Tej Police Times
BOULT dashcam: बोल्टने लाँच केला हाय रिझोल्यूशन CruiseCam X3 डॅशकॅम, किंमत आणि फीचर्स जाणून घ्या
BOULT dashcam: बोल्टने भारतीय बाजारपेठेत नवीन डॅशकॅमची लाँचिंग केली आहे, ज्याचे नाव आहे CruiseCam X3. या नवीन डॅशकॅमची किंमत ग्राहकांच्या खिशाला परवडणारी असणार आहे. कसा आहे हा नवीन डॅशकॅम जाणून घ्या..
डॅशकॅमची गरज काय
रोडवर झालेल्या अपघातात अनेकदा दोन्ही पक्ष एकमेकांच्या चुकीकडे बोट दाखवतात. मात्र ठोस पुरावे नसल्यामुळे कोर्टालाही मिळालेल्या माहितीच्या आधारे निर्णय द्यावा लागतो. मात्र यात समोरील व्यक्तीकडे अपघाताचा पुरावा असल्यास त्याला आपली बाजू मांडणे सोपे होऊ शकते. म्हणून तुमच्या गाडीच्या आत डॅशकॅम लावणे आवश्यक आहे. जो सहजासहजी घटनेची रेकॉर्डिंग करेल.
BOULT CruiseCam X3 चे फीचर्स आणि स्पेसिफिकेशन्स
BOULT ने हा डॅशकॅम रोड सुरक्षा आणि कनेक्टिव्हिटी सुधारण्यासाठी डिझाइन केला आहे. CruiseCam X1 सीरीजच्या यशानंतर, कंपनीने नवीन डॅशकॅम लाँच केला आहे. हा डॅशकॅम फ्रंट आणि रियर कॅमेरासह सुपीरियर ड्यूल विजन प्रदान करतो. हा प्रत्येक तपशील 2K आणि 1080p फुल एचडी रिझोल्यूशनमध्ये कॅप्चर करतो. फ्रंट डॅशकॅम 4 मेगापिक्सल रिझोल्यूशनसह 2K व्हिडिओ शूट करतो, तर रियर डॅशकॅम 2 मेगापिक्सलच्या सेंसरसह 1080p व्हिडिओ शूट करतो.
रिअल-टाइम व्हिडिओ फुटेज मॉनिटरिंग
क्रूजकॅम X3 मध्ये 3.7 इंचाचा एचडी टच डिस्प्ले आहे, जो रिअल-टाइम व्हिडिओ फुटेज मॉनिटरिंग आणि सोपे नेव्हिगेशन प्रदान करतो. या डॅशकॅममध्ये 145 डिग्रीचा अल्ट्रा-वाइड फील्ड ऑफ व्यू आहे, ज्यामुळे ब्लाइंड स्पॉट कमी होतात. यामध्ये बिल्ट-इन G सेंसर देखील आहेत, जे अपघात ओळखून आपोआप इमर्जन्सी रिकॉर्डिंग सुरू करतात.
कंपनीने सुपर कॅपेसिटरचा वापर केला आहे, जो कोणत्याही खराब हवामानात चांगली ड्यूरेबिलिटी आणि परफॉर्मन्स प्रदान करतो. हा डॅशकॅम वाय-फाय कनेक्टिव्हिटीसह येतो आणि तुम्ही आपल्या स्मार्टफोनद्वारे कंट्रोल करू शकता. स्मार्टफोनद्वारे डॅशकॅम ऍक्सेस करण्यासाठी, तुम्हाला Boult Cruise ऍप्लिकेशन फोनमध्ये इंस्टॉल करावे लागेल.
लेखकाबद्दलगौरव कुलकर्णीगौरव कुलकर्णी महाराष्ट्र टाईम्स येथे कन्सल्टंट डिजिटल कंटेंट प्रोड्युसर म्हणून कार्यरत आहे. २ वर्षांपासून डिजिटल मीडियाच्या माध्यमातून अनेक क्षेत्रांविषयी लिहित आहे. त्याने यापूर्वी लाइफस्टाइल व अर्थ विषयात लिखाण केले आहे. Times internet संचलित MENSXP आणि Mahamoney.Com येथे त्याने काम केले आहे. यासोबतच त्याला विज्ञान व टेक्नोलॉजी या विषयात विशेष रस आहे. याव्यरिक्त तो लेखक, कवी आणि दिग्दर्शक देखील आहे…. आणखी वाचा