Tej Police Times
WhatsApp new features: आता इंटरनेटशिवाय वापरता येईल व्हॉट्सॲप, लवकरच मेसेजिंग प्लॅटफॉर्ममध्ये बघायला मिळतील हे 5 धमाकेदार फिचर्स
WhatsApp new features: व्हॉट्सॲप कंपनी नेहमी आपल्या युजर्सच्या दृष्टीने अपडेट्स लाँच करत असते. आता मेटाच्या मालकीचा हा मेसेजिंग प्लॅटफॉर्म लवकरच काही भन्नाट फिचर्स लाँच करणार आहे. नेमके कोणते असतील हे फिचर्स जाणून घेऊया…
फोन नंबरच्या ऐवजी युजरनेम
चॅटिंग सुरू करण्यासाठी व्हॉट्सॲप युजर्सना आपला नंबर शेअर करावा लागतो पण लवकरच त्याची जागा युजरनेम घेईल. समोर आले आहे की युजर्सना आपला युनिक युजरनेम सेट करण्याची संधी मिळेल आणि त्याद्वारे ते आपला फोन नंबर शेअर न करता चॅटिंग करू शकतील आणि ॲपमध्ये इतरांशी कनेक्ट होऊ शकतील. या फीचरशी संबंधित संकेत व्हॉट्सॲप वेब वर्जनमध्ये मिळाले आहेत.
ऑफलाइन फाइल शेअरिंग
मेटा यांच्या मालकीच्या अॅपमध्ये एक असे फीचर मिळणार आहे, जे इंटरनेटशिवाय काम करेल. समोर आले आहे की ॲपल एयरड्रॉप सारखे व्हॉट्सॲपमध्ये लवकरच ऑफलाइन फाइल शेअरिंग पर्याय मिळणार आहे. बीटा वर्जनमध्ये टेस्ट केले जात असलेल्या या फीचरचे नाव Nearby Share समोर आले आहे आणि त्याद्वारे मोठ्या फाइल्स पटकन शेअर करता येतील.
चॅट ट्रान्सलेशनचा पर्याय
गुगलच्या लाईव्ह ट्रान्सलेशन टेक्नॉलॉजीचा वापर करून लवकरच व्हॉट्सॲप आपल्या युजर्सना चॅटमध्ये पाठवलेले मेसेज ट्रान्सलेट करण्याचा पर्याय देईल. दावा आहे की यासाठी मेसेज क्लाउडवर पाठवले जाणार नाहीत आणि ऑन-डिवाइस प्रोसेसिंग होईल. बीटा फॉर अँड्रॉइड वर्जन 2.24.15.8 मध्ये या फीचरचे हिंट मिळाले आहेत.
Meta AI द्वारे एडिटिंग
युजर्सना अलीकडेच ॲपमध्ये आर्टिफिशियल इंटेलिजन्स आधारित Meta AI चा ऍक्सेस मिळायला सुरुवात झाली आहे. युजर्स चॅटबॉटच्या रूपात या जनरेटिव AI टूलशी बोलू शकतात. व्हॉट्सॲप बीटा फॉर अँड्रॉइड 2.24.14.20 वर्जनमध्ये संकेत मिळाले आहेत की, लवकरच Meta AI च्या मदतीने फोटोज एडिट करण्याचा पर्यायही मिळणार आहे आणि त्यावर काम चालू आहे.
काही रंगांचे व्हिज्युअल थीम्स
व्हॉट्सॲपमध्ये युजर्सना त्यांच्या आवडीनुसार थीम आणि रंग भाषा बदलण्याचा पर्याय मिळणार आहे. बीटा वर्जनमध्ये संकेत मिळाले आहेत की युजर्सना पाच नवीन रंग थीम्समधून निवडण्याची संधी मिळेल. डिफॉल्ट चॅट थीम्स निवडण्याशी संबंधित पर्याय Beta for iOS 24.12.10.77 वर्जनमध्ये दिसला आहे.
लेखकाबद्दलगौरव कुलकर्णीगौरव कुलकर्णी महाराष्ट्र टाईम्स येथे कन्सल्टंट डिजिटल कंटेंट प्रोड्युसर म्हणून कार्यरत आहे. २ वर्षांपासून डिजिटल मीडियाच्या माध्यमातून अनेक क्षेत्रांविषयी लिहित आहे. त्याने यापूर्वी लाइफस्टाइल व अर्थ विषयात लिखाण केले आहे. Times internet संचलित MENSXP आणि Mahamoney.Com येथे त्याने काम केले आहे. यासोबतच त्याला विज्ञान व टेक्नोलॉजी या विषयात विशेष रस आहे. याव्यरिक्त तो लेखक, कवी आणि दिग्दर्शक देखील आहे…. आणखी वाचा