Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Astrology Mantra For Sleep : निद्रानाशातून होईल कायमची मुक्ती, रात्री शांत-सुखद झोप हवी आहे? या मंत्रांचा करा जप
Mantras For A Good Sleep : चांगली झोप प्रत्येक व्यक्तीसाठी फार आवश्यक आहे. त्यामुळे तुमचा थकवा दूर होतो आणि शरीरात पुन्हा एकदा ऊर्जा येते, ताजेतवाने होऊन तुम्ही नव्या दिवसाची उत्साहात सुरुवात करता. एका रिपोर्टनुसार जगातील ८६ टक्के लोक अनिद्रेने त्रस्त आहेत. धावपळ आणि तणावामुळे चांगली झोप न येणे ही एक फार मोठी समस्या बनली आहे. ज्योतिष शास्त्रात असे काही मंत्र सांगितले आहेत, ज्यांचा जप केल्याने तुम्हाला चांगली आणि सुखद झोप येऊ शकतेस तसेच तणावही कमी होऊ शकतो. शांत झोप लागली तर सकाळची सुरूवात प्रसन्नपणे होईल.
चांगल्या झोपेसाठी
ज्योतिष शास्त्रानुसार तुम्हाला जर चांगली झोप येत नसेल तर झोपण्यापूर्वी तुम्ही हात स्वच्छ धुवून या मंत्राचा दररोज जप करावा. दोनतीन दिवसातच तुम्हाला चांगली झोप यायला सुरुवात होईल.
अगस्तिर्माघवशचैव मुचुकुन्दे महाबल:।
कपिलो मुनिरास्तीक: पंचैते सुखशाायिन:।।
वाईट स्वप्नांपासून मुक्ती
जर तुम्हाला वाईट स्वप्न पडत असतील तर वारंवार झोपमोड होत असेल रात्री झोपण्यापूर्वी तोंड, हातपाय धुवून घ्यावेत. त्यानंतर खालील मंत्र एक जागी बसून शांत चित्ताने १०८ वेळा म्हणावा. असे केल्याने वाईट स्वप्न कधीही येणार नाहीत आणि तुमच्यावरील तणावही हळूहळू कमी होत जाईल.
वाराणस्यां दक्षिणे तु कुक्कुटो नाम वै द्विज:।
तस्य स्मरणमात्रेण दु:स्वपन: सुखदो भवेत्।।
आजारपणात शांत झोपेसाठी
बऱ्याच वेळा आजारी व्यक्तीला आजारपणामुळे झोप येत नाही. अशा व्यक्तीची संपूर्ण रात्र एका कुशीवरून दुसऱ्या कुशीवर अशी जाते. अशा स्थितीत पुढील मंत्राचा जप केला तर चांगली झोप येते आणि रोगातूनही मुक्ती मिळते. जे लोक श्लोक पठण करू शकत नाहीत, त्यांनी या तीन मंत्रांचा जप करावा.
अच्युताय नम:, अनन्ताय नम: आणि गोविन्दाय नम:
तसेच जे लोक खालील मंत्राचा जप करतील त्यांनाही बरेच लाभ मिळतील.
अच्युतानन्त गोविन्द नामोच्चारणभेषजात्।
नश्यन्ति सकला: रोगा: सत्यं सत्यं वदाम्यहम्।।
चोरीच्या भीतीपासून मुक्ती
काही वेळा रात्री झोपताना चोरी होण्याची किंवा दरोडा पडण्याची भीती मनात असते. या भीतीमुळे त्या व्यक्तीला चांगली झोप मिळत नाही आणि थोड्याथोड्या वेळाने झोपमोड होते. या व्यक्तीची पूर्ण रात्र अशातच निघून जाते. अशा स्थितीत रात्री घराला कुलूप लावताना खालील मंत्राचा जप केला तर चोर किंवा दरोडेखोर तुमच्या घराच्या दिशेने येणारच नाहीत, आणि तुम्हालाही चांगला दिलासा मिळेल आणि चांगली झोप येईल.
आदिचौरकफल्लस्य ब्रह्मदत्तवरस्य च।
तस्य स्मरणमात्रेण चौरो विशति न गृहे।।
सुखद झोप यावी म्हणून
ज्योतिष शास्त्रानुसार बऱ्याच वेळा धावपळ आणि तणावामुळे झोप येत नाही, तसेच आपण काही वेळा घराबाहेर असतो आणि नव्या जागी झोप येत नाही. चांगल्या आणि सुखद झोपेसाठी खालील मंत्राचा जप केला तर तुम्हाला चांगली झोप येईल. दुर्गा सप्तशतीच्या या मंत्राचा ११ किंवा २१ वेळा जप करावा. त्यामुळे चांगली झोप येईल. अनिद्रा आणि मानसिक तणाव असताना चांगल्या झोपेसाठी या मंत्राचा जप करावा.
या देवी सर्वभूतेषु निद्रा-रूपेण संस्थिता।
नमस्तस्यै नमस्तस्यै नमस्तस्यै नमो नमः॥