देवगड बंदरातील मच्छीमारीसाठी गेलेली गणपत निकम यांची पुण्यश्री नौका २२ वाव खोल समुद्रात मच्छीमारी करत होती. यावेळी अचानक नौकेने पेट घेतल्याने नौकेचे मोठे नुकसान झाले आहे. सदर घटना रविवारी घडली असून घटनेची माहिती मिळताच स्थानिक ग्रामस्थांनी भर समुद्रात आपल्या नौकांसह धाव घेत नौकेला लागलेल्या आगीवर नियंत्रण मिळवण्यासाठी शर्थीचे प्रयत्न केले. तब्बल चार तासानंतर आगीवर नियंत्रण मिळवण्यास मच्छिमार बांधवांना यश आले असले तरी नौकेचे मोठे नुकसान झाले आहे.
पाहा व्हिडिओ –
मिळालेल्या माहितीनुसार, पुण्यश्री नौका शुक्रवारी पहाटे चार वाजण्याच्या सुमारास खोल समुद्रात मच्छिमारी करण्यासाठी गेली होती. सुमारे २२ वावमध्ये मच्छिमारी करत असताना अचानक नौकेला आग लागली. या आगीवर नियंत्रण मिळविण्यासाठी नौकेवरील खलाशांनी प्रयत्न केले. मात्र, त्यांना यश आले नाही. अखेर आग भडकतच गेली. आग नियंत्रणात येत नसल्याचे मच्छिमार बांधवांच्या लक्षात येताच नौकेवरील मच्छीमार बांधवांनी खोल समुद्रात उड्या घेत आपले जीव वाचविण्याचा प्रयत्न केला.
हेही वाचा -दोघं भाऊ ख्रिसमस पार्टीत दारु पिऊन घरी आले, रात्री झोपले ते उठलेच नाही…
ही घटना समजल्यानंतर स्थानिक मच्छिमार बांधवानी आपल्या नौका घेऊन समुद्रात धाव घेतली. चार तासाच्या अथक परिश्रमानंतर स्थानिक मच्छिमार ग्रामस्थ यांना आगीवर नियंत्रण मिळवण्यात यश आले. नौकेवरील आगीवर नियंत्रण मिळवल्यानंतर जळीत नौकेला देवगड बंदरात आणण्यासाठी इतर मच्छिमार बांधवांनी शर्थीचे प्रयत्न केले.
देवगडमधील आनंदवाडी बंदर आणि आजुबाजुचे मच्छिमार बांधव महेश सागवेकर, बापू सागवेकर, हितेश हरम, आकाश हरम बाबू वाडेकर अक्षय हरम, चेतन पाटील नागेश परब बाबू कदम आधी मच्छिमार बांधवांनी आग विझवण्यासाठी मदत केली.
हेही वाचा -चीनमध्ये २० दिवसांत २५ कोटी करोना रुग्ण, भारताला किती धोका? तज्ज्ञांनी दिलं उत्तर
नौकेला बंदरात आणल्यानंतर स्थानिक ग्रामस्थांनी घटनास्थळी धाव घेत नौकेला किनाऱ्यावर आणण्यास शर्थीचे प्रयत्न केले. या दुर्घटनेत नौका मालक गणपत निकम यांचे मोठे नुकसान झाले आहे. आग विझवताना दोन मच्छिमार बांधवांच्या पायाला भाजल्यामुळे स्थानिक ग्रामीण रुग्णालयात अधिक उपचार करण्यासाठी पोलिसांच्या गस्ती नौकेतून नेण्यात आले.
हेही वाचा -गुप्तांगात बॉम्ब अडकला, माजी सैनिकाला पाहून डॉक्टरही हादरले, तातडीने रुग्णालय केलं रिकामं