शोभराज याला मुक्त करण्याचे आदेश नेपाळच्या सर्वोच्च न्यायालयाने दिले होते. याचवेळी १५ दिवसांत त्याची फ्रान्सला पाठवणी करावी, असेही आदेश दिले होते. त्यानंतर नेपाळच्या परराष्ट्र मंत्रालयाने यानंतर फ्रान्स सरकारशी संपर्क साधून त्याची फ्रान्समध्ये परत पाठवणी करण्याच्या निर्णयाची माहिती दिली. यानुसार शुक्रवारी सकाळी मोठ्या बंदोबस्तात त्याला काठमांडूतील विमानतळावर नेण्यात आले व तेथून कतार एअरवेजच्या विमानाने त्यास दोहामार्गे पॅरिसला धाडण्यात आले. चार्ल्स शोभराज सध्या फ्रान्समध्ये असून तिथे तो त्याची आई व मुलीसोबत राहतोय. मात्र त्याला भारतात येण्याचीही इच्छा आहे.
तुरुंगात असताना एका वृत्तपत्राने त्याची मुलाखत घेतली होती. त्यावेळेस त्याला तुरुंगातून सुटल्यानंतर काय करणार याबाबत विचारचं. त्यावर त्याने सुटका झाल्यानंतर मी सर्वप्रथम पॅरीसमध्ये असलेल्या माझ्या मुलीची भेट घेणार. त्यानंतर मला भारतात येण्याचीही इच्छा आहे. तिथे पुण्यात माझे काही मित्र आणि माझ्या बहिणी आहेत, असं त्यानं म्हटलं होतं.
वाचाः वाहतूककोंडीपासून सुटका होणार! डोंबिवली पश्चिम ते दुर्गाडी अंतर आता सहा मिनिटांत पार करता येणार
तसंच, तुरुंगातून सुटल्यानंतर त्यांने त्याच्या उर्वरीत आयुष्यासाठी काही प्लानही ठरवले आहेत. शोभराजचे वय आता ७८ इतकं आहे. त्याला अनेक वर्ष जिवंत राहायचं आहे. त्यासाठी तो नियमित शारिरीक आणि मानसिकरित्या तदुंरुस्त राहण्यासाठी व्यायाम करतो. त्यामुळंच त्याचं आरोग्य चांगलं असल्याचा दावा त्याने केला आहे.
वाचाः कपाटाची चावी सापडली नाही, चोरट्यांनी कपाटच उचलून नेले; पण नंतर झाला पश्चात्ताप
चार्ल्स शोभराजचा त्याच्या आयुष्यातील नाट्यमय घडामोडींवर पुस्तकही लिहायचे आहे. तो सुटकेनंतर लेखन आणि व्यवसायात व्यस्त राहणार आहे. शिवाय, काही डॉक्युमेंट्री आणि चित्रपटांवरही तो काम करणार आहे, असं त्याने मुलाखतीत म्हटलं आहे.
वाचाः डबा खात असताना बिबट्याची झडप, फरफटत नेले; आई-बापाच्या डोळ्यांसमोर चिमुकल्याचा अंत