देईल. Weibo वर शाओमीचे अधिकारी Wang Teng यांनी अलीकडेच ऑनलाइन प्रश्नांना उत्तर देताना म्हटलं आहे फोनचा 24GB रॅम व 1TB (1024GB) स्टोरेज व्हेरिएंट देखील लाँच होईल.
Tecno Spark 20 Pro 5G: लॅपटॉपपेक्षा जास्त रॅम असलेला फोन 14 हजारांत; सोबत 108MP चा कॅमेरा

रेडमी के70 अल्ट्रा या महिन्यात लाँच होणार आहे, ज्याची अधिकृत तारीख लवकरच घोषित केली जाऊ शकते. फोनमध्ये MediaTek Dimensity 9300+ चिपसेट असेल. इतकेच नव्हे तर हा पहिला असा स्मार्टफोन असेल ज्यात नवीन जेनरेशनचा 1.5K C8+ स्ट्रेट डिस्प्ले दिला जाईल. डिस्प्लेमध्ये नॅरो बेजल्स मिळतील. फोनच्या मागे 50 मेगापिक्सलचा मेन कॅमेरा दिला जाऊ शकतो ज्यात ऑप्टिकल इमेज स्टॅबिलायजेशन (OIS) चा सपोर्ट असेल.

Redmi K70 Ultra चा Ice Glass कलर व्हेरिएंट देखील कंपनी लाँच करेल. फोनमध्ये खास कूलिंग सिस्टम मिळणार असल्याचं सांगण्यात आलं आहे. काही रिपोर्ट्सनुसार, फोनमध्ये युजर्सना बेस्‍ट गेमिंग एक्‍सपीरियंस मिळू शकतो. सांगण्यात आले आहे की परफॉर्मन्स बेंचमार्क, फ्रेम रेट आणि रिजॉल्यूशन लेव्हलवर हा बेस्‍ट गेमिंग फोन असेल. फोनमध्ये 120Hz रिफ्रेश रेट मिळू शकतो. स्मार्टफोनमध्ये 5500mAh ची बॅटरी दिली जाऊ शकते. त्याचबरोबर 120W फास्ट चार्जिंगचा सपोर्ट देखील या डिव्हाइस मध्ये मिळू शकतो.

लेखकाबद्दलसिद्धेश जाधवसिद्धेश जाधव जवळपास 6 वर्ष डिजिटल मीडियामध्ये टेक्नोलॉजी विषयी लिहीत आहे. सुरुवातीपासूनच टेक विषयी माहिती वाचकांना समजेल अशा सोप्या शब्दात मांडण्याचा प्रयत्न त्याने केला आहे. कामाव्यतिरिक्त सिद्धेशला प्रवास करायाला आवडतं. नेहमीच तो वेगवेगळ्या गड किल्ल्यांवर आणि ऐतिहासिक ठिकाणी फिरत असतो. फावल्या वेळात त्याला चित्रपट बघायला आवडतात. कधीकधी तो आपल्या भावना आणि विचार चारोळ्यांच्या माध्यमातून व्यक्त करतो…. आणखी वाचा

Source link