Tej Police Times
HMD Crest and Crest Max: एचएमडीचे दोन फोन येत्या 25 जुलैला भारतीय बाजारात लाँच केले जाणार आहेत. हा फोन अॅमेझॉन इंडियावरून विकला जाईल यासाठी कंपनीनं खास मायक्रो साइट देखील लाइव्ह केली आहे. या सीरिजचे नाव क्रेस्ट असेल आणि यात ग्लास बॅक डिजाइन आणि इजी सेल्फी रिपेअर असे दमदार फीचर्स मिळतील.
HMD Crest आणि Crest Max च्या भारतातील लाँचची तारीख समोर आली आहे. भारतात पहिल्यांदाच एचएमडीच्या ब्रॅण्डिंग अंतर्गत स्मार्टफोन सादर केला जातील. यासाठी एक खास मायक्रो साइट अॅमेझॉन इंडियावर लाइव्ह करण्यात आली आहे, जिथून या हँडसेट बाबत बरीच माहिती मिळाली आहे. 
HMD Skyline: नोकिया लुमिया फोन्स सारखा दिसणारा हँडसेट आला; 50MP सेल्फी कॅमेऱ्यासह यात आहे 12GB रॅम
लिस्टिंगनुसार, हे फोन ग्लास बॅक डिझाइनसह येतील, म्हणजे यात प्रीमियम डिजाइन आणि बिल्ड मिळेल. लिस्टिंगमध्ये सांगण्यात आले आहे की हे फोन इजी रिपेअरसाठी बनवण्यात आली आहे. याचा अर्थ असा की यात मॉड्युलर डिजाइन मिळू शकते. अलीकडेच कंपनी HMD Skyline सीरिज सादर केली होती ज्यात रिपेअरेबल पार्टस देण्यात आले होते.
अॅमेझॉनवरील माहितीनुसार, या फोन्सच्या डिस्प्लेवर मध्यभागी पंच होल कटआऊट मिळेल, ज्यात सेल्फी कॅमेरा फिट केला जाईल. हे फोन्स नॅरो बेजल्ससह बाजारात येतील. चिपसेटची माहिती मिळाली नाही परंतु कंपनीनं यात सुपर फास्ट आणि स्टेबल परफॉर्मन्स असेलला चिपसेट मिळेल.
अॅमेझॉन मायक्रोसाइटनुसार एचएमडी क्रेस्ट आणि एचएमडी क्रेस्ट मॅक्स ‘मेड इन इंडिया’ असतील असा दावा कंपनीनं केला आहे. याआधी कंपनीनं अॅरो नाव रजिस्टर केलं होतं परंतु कायदेशीर अडचणीमुळे हे नाव बदलण्यात आलं. मीडिया रिपोर्टनुसार एचएमडी क्रेस्ट आणि एचएमडी क्रेस्ट मॅक्स हे HMD Pulse/Pulse Pro चे रीब्रँडेड मॉडेल नसतील तर हे नवीन फोन्स असतील ज्यात नवीन डिजाइन मिळेल आणि 5G नेटवर्क सपोर्ट मिळेल. यात सुधारित कॅमेरा देखील मिळेल.
एचएमडी क्रेस्ट अलीकडेच गिकबेंक वेबसाइट वर दिसला होता ज्यात अँड्रॉइड 14 ऑपरेटिंग सिस्टम मिळेल. त्याचबरोबर 8GB रॅम देण्यात येईल. हा फोन Unisoc T760 5G चिपसेटसह बाजारात येईल, तर ग्राफिक्ससाठी Mali-G57 MC4 जीपीयूचा वापर केला जाईल. या फोनला गिकबेंचच्या सिंगल कोर टेस्टमध्ये 669 पॉईंट्स तर मल्टी कोर टेस्टमध्ये 2143 पॉईंट्स मिळेल आहेत.
लेखकाबद्दलसिद्धेश जाधवसिद्धेश जाधव जवळपास 6 वर्ष डिजिटल मीडियामध्ये टेक्नोलॉजी विषयी लिहीत आहे. सुरुवातीपासूनच टेक विषयी माहिती वाचकांना समजेल अशा सोप्या शब्दात मांडण्याचा प्रयत्न त्याने केला आहे. कामाव्यतिरिक्त सिद्धेशला प्रवास करायाला आवडतं. नेहमीच तो वेगवेगळ्या गड किल्ल्यांवर आणि ऐतिहासिक ठिकाणी फिरत असतो. फावल्या वेळात त्याला चित्रपट बघायला आवडतात. कधीकधी तो आपल्या भावना आणि विचार चारोळ्यांच्या माध्यमातून व्यक्त करतो…. आणखी वाचा