बीबी का मकबरा परिसरात असलेल्या सर्व मिनारवर जाण्यासाठी पर्यटकांना बंदी आहे. मिनार ढसाळल्याची माहिती प्राप्त होताच पुरातत्व विभागाच्या अधिकाऱ्यांनी मिनारची पाहणी करित दुरुस्तीच्या हालचाली सुरू केल्या आहेत. मकबरा परिसरात आठ मिनार असून या घटनेमुळे आता मिनारांच्या सुरक्षेचा प्रश्न समोर आला आहे.
इतिहास तज्ज्ञांनी व्यक्त केली नाराजी
हा मकबरा बांधण्यासाठी कोणी पैसा दिला हे महत्त्वाचे नसून हा मकबरा बांधणारे हात हे औरंगाबदेचे होते. कामगार, कारागीर इथले होते. १६५८ मध्ये पूर्ण झालेला हा मकबरा दक्षिणेचा ताज म्हणून ओळखला जातो. आजही दक्षिणेत इतकी सुंदर इमारत नाही. पुरातत्व विभागाला भरघोस पैसा येतो. मात्र तो दुसरीकडेच जातो. ड्रोनच्या माध्यमातून पुरातत्व खात्याने संपूर्ण परिसराची नियमित पाहणी करावी आणी लिक्विडच्या सहाय्याने मकबाऱ्यावर आलेली झाडं नष्ट करावी. या घटनेमुळे मी दुखी झालो आहे. हा ऐतिहासिक वारसा जपला पाहिजे.
– शेख रमजान, वरिष्ठ इतिहास तज्ञ
कमी दराने मटण विकण्याचा वाद विकोपाला; मटण विक्रेत्याने केलं धक्कादायक कृत्य