Tej Police Times
OPPO Reno 12 5G: 8 किंवा 12 नव्हे 50 एमपीच्या सेल्फी कॅमेऱ्यासह आला ओप्पोचा फोन, जाणून घ्या किंमत
OPPO Reno 12 5G सीरीज भारतीय बाजारात OPPO Reno 12 5G आणि OPPO Reno 12 Pro 5G सह लाँच झाली आहे. यावेळी कंपनीनं AI फीचर्सवर जास्त भर दिला आहे. तसेच अँड्रॉइड 14, 6.7 इंचाचा डिस्प्ले 50 एमपी ट्रिपल कॅमेरा आणि 32 एमपीचा सेल्फी कॅमेरा देखील मिळतो.
स्पेसिफिकेशन्स आणि फीचर्स
ओप्पो रेनो 12 आणि रेनो 12 प्रो 5जी अँड्रॉइड 14 आधारित ऑपरेटिंग सिस्टमवर चालतात. दोन्ही फोन 5G, वाय-फाय, जीपीएस, ब्लूटूथ, जीपीएस, Galileo, QZSS आणि यूएसबी टाईप-सी पोर्ट सारख्या कनेक्टिव्हिटी ऑप्शनसह बाजारात आले आहेत. तर डिव्हाइसमध्ये फिंगरप्रिंट सेन्सर आणि फेस अनलॉक देखील मिळतो.
Moto G85 5G: हात थरथरले तरी येतील क्लियर फोटो; 18 हजारांमध्ये मोटोरोलाचा नवा मॉडेल बाजारात
दोन्ही स्मार्टफोनमध्ये 6.7 इंचाचा कर्व्ड इनफिनिटी व्यू FHD+ AMOLED डिस्प्ले देण्यात आला आहे. दोन्हींचा रिफ्रेश रेट 120Hz आहे. स्मार्टफोन ब्रँड ओप्पोने ओप्पो रेनो 12 5जी सीरीजमध्ये 5,000mAh ची दमदार बॅटरी दिली आहे, जी 80W फास्ट चार्जिंगला सपोर्ट करते.
स्मूद फंक्शनिंगसाठी रेनो 12 5जी आणि रेनो 12 प्रो 5जी मध्ये MediaTek Dimensity 7300 चिप देण्यात आली आहे. तसेच, दोन्ही नवीन हँडसेटमध्ये AI Clear Face, AI Writer, AI Recording Summary आणि AI Eraser 2.0 चा सपोर्ट देण्यात आला आहे.
ओप्पो रेनो 12 आणि रेनो 12 प्रो मध्ये ट्रिपल रियर कॅमेरा सेटअप देण्यात आला आहे. यात 50MP चा मेन, 50MP चा टेलीफोटो आणि 8MP ची अल्ट्रा वाइड अँगल लेन्स आहे. दोघांमध्ये फक्त सेन्सरचा फरक आहे. रेनो 12 5जीमध्ये Sony LYT-600 सेन्सर मिळतो, तर प्रो मॉडेलमध्ये Sony IMX890 लेन्स देण्यात आली आहे. तसेच, सेल्फीसाठी रेनो 12 मध्ये 32MP चा कॅमेरा आणि रेनो 12 प्रो 5जी मध्ये 50MP चा कॅमेरा मिळतो.
किंमत आणि उपलब्धता
ओप्पो रेनो 12 5जी ची किंमत 32,999 रुपये आहे, यात 8GB रॅमसह 256GB स्टोरेज आहे. याची विक्री 25 जुलै 2024 पासून सुरु होईल. तसेच, रेनो 12 प्रोचा 12GB रॅम व 256GB स्टोरेज मॉडेल 36,999 रुपये आणि 12GB रॅम व 512GB स्टोरेज मॉडेल 40,999 रुपयांमध्ये विकत घेता येईल. याची विक्री 18 जुलैपासून सुरु होईल. या दोन्ही डिव्हाइसवर 4000 रुपयांचा इंस्टंट कॅशबॅक आणि नो-कॉस्ट ईएमआयचा ऑप्शन मिळेल.
लेखकाबद्दलसिद्धेश जाधवसिद्धेश जाधव जवळपास 6 वर्ष डिजिटल मीडियामध्ये टेक्नोलॉजी विषयी लिहीत आहे. सुरुवातीपासूनच टेक विषयी माहिती वाचकांना समजेल अशा सोप्या शब्दात मांडण्याचा प्रयत्न त्याने केला आहे. कामाव्यतिरिक्त सिद्धेशला प्रवास करायाला आवडतं. नेहमीच तो वेगवेगळ्या गड किल्ल्यांवर आणि ऐतिहासिक ठिकाणी फिरत असतो. फावल्या वेळात त्याला चित्रपट बघायला आवडतात. कधीकधी तो आपल्या भावना आणि विचार चारोळ्यांच्या माध्यमातून व्यक्त करतो…. आणखी वाचा