Tej Police Times
BSNL SIM Home Delivery: आता बीएसएनएल सिमची मिळेल घरपोच डिलीव्हरी, जाणून घ्या ऑर्डर करण्याची पद्धत
BSNL SIM Home Delivery: देशातील प्रमुख टेलीकॉम कंपन्यांनी प्रीपेड रिचार्ज प्लान महाग केले आहेत, त्यामुळे लोक स्वस्त पर्याय शोधत आहेत. अशा परिस्थितीत सरकारी टेलीकॉम कंपनी भारत संचार निगम लिमिटेड (BSNL) नवीन आशा बनून समोर आली आहे. अनेक लोक बीएसएनएलकडे आकर्षित होत आहेत. ही कंपनी तुम्हाला स्वस्त रिचार्ज प्लान्स ऑफर करते. शिवाय, कंपनी घरी बसून सिम कार्ड पुरवते. बीएसएनएलच्या वेबसाइटनुसार, कंपनी सिम कार्डची होम डिलीवरी सेवा देत आहे. यामुळे तुम्हाला सिमसाठी घरातून बाहेर पडण्याची गरज नाही.
नवीन BSNL सिम कसे मिळेल
बीएसएनएलने सिमच्या होम डिलीवरीसाठी Prune अॅप आणि LILO अॅपसोबत पार्टनरशिप केली आहे. तुम्हाला सिम पोर्ट करायचे असेल किंवा नवीन सिम खरेदी करायचा असेल तर तुम्ही Prune अॅपचा वापर करू शकता. बीएसएनएल सिमची होम डिलीवरी मिळते की नाही, हे जाणून घेण्यासाठी अनेकांनी या सेवेची टेस्टिंग केली आहे.
BSNL सिम ऑर्डर करण्याची पद्धत
बीएसएनएल सिमची होम डिलीवरी फक्त तीन शहरांमध्ये – ग़ाज़ियाबाद, गुरुग्राम आणि त्रिवेंद्रममध्ये केली जात आहे. ग़ाज़ियाबाद आणि गुरुग्राममध्ये Prune अॅपद्वारे सिमची डिलीवरी मिळेल, तर त्रिवेंद्रममध्ये LILO अॅप तुमच्या घरी सिम पोचवेल. आम्ही फक्त Prune अॅपची सेवा तपासली आहे.
सिमची होम डिलीवरी मिळवण्यासाठी तुम्हाला Prune अॅप डाउनलोड करावे लागेल. त्यानंतर रजिस्ट्रेशन पूर्ण करा आणि नाव, ईमेल आयडी, मोबाइल नंबर, पत्ता इत्यादी माहिती भरा.
BSNL प्लॅन्सची किंमत किती?
सर्व प्रक्रिया पूर्ण केल्यानंतर तुम्हाला बीएसएनएलचा प्लान निवडावा लागेल आणि पेमेंट करावी लागेल. टोटल पेमेंटमध्ये रिचार्ज प्लानची किंमत, सिम चार्ज (20 रुपये) आणि होम डिलीवरी चार्ज (30 रुपये) समाविष्ट आहेत.
काही युजर्सनी जेव्हा बीएसएनएल सिम ऑर्डर केले, तेव्हा त्यांना आढळले की Prune अॅप ऑर्डर घेत नाही आहे. हे अॅप आधीच जोरदार मागणीचा सामना करत आहे. त्यामुळे नवीन ऑर्डर घेत नाही आहे. आम्ही अनेक वेळा सिम ऑर्डर करण्याचा प्रयत्न केला पण वाढत्या मागणीमुळे आमची ऑर्डर पूर्ण झाली नाही. त्यामुळे कदाचित तुम्हालाही बीएसएनएल सिमसाठी थांबावे लागेल. तुम्हाला ते तात्काळ हवे असल्यास तुम्ही बीएसएनएलच्या सेंटरवर जाऊन नवीन सिम घेऊ शकता.
लेखकाबद्दलगौरव कुलकर्णीगौरव कुलकर्णी महाराष्ट्र टाईम्स येथे कन्सल्टंट डिजिटल कंटेंट प्रोड्युसर म्हणून कार्यरत आहे. २ वर्षांपासून डिजिटल मीडियाच्या माध्यमातून अनेक क्षेत्रांविषयी लिहित आहे. त्याने यापूर्वी लाइफस्टाइल व अर्थ विषयात लिखाण केले आहे. Times internet संचलित MENSXP आणि Mahamoney.Com येथे त्याने काम केले आहे. यासोबतच त्याला विज्ञान व टेक्नोलॉजी या विषयात विशेष रस आहे. याव्यरिक्त तो लेखक, कवी आणि दिग्दर्शक देखील आहे…. आणखी वाचा