Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Google Maps Tips: गुगल आपल्या विविध सर्व्हिसेसद्वारे आपल्या ग्राहकांना सर्वोत्तम अनुभव देण्याचा प्रयत्न करत असते. Google Maps एक नेव्हिगेशन अ‍ॅप आहे, ज्याचा उपयोग आपल्याला लोकेशन शोधण्यासाठी होतो. त्यात आता लाईव्ह लोकेशन शेअर करण्याची सुविधा देखील उपलब्ध आहे. या लेखाच्या मदतीने गुगल मॅपचे लाईव्ह लोकेशन कसे शेअर कराल जाणून घ्या..
- Google Maps जगभरातील असंख्य युजर्ससाठी एक विश्वासार्ह नेव्हिगेशन अ‍ॅप आहे. काही वेळा पूर्वीच कंपनीने त्यात एक नवीन फीचर जोडले आहे, जे त्याची फंक्शनॅलिटी आणखी सुधारण्यास मदत करणार आहे. या नवीन फीचरच्या मदतीने तुम्ही तुमच्या मित्रांशी आणि कुटुंबाशी तुमचे लाईव्ह लोकेशन शेअर करू शकता. यामुळे ते तुमच्या रिअल-टाइम लोकेशनबद्दल अपडेट राहू शकतात. हे फीचर लोकप्रिय मॅसेजिंग अ‍ॅप WhatsApp प्रमाणेच काम करते आणि Google Maps लोकेशन शेअरिंगवर कंट्रोल करते. तर जाणून घ्या या फिचरबद्दल सविस्तरपणे..
Google Maps लाईव्ह लोकेशन शेअर
- तुमच्या फोनवर Google Maps अ‍ॅप उघडा.
- नंतर, वरच्या उजव्या कोपऱ्यातील तुमच्या प्रोफाइल आयकॉनवर टॅप करा.
- ‘लोकेशन शेअरिंग’ नंतर ‘शेअर लोकेशन’ निवडा.
- आता शेअरिंगची कालावधी निवडा आणि कोणासोबत शेअर करायचे ते निवडा.
- शेअरिंग थांबवण्यासाठी, Maps उघडा, ‘शेअरिंग विथ लिंक’ वर टॅप करा आणि ‘Stop’ निवडा.
लोकेशन शेअरिंगचे फायदे
- Google Maps लाईव्ह लोकेशन इतर अ‍ॅप्सद्वारे देखील शेअर करण्याची परवानगी देतो.
- याशिवाय, हे फीचर ‘लोकेशन हिस्ट्री’ बंद असतानाही काम करते.
- Google Maps बहुतेक Android डिव्हायसवर पूर्वीच इंस्टॉल केलेले असते आणि iPhone युजर्ससाठीही एक लोकप्रिय ऑप्शन आहे.
iPhone किंवा iPad वरून तुमचे लोकेशन कसे शेअर कराल?
आयफोन किंवा आयपॅडवरून तुमचे लोकेशन शेअर करण्याची पद्धत अगदी अँड्रॉइड सारखीच आहे. Google मॅप्स उघडा आणि प्रोफाइल आयकॉनवर क्लिक करा. येथे लोकेशन शेअरिंग ऑप्शनवर टॅप करा. आता शेअर लोकेशन ऑप्शनवर टॅप करा. आता वेळ सेट करा आणि व्हॉट्सॲपसह कोणत्याही पद्धतीने तुमचे लोकेशन पाठवा.
Google Maps द्वारे कोणाचेही लोकेशन ट्रॅक करण्यासाठी, तुमच्याकडे त्यांचे लाईव्ह लोकेशन असणे आवश्यक आहे. स्थानाशिवाय ट्रॅकिंग करता येत नाही. लाइव्ह शेअरिंग लोकेशन फीचर गुगल मॅप्समध्ये उपलब्ध आहे. याद्वारे कोणीही त्यांचे लाईव्ह लोकेशन इतर कोणत्याही व्यक्तीला पाठवू शकतो. त्यानंतर लाईव्ह लोकेशनच्या मदतीने ती व्यक्ती तुम्हाला ट्रॅक करू शकेल.
लेखकाबद्दलगौरव कुलकर्णीगौरव कुलकर्णी महाराष्ट्र टाईम्स येथे कन्सल्टंट डिजिटल कंटेंट प्रोड्युसर म्हणून कार्यरत आहे. २ वर्षांपासून डिजिटल मीडियाच्या माध्यमातून अनेक क्षेत्रांविषयी लिहित आहे. त्याने यापूर्वी लाइफस्टाइल व अर्थ विषयात लिखाण केले आहे. Times internet संचलित MENSXP आणि Mahamoney.Com येथे त्याने काम केले आहे. यासोबतच त्याला विज्ञान व टेक्नोलॉजी या विषयात विशेष रस आहे. याव्यरिक्त तो लेखक, कवी आणि दिग्दर्शक देखील आहे…. आणखी वाचा